ลูกา 12:17 - Prai Bible17 นำ ก็ กึด ใน ใจ ออ คือเน ‘บา ไอ มี ปอ ตี เอิญ ระ ซา เอิญ แอง จังนัก เลาะ บ็อห’ นำ กึด จังเน အခန်းကိုကြည့်ပါ။ |
ลูกา 12:17
23 ပူးပေါင်းရင်းမြစ်များ
ทาเน กัน แอ กิว รัก นอย แอ ต็อง แอง จังนัก นังเลาะ เลือง รัก นอย เน แอ ก็ ต็อง ดอม เอิด ตัก เยซู ซัง แอ เม็จ ดาย เยซู เน นำ รัก แอ ซีเละ นำ ญอม ซะละ ซีวิด ออ เพือ ครำ แอ เน เจ็นนัน กัน แอ เม็จ เยซู รัก แอ ดก มอก นัน แลว แอ ก็ ซมควน รัก นอย มอก นัน แอ ซมควน ญอม ซะละ เพือ นอย มอก เยซู นัน ก็ เลาะ
เยซู เม็จ ล็อง นะ ซวัล ออ คือนัน นำ ก็ ไล ล็อง นะ คือเน วัล “เออะ ดิห มัห ต็อง แอง มี มบลึ วัล ดาย มัห ต็อง วัล เจิง มัห ต็อง เท็จ แอ็ม ซะ จู มบลึ ตี มัห มี อุ นัน แลว มัห เท็จ แอ็ม แลว มัห ก็ เอิด เงิน นัน ปัน อน ตัก ครำ ตุก ครำ ญาก เจ็นนัน มัห ก็ เริล เคิบ เอิญ บัดนะ มัห ก็ มี รางวัน ดก นทม ระ ตัก ซะวัน ทึห” เยซู อัง
ญอน เอาซาง เลาะ มอก นัน มัห ก็ ต็อง ไล ครำ ฮัง อำ ทือ นัง ออ อำ เปิง เงิน เตาะ อำ กึด เค็ย มี เงิน แลว ซะบาย อุ มี เงิน แลว ไอ มี จำเป็น เปิง เอาซาง อำ กึด จังนัน เตาะ อำ เปิง ซะ ใน โลก เน ตี ไอ มี กุม อิง เตาะ แอ ต็อง เปิง เอาซาง ฮัก ซัง เลาะ แอ มี ซีวะ ใน โลก เน ก็ เป็น ตัก เอาซาง อน ตัก แอ ฮัก เป็น ตัก นำ ใจ ดัว ซิห แอ ฮัก นำ อน ตัก แอ ระ แอ เลาะใจ อุ แอ ต็อง เปิง นำ ฮัก ซัง เลาะ
เจ็นเน แอ เท็จ แอ็ม ซะ คอง ออ ก็ เลาะ เท็จ แลว แอ ก็ เอิด เงิน นัน จวย ครำ ตุก ครำ ญาก ตี ไอ มี ซีวะ ป็อง แอ จวย อัห จังเน แอ ก็ มี ซะ ดก นทม ระ ตัก เจิง เอาซาง นทึห วัล ซมบัด ตัก เจิง เอาซาง นัน ไอ มี งาล ไอ มี ซีเอ ลอด มอด กอม ก็ ไอ มี ป็อง เตาะ ไอ มี กรา แอ็ม เตาะ ซะ ตี แอ นทม ระ ตัก เจิง เอาซาง นัน ก็ ปอดไพ อุ ตลอด
ကြော်ငြာတွေ