ยูดา 1:5 - Prai Bible5 เลือง ตี เอาซาง เกย ลงโทด ครำ ไอ มี เลาะ นัน แป ก็ เม็จ เลาะ แลว นอ แต เอิญ ครอ มบก ไล แป มี ลบ วัล กึด อ็อญ กา ตัก อิง เอาซาง ลงโทด ครำ อิซราเอล นอ ตี นา เอาซาง จวย อัห ปน แอ็ม เจ็น ปะเทด อียิบ นัน แต แทะ ลอล นัน วัล ก็ มี มี ปึง ตี ไอ มี เจือ เอาซาง เอาซาง ก็ มเบิล แอ็ม อัห มด အခန်းကိုကြည့်ပါ။ |
ยูดา 1:5
14 ပူးပေါင်းရင်းမြစ်များ
ก็ ซัง ซีเอ บ็อห ตี เม็จ แญง เอาซาง จ็อก เคิบ ออ แลว แต ควะ แอง ลืน แอง ดาน อุ ไอ มี ญอม ปัง แญง เอาซาง ตี แอง ระ เอาซาง อ็อด อุ ซีซิบ ปี นัน ตี เอาซาง ซาบาน ไอ มี ระ อัห กุด ปะเทด คานาอัน มโบละ อุ เลิม เคิบ ออ นัน ก็ เป็น ซีเอ บ็อห นอ ก็ เป็น ครำ อิซราเอล ตี โมเซด ซับรวง อัห ทอก เจ็น ปะเทด อียิบ นัน เป็น ครำ ปึง นัน ตี ลืน แญง เอาซาง เอาซาง ลด ลงโทด ซิห อัห ซบ อัห ก็ พราล อุ ตัก ตี แลง นัน เป็น ครำ อิซราเอล ปึง นัน ฮัก ตี ไอ มี ญอม เจือ เอาซาง อัห ลืน ดาน อัห ก็ ต็อง กุญ โทด
ควน นไจ เฮย เอิญ เคียน จดมาย อน ตัก แป เปียะ ลบ ตึง เน นอ ตี เอิญ เคียน อน แป เปียะ ลบ เน เอิญ ซีรอก ระ แป ลุห นโทล อัง แญง ลาม เอาซาง ตี อัห เพีย ไล อน ตัก อิง นัน เอิญ ซีรอก ระ แป ลุห นโทล อัง แญง เยซู ตี นำ ไล อน ตัก แอ นัน เยซู เน นำ เป็น งกีจ็อง ตี จวย แอ ปน แอ็ม เจ็น ลุห นัน ทาเน เลือง ตี เยซู โตะ จวย แอ นัน ก็ มี ปึง ตัวแทน เยซู ไล อน ตัก แป แลว นอ เจ็นนัน ก็ ครอ ระ แป ลุห นโทล อัง แญง เยซู นัน เลาะๆ ดาย ครอ ระ แป กึด เลาะ กึด แคระ มอก เอาซาง ฮัก
ကြော်ငြာတွေ