ยูดา 1:13 - Prai Bible13 ครำ ปึง เน อัห ก็ เป็น มอก มพวก นอก ตี เจอะ ตัก ทะเล นัน เล็ห งกริม มพัห นโดน มพัห นแด็ห ก็ เล็ห มพวก ลอย อุ ตัก นอก ลัห ทึห นัน มพวก นอก นัน ก็ เจอะ ซีเละ ปึง นัน ก็ เป็น มอก มพวก นอก ตี เจอะ นัน อัห ก็ มอก ซีเม็ญ ตี ลอย เริล ลอย วัล ไอ มี อุ เป็น ตี นัน ซุดทาย อัห ก็ ต็อง อุ ตัก ตี ม็อญ ซะ ญึด นัน ตัก นัน ก็ ม็อญ ซะ อุ ตลอด จำ นเดย จำ กวา အခန်းကိုကြည့်ပါ။ |
ทาเน ครำ ตี ไล แญง เอาซาง ไอ มี แคระ นัน อัห ก็ มอก ต็อห นอก ตี ทัง งโคล นัน ไอ มี ปะโยด ซีวะ เตาะ อัห ก็ มอก บด ตี งกริม นทูด แอ็ม นัน ไอ มี กิว เป็น ปะโยด ซัก มี ติด ปึง นัน เอาซาง เตียม งกุก จุ อน ตัก อัห แลว งกุก ตี เอาซาง เตียม อน ตัก อัห นัน ม็อญ ซะ ญึด บัดนะ เอาซาง ก็ เติล อัห ตัก ตี ม็อญ ซะ ญึด นัน
แป จำ เลือง เทวาดา ตัก อิง นัน อัน ตี เอาซาง ลงโทด ปึง เทวาดา ตี แอง ลุห นัน ปึง เทวาดา นัน อัห ไอ มี ปอใจ เคิบ ซิด อำนาด ตี เอาซาง อน ตัก อัห นัน อัห พระ แอ็ม ตำแน็ง คอง ออ แลว เอาซาง ก็ ลงโทด อัห นำ เอิด โซ ท็อก อัห ระ อน โซ นัน ไอ มี จางรู กิด แอ็ม เตาะ นำ เติล ระ อัห ตัก ตี ม็อญ ซะ ญึด อุ ตลอด นัน ปึง เทวาดา นัน ก็ ต็อง เพา อุ ตัก นัน จำปอ เล็ห งิ ตี เอาซาง ตัดซิน ลงโทด อัห บัดนะ
เจ็นนัน เอาซาง ก็ เญ็บ ปรอง ซาตาน ตี จุ ซุย ครำ ทัว โลก นัน เอาซาง เญ็บ เย็ห กวาง แอ็ม ตัก งกุก โอด งกุก มาด นัน ระ เย็ห อุ ตัก งกุก โอด นัน เลิม เคิบ ซัด ราย เลิม เคิบ ลาม คีอู นัน เอาซาง ก็ ระ ปรอง ซาตาน เคิบ ซัด ราย เคิบ ลาม คีจุ นัน ทอระมาน อุ ตัก งกุก โอด นัน มด งิ มด แจ็ล ตลอด จำ นเดย จำ กวา นโดน
แต ซำรับ ครำ ตี เม็จ แญง เอิญ แลว แต อัห ควะ นเจิก ไอ มี ฮาน เจือ เอิญ อัห ก็ กุญ อุ ตี งกุก โอด ครำ ตี ไอ มี เจือ เคิบ ครำ ตี แอง ไอ มี เลาะ ครำ ตี มเบิล อัห ครำ ตี ปิล จู ครำ ตี เอิด อัหคล็อง เคิบ อัหคล็อง เอิด อัหเม เคิบ อัหเม ครำ ตี มี ครู มี คาทา ครำ ตี ไว ฮูบ ไว พะ ครำ คีอู คีลม ครำ ปึง เน อัห กุญ อุ ตัก งกุก โอด ตัก มี มาด มี โอด ลน อุ วืลๆ นัน อัห อุ ตัก งกุก โอด นัน ก็ เป็น อัห เปิล เปียะ ลบ ตึง เน” นำ อัง