ลูกา 14:11 - Prai Bible11 เอิญ ไล แป นังเลาะ นะ เอา นเดย ตี ไอ มี ญอม ท็อม นัง ออ อัห ก็ ไอ มี ระ นำ มี เกียด เตาะ แต เอา นเดย ญอม ท็อม นัง ออ วาล อัห ก็ ระ นำ กุญ เกียด ดก วัล” เยซู อัง အခန်းကိုကြည့်ပါ။ |
ลูกา 14:11
24 ပူးပေါင်းရင်းမြစ်များ
เจ็นนัน เยซู ก็ ไล อัห ตอ วัล “เอิญ ไล แป นังเลาะ นะ ดาย เปียะ ล็อง เน เอาซาง ไอ มี ทือ ลุห ครำ เก็บ พาซี ญาม นำ วัล เจิง ออ เอาซาง ก็ เค็ย นำ เลาะ อุ เคิบ เอาซาง แลว ไอ แมน ครำ ฟาริซี นัน เตาะ เอา นเดย ตัก อวด นัง ออ เอาซาง ก็ เค็ย ไอ มี เลาะ เตาะ แต เอา นเดย ตี ไอ มี อวด นัง ออ เอาซาง ก็ เค็ย เอา นัน เลาะ วัล” เยซู ไล อัห จังเน
ใจ แอ ซีรอก แอง ลุห นอ แต เอาซาง เฮง แอง เลาะ ซิห แอ วัล นำ มี แร็ง ดก กวา ใจ เครม คอง แอ นำ มี แร็ง ดก กวา ซังคม มด ดาย นำ จวย แอ แอง เลาะ กุญ เจ็นนัน ก็ ต็อง กิว ญอม นัง ออ ตัก เอาซาง ซีเละ ดาย ตัก แญง เอาซาง ก็ ไล ฮุนเน “ครำ ตี กึด เค็ย นัง ออ เลาะ อุ แลว เอาซาง ก็ ซู เคิบ อัห แต ครำ ตี ญอม นัง ออ เอาซาง ก็ แอง เลาะ เคิบ อัห ฮัก” เอาซาง ซู เคิบ ครำ ตี อวด นัง ออ ดาย ซุพาซิด 3:34
ทาเน ซำรับ แป ตี ควะ นุม อุ ครอ ระ แป ปัง ปึง อัหแกะ ตี ซับรวง คริซจัก ดาย ต็อง กิว ญอม ปัง แญง อัห เลาะๆ ดาย อำ อวด นัง ออ เตาะ แต ครอ ระ แป ญอม แอ็ม ตัก นอย จวย นอย ฮัก เอาซาง เน นำ แอง เลาะ ซิห ครำ ตี ญอม ตัก นอย ดาย แต ครำ ตี อวด นัง ออ เอาซาง ไอ มี มัก เตาะ นำ ก็ เกิ๊ด รวง อัห ตอตาน อัห วัล ดาย
ကြော်ငြာတွေ