ยอน 7:33 - Prai Bible33 โตะ ปึง ตำรวด นัน แลว อัห ก็ ไอ มี กุญ เญ็บ เยซู เตาะ ทาเน เยซู ก็ ไล อัห คือเน “เอิญ อุ เคิบ แป ไอ มี อิง เตาะ เจ็นนัน เอิญ ก็ วัล ออ เอิญ วัล โตะ และ ล็อง นัน ตี ระ เอิญ โตะ และ แป เน အခန်းကိုကြည့်ပါ။ |
ยอน 7:33
16 ပူးပေါင်းရင်းမြစ်များ
มานะ เน เอิญ กำลัง เริล และ มัห เอิญ ไอ มี อุ ตัก โลก แพนซิก เน วัล เตาะ แต ปึง เนๆ อัห ควะ อุ ตัก โลก แพนซิก เน เอา เฮย มัห ซักซิด ทีซุด เอิญ ครอ เคิบ มัห เอิด ริด เอิด อำนาด คอง มัห ตี มัห อน ตัก เอิญ นัน ครอ ระ มัห เอิด ริด อำนาด นัน จวย รักซา รักซม ปึง เน ระ อัห ปอดไพ อุ ครอ อำ ระ อัห แยก นอย แตก นอย เตาะ ครอ จวย ระ อัห เป็น มี ปึง เดียว เลิม ดาย เอา ครอ ระ อัห เปาะ นอย อุ เลาะๆ มอก อา เน เปาะ นอย เลาะ อุ แลว
เอิญ จวย นำ มานะ เน ก็ เลาะ มเบิด ก็ มอก เอิญ เป็น ทาง ซะ ญาม เอิญ ควะ อุ ตัก โลก แพนซิก เน เอิญ ก็ โตะ นโจง รวง อน แป มด จู ล็อง มเบิด ก็ มอก ควะ งิ ญาม ควะ งิ อุ เน เอิญ ก็ ต็อง แอง มอก เอาซาง ไล เอาซาง นัน ฮัก ไล เอิญ โตะ ตัก โลก เน เอิญ ก็ ต็อง แอง มอก นำ ไล อน ไอ มี อิง เอิญ ก็ ไอ มี ควะ เตาะ มเบิด ก็ มอก แจ็ล ม็อญ ซะ แอง ซีวะ ไอ มี กุญ เตาะ เอิญ อุ เน แลว เอิญ ต็อง จวย นำ มานะ เน นอ” เยซู ไล อัห จังนะ มัดทิว 5:14, ยอน 8:12
เอิญ ไล แป นังเลาะ นะ อีเอ ตี เจือ เอิญ เน อัห แอง มอก เอิญ ก็ กุญ เอิญ บัก เริล และ เอา ออ แลว ญาม เอิญ เริล อุ เคิบ เอา ออ แลว เอิญ ก็ ลด ระ ครำ ตี เจือ เอิญ นัน แองกาน แตน เอิญ วัล อัห แอง ดก มบลึ กุญ มอก เอิญ อัห ก็ แอง ดก กวา เอิญ วัล ตี อัห แอง ดก กุญ ก็ ญอน เอิญ เริล อุ เคิบ เอา ออ นัน
ทาเน มารี ก็ เกาะ ระ นัง เยซู เยซู ก็ มบราง นำ “อำ เกาะ ระ เอิญ ดาย มารี เอิญ ต็อง วัล และ เอา ออ ตัก ซะวัน นทึห วาล แต มัห ต็อง เริล และ ควน นไจ เอิญ ดาย มัห ไล อัห คือเน ‘เอิญ วัล และ เอา ออ ดาย นำ เป็น เอา เอิญ นำ ก็ เป็น เอา คอง แป วัล นำ เป็น งกีจ็อง คอง เอิญ นำ ก็ เป็น งกีจ็อง คอง แป วัล เอิญ ต็อง เริล และ นำ ฮัก’ มัห ต็อง ไล อัห มอก เอิญ ไล มัห เน ดาย” เยซู อัง
ကြော်ငြာတွေ