ลูกา 1:67 - Prai Bible

⁶⁷ ทาเน เอา ยอน ตัก เซคารียา นัน ‍ นำ ก็ มี ซีมาล เอาซาง อุ เลิม เคิบ ออ ‍ ซีมาล เอาซาง ก็ ซับรวง นำ เพีย ไล อน ฮุนเน

ลูกา 1:67 ပူးပေါင်းရင်းမြစ်များ

อุ ตี แลง 11:25

เยโฮวา ก็ จูล โตะ ตัก บด จ็อก เคิบ อัห ‍ เยโฮวา ก็ อน ซีมาล ออ ตัก ปึง เอา แกะ เจ็ดซิบ ล็อง นัน มอก นำ ไล อน ตัก โมเซด แลว ‍ ญาม ซีมาล นัน โตะ อุ เคิบ อัห แลว ‍ ปึง อัห จู ล็อง ก็ จ็อก มอก เป็น ลาม เอาซาง ฮัก ‍ แต ไอ มี อิง ก็ เค็ด งาล แอ็ม

ลูกา 1:15

อัห เลาะใจ ก็ เพาะวา งกีจ็อง ระ ควัน มัห นัน เป็น ซะ แกะ บัดนะ ‍ งกีจ็อง ก็ ไอ มี ระ นำ ออก ปุจ องุน ‍ ไอ มี ระ นำ ออก ปุจ เตาะ ‍ นำ ก็ มี แร็ง คอง ซีมาล เอาซาง อุ เลิม เจ็น ควะ อุ ตัก มพุล เม ‍

ลูกา 1:41

โตะ มารี ตัก เจิง ปาม แลว ‍ นำ ก็ งกรอ เอลีซาเบด ‍ ญาม เอลีซาเบด เม็จ แญง มารี งกรอ ออ นัน ‍ ควัน แย็ด ตัก มพุล เอลีซาเบด ก็ แร็ง นดิ ซีเละ ‍ ซีมาล เอาซาง ก็ ซับรวง เอลีซาเบด จ็อก เคิบ มารี แร็งๆ ฮุนเน “มารี เฮย ‍ เอาซาง แอง เลาะ ไบ เลาะ เบอ เคิบ มัห จังนะ ‍ นำ แอง เลาะ ซิห มัห กวา อัหเม ซอ มด จู ล็อง ‍ เอาซาง ก็ แอง เลาะ เคิบ ควัน มัห วัล ‍

ตัวแทน 2:4

จู ล็อง จู นัง ก็ มี ซีมาล เอาซาง อุ เลิม มด ‍ อัห ก็ ลด จ็อก แญง อัหซอ กุญ ‍ ซีมาล นัน ระ อัห จ็อก จังนัก อัห ก็ จ็อก จังนัน

ตัวแทน 2:8

ซีวะ แอ ปัง แญง อัห จ็อก ก็ เป็น แญง คอง แอ ฮัก ‍

ตัวแทน 9:17

อานาเนีย ก็ เริล ‍ โตะ เจิง อัห แลว ‍ อานาเนีย ก็ กุด ควังใน เจิง ‍ นำ ก็ ต็อก ซิห ที ตัก เซาโล ‍ นำ ก็ จ็อก คือเน “เซาโล เฮย ‍ เยซู งกีจ็อง คอง แอ ‍ ตี นำ ระ มัห เม็จ นัง ออ ตัก รวง งิ นาน ‍ นำ ไล เอิญ โตะ และ มัห ‍ นำ ไล เอิญ โตะ จวย มัห ‍ ระ มัห ดอม ซะ ตาด วัล ดาย ‍ นำ ก็ ระ มัห มี ซีมาล เอาซาง อุ เลิม เคิบ มัห” อานาเนีย อัง ‍

2 เปโตร 1:21

ไอ แมน ครำ กึด ซีรอก จด เอิด ออ ฮัก เตาะ ‍ แต เป็น กำกึด เล็ห เจ็น เอาซาง ฮัก ‍ เป็น ซีมาล เอาซาง จำใจ อัห ‍ ซับรวง อัห กึด ‍ ซับรวง อัห จ็อก ฮัก