ยอน 9:29 - Prai Bible29 โมเซด เน เอาซาง ไล อน แญง ออ ตัก นำ ฮัก เอาซาง มอบ อำนาด อน ตัก โมเซด แลว แต เยซู เน นำ เล็ห เจ็น นเดย เจ็น กวา ฮุ อิห ไอ มี เม็จจึด เตาะ ไอ มี เลาะ เจือ นำ เตาะ” อัห อัง အခန်းကိုကြည့်ပါ။ |
ยอน 9:29
28 ပူးပေါင်းရင်းမြစ်များ
ตี ปึง พซาซน จ็อก เคิบ นอย มอก นัน เยซู ก็ เม็จ มด ญาม นัน เยซู อุ ตัก วิฮาน เอาซาง นัน ไล อัห นำ ก็ ไล อัห คือเน “แป เม็จจึด เคิบ เอิญ นังเลาะ เอิญ เล็ห เจ็น นเดย แป ก็ เม็จ มด แต แป ไอ มี เม็จจึด เอา นัน ตี ไล เอิญ โตะ ตัก โลก เน ตี เอิญ โตะ และ แป เน ก็ ไอ แมน เอิญ โตะ ตาม กำกึด ออ ฮัก ดาย เป็น กำกึด เอา นัน ตี ไล เอิญ โตะ ฮัก เอา นัน ก็ ซือซัด ซีเละ แต แป เน ไอ มี เม็จจึด เคิบ นำ เตาะ
เยซู ลด ไล อัห คือเน วัล “ตี เอิญ เค็ย นัง ออ โตะ นโจง รวง อน แป เน ก็ แคระ แลว ดาย แป เจือ เอิญ ก็ กุญ เพาะวา เอิญ เน เม็จจึด เค็ย นัง ออ เล็ห เจ็น นเดย เอิญ เริล พานเดย วัล บัดนะ เอิญ ก็ เม็จ มด เอิญ ก็ ลด เป็น พญาน เพียห ออ กุญ แต แป เน ไอ มี เม็จจึด เอิญ เล็ห เจ็น นเดย เอิญ เริล พานเดย วัล บัดนะ แป ก็ ไอ มี เม็จจึด เตาะ
ปึง ฟาริซี แกด ล็อง อัห ก็ ไล นอย คือเน “เยซู ล็อง นะ นำ ไอ แมน ครำ ตี เอาซาง ไล โตะ ตัก แอ เตาะ นำ แองกาน ตัก วัน เซา งิ มโบละ แอ นำ ลุห อัง กด แอ ดุห” อัห อัง แต มี แกด ล็อง อัห ก็ เทียง ฮุนเน “กัน เยซู เป็น ครำ ลุห นำ แอง ซะ แปลก จ็อง มอก เน ไอ มี กุญ เตาะ” อัห อัง ปึง ฟาริซี นัน อัห กึด ไอ มี เมือนนอย เตาะ
ทาเน ครำ อิซราเอล ก็ ไอ มี ปัง โมเซด อัห ลบ วัล โป ซิห โมเซด ‘มัห ซีแอง แกะ อังวะ อีเอ ไล มัห โตะ ตัดซิน อิห เน เออะ’ อัห อัง อัห ไอ มี ปัง โมเซด เตาะ แต เป็น โมเซด ล็อง เนๆ ตี เอาซาง จ็อก เคิบ นำ ตัก เกา ซีเยอะ นัน เอาซาง ตัง ระ นำ เป็น ฮัวนา ปกคอง ครำ อิซราเอล เป็น โมเซด ล็อง เนๆ ตี เอาซาง ระ โตะ จวย ครำ อิซราเอล ปน แอ็ม เจ็น ตุก นัน
ซะไม ตัก อิง ญาม เอาซาง จ็อก เคิบ เอา เม แอ นำ จ็อก เคิบ อัห ดก ลบ วิที เอาซาง จ็อก เคิบ อัห ก็ มี ดก มบลึ ตัก อิง นัน นำ จ็อก เคิบ ปึง ลาม เอาซาง มี จูบ มี ล็อง ฮัก นำ จ็อก เคิบ อัห ดก ล็อง ซะไม ตัก อิง นัน นำ จ็อก เคิบ ล็อง เน ล็อง นัน ฮัก เจ็นนัน ลาม เอาซาง นัน ก็ ไล อน ตัก เอา เม แอ ตอ วัล อัห ไล อน ตัก เอา เม แอ มอก เอาซาง จ็อก เคิบ อัห นัน
แต ซะไม มานะ เน ตัก ซะไม ซุดทาย เน เอาซาง ระ ควัน คอง ออ โตะ จ็อก เคิบ แอ ฮัก ควัน คอง เอาซาง เน แกะ ทีซุด เอาซาง ระ ควัน ออ เน แอง วาง แอง ซิก ตัก อิง นัน เอาซาง อน จู มบลึ ตัก ควัน ล็อง เน จู มบลึ เน เป็น กากุน คอง นำ ฮัก เป็น ควัน เอาซาง ล็อง เนๆ ตี แกะ ทีซุด ตี โตะ จ็อก เคิบ แอ มานะ เน
ကြော်ငြာတွေ