ลูกา 10:33 - Prai Bible

³³ เจ็นนัน ก็ โตะ มี ล็อง วัล ‍ เป็น ครำ ซะมาเรีย ‍ นำ เม็จ ล็อง นะ อวย โซะ อุ ‍ นำ ก็ ตึ อัง ล็อง นะ ‍

ลูกา 10:33 ပူးပေါင်းရင်းမြစ်များ

ลูกา 7:13

ทาเน แมมาย ล็อง นัน ก็ เญ็ม ‍ เยซู เม็จ แมมาย ล็อง นัน เญ็ม ‍ นำ ก็ ตึ อัง แมมาย นัน ซีเละ ‍ นำ ก็ ไล แมมาย นัน คือเน “อำ เญ็ม เตาะ ดาย จ็อง” นำ อัง ‍

มัดทิว 18:33

เอิญ ตึ อัง มัห มอก นัน แลว ‍ ซีวะ มัห ไอ มี ตึ อัง ลูกนอง เอิญ วัล ‍ มัห เคิบ นำ ก็ เป็น ลูกนอง เอิญ ‍ ซีวะ มัห ไอ มี ตึ อัง นำ มอก เอิญ ตึ อัง มัห นัน’ พะเจายูฮัว อัง ‍

มัดทิว 10:5

ญาม เยซู และ ไล ปึง ซิบซอง ล็อง เริล ออ นัน ‍ นำ ก็ เพีย ไล อัห คือเน “อำ เริล และ ครำ กรอก ซอ เคิบ ครำ ซะมาเรีย ดาย  ‍

ยอน 8:48

ทาเน ครำ ยิว นัน ‍ อัห ก็ แร็ด ซวัล เยซู คือเน “บัห มัห เน ‍ อิห ไล มัห เคิน ก็ แคระ แลว ‍ มัห เน เป็น ครำ ซะมาเรีย ตี ไอ มี เม็จจึด เคิบ เอาซาง ‍ มัห จ็อก ฮุนนัน ก็ ปรอง กุด มัห ซีเละ เต็ห” อัห อัง

ยอน 4:9

อัหเม ล็อง นะ ก็ งึด ตี เยซู ซ็วน ออก ตัก นำ ‍ ทำมาดา ครำ ยิว เคิบ ครำ ซะมาเรีย เน ‍ อัห ไอ มี จับ อัง นอย ซัก มี ติด เตาะ ‍ อัหเม ล็อง นะ ก็ ไล เยซู คือเน “มัห ซ็วน ออก ตัก เอิญ อังวะ ‍ มัห ครำ ยิว ‍ เอิญ ครำ ซะมาเรีย ดุห ‍ มัห ซ็วน ออก ตัก เอิญ อังวะ” นำ อัง  ‍

อิซราเอล ญาย 2:6

นำ ก็ มพึห ดอม อู นัน ‍ นำ เม็จ ควัน แย็ด เญ็ม อุ ‍ นำ ก็ ซีตึ อัง ควัน แย็ด นัน ‍ นำ ก็ จ็อก คือเน “ควัน แย็ด เน เป็น ควัน ครำ ฮีบรู กา” นำ อัง

ลูกา 10:32

เจ็นนัน ก็ โตะ ครำ กรอก เลวี มี ล็อง วัล ‍ นำ เป็น พูจวย มอ เอาซาง ตัก วิฮาน ‍ นำ เม็จ ล็อง นะ ‍ นำ ก็ ไอ มี ซำ จวย เตาะ ‍ นำ ก็ เว็น เริล แอ็ม เมือนนอย

ลูกา 10:34

นำ ก็ เลิ๊บ จวย ล็อง นะ ‍ นำ ก็ เอิด ปุจ องุน ลาง แอ็ม แพ ล็อง นะ ‍ นำ ลาง แพ แลว ‍ นำ ก็ เอิด นำมัน ซิห ตัก แพ ล็อง นะ ‍ นำ เอิด พา ปอก แพ อน ตัก ล็อง นะ ‍ เจ็นนัน นำ ก็ แกบ เอิด ล็อง นะ ต็อก ซิห ตัก เคา ลา มี นัง ‍ ตาง นำ ซับ ตัก โรงแรม ‍ โตะ ตัก โรงแรม แลว ‍ นำ ก็ จวย ดอม จวย รักซา ล็อง นะ