ยอน 8:45 - Prai Bible

⁴⁵ เอิญ ไล แป นังเลาะ นะ ‍ แป เป็น ควัน ปรอง ‍ แป ก็ ลด ไอ มี มัก ปัง เอิญ ‍ เอิญ โตะ เลามุน เลือง นังเลาะ ตัก แป ‍ แป ก็ ไอ มี เจือ” เยซู อัง ‍

ยอน 8:45 ပူးပေါင်းရင်းမြစ်များ

2 เทซะโลนิกา 2:10

นำ แอง ดก มบลึ จุ ซุย อัห ตี ไอ มี ญอม เจือ คาว เลาะ นัน ‍ คาว เลาะ นัน จวย อัห ปน แอ็ม เจ็น โทด ก็ กุญ ‍ แต อัห ไอ มี ญอม เจือ ‍ อัห ไอ มี ซอบ ปัง เลือง นังเลาะ นัน ‍ อัห ก็ กาน แอ็ม ตัก ครำ คีจุ นัน ‍ เอาซาง ก็ ต็อง ลงโทด อัห ‍ อัห ก็ ต็อง เปิล ‍

กาลาเทีย 4:16

ก็ มอก แป เซ็ห อัง เอิญ ‍ ก็ มอก แป เค็ย เอิญ เป็น ซะตรู เคิบ แป วัล ‍ ญอน เอิญ ไล แญง นังเลาะ อน ตัก แป นัน ‍ แป วัล เซ็ห อัง เอิญ วัล ‍ ก็ ไอ แมน จังนัน ก้า

ยอน 18:37

ปีลาด ก็ ซ็วน เยซู คือเน วัล “มัห เป็น พะเจายูฮัว นังเลาะ แมน อัน” ปีลาด อัง ‍ เยซู ก็ ซวัล ปีลาด คือเน “มัห เค็ย เอิญ เป็น พะเจายูฮัว ก็ แคระ แลว ‍ แต ตี เอิญ โตะ ตัก โลก เน ‍ ตี เอิญ เกิด เป็น ครำ เน ‍ ก็ เอิญ โตะ เพือ ไล เลือง นังเลาะ อน ตัก ครำ ใน โลก เน ปัง ‍ จู ล็อง ตี ซีรอก เม็จจึด เลือง นังเลาะ นัน ‍ อัห ก็ ปัง แญง เอิญ” เยซู อัง ‍

ยอน 8:46

เจ็นนัน เยซู ก็ ตา อัห ฮุนเน ‍ “ตัก ปึง แป เน มี ซีเอ เม็จ เอิญ แอง ลุห ซีวะ กำนะ ‍ แป ไล อ็อญ กา ‍ เอิญ จ็อก เลาะ จ็อก ซือ เคิบ แป ฮัก ‍ แป ไอ มี เม็จ เอิญ จ็อก ลุห ซีวะ ‍ ก็ ซีวะ แป ไอ มี เจือ เอิญ ‍