ยอน 7:15 - Prai Bible

¹⁵ ครำ ตี ปัง แญง นำ อุ นัน ‍ อัห ก็ ญ็อก งึด อัง นำ ‍ อัห กึด คือเน “เยซู เน นำ เม็จจึด ซะ ดก มบลึ ‍ แต นำ ไอ มี เกย นเจ็น ซีวะ ‍ ไอ มี นำ นเจ็น จบ ซีวะ ‍ ก็ ซีวะ นำ เม็จจึด ซะ ดก มอก เน” ปึง พซาซน กึด จังเน ‍

ยอน 7:15 ပူးပေါင်းရင်းမြစ်များ

มัดทิว 22:22

ปึง อัห เม็จ เยซู ซวัล ออ คือนัน ‍ อัห ก็ งึด อัง เยซู ‍ อัห ก็ พระ เยซู ‍ อัห ลด เริล ออ

มัดทิว 22:33

ญาม พซาซน เม็จ แญง เยซู ไล ปึง ซะ แกะ จังนัน ‍ อัห ก็ งึด ซีเละ ‍ อัห งึด อัง แญง ตี นำ ไล อัห นัน

ลูกา 2:47

มด ปึง ตัก ปัง แญง เยซู อุ นัน ‍ อัห ก็ ญ็อก งึด อัง นำ ตี นำ มี ปันญา ดก ‍ ซวัล อัห เลาะ

ลูกา 4:22

ครำ ตัก ฮ็อง พซุม นัน ‍ อัห ก็ เลาะใจ ปัง นำ ‍ อัห เค็ย นำ จ็อก เลาะ ซีเละ ‍ อัห ก็ งึด อัง นำ ‍ อัห เค็ย “เอ ‍ เยซู เน นำ เป็น ครำ งวัล แอ เน ฮัก นอ ‍ นำ เป็น ควัน โยเซบ ‍ นำ ไอ มี เป็น ครำ พิเซด ซีวะ ‍ แต ซีวะ นำ จ็อก เลาะ จ็อก เก็ง มอก เน” อัห อัง

ยอน 1:19

มี มี งิ นัน ‍ ปึง ซะ แกะ ตัก เมือง เยรูซาเล็ม ‍ อัห ซีรอก เม็จจึด ยอน เป็น ซีเอ นังเลาะ ‍ ปึง ซะ แกะ นัน ก็ ไล มอ เอาซาง แด เคิบ ครำ กรอก เลวี แด เริล ซ็วน ยอน ‍ ปึง มอ เอาซาง เคิบ ปึง เลวี เน ก็ เริล เจ็น เมือง เยรูซาเล็ม ‍ อัห เริล ซ็วน ยอน ซือๆ คือเน “มัห เป็น ซีเอ” อัห อัง ‍

ยอน 7:11

ทาเน ตัก เมือง เยรูซาเล็ม นัน ‍ ปึง ซะ แกะ ครำ ยิว อัห กึด เค็ย ‍ นำ ต็อง โตะ ซะลอง เทซกาน นัน เคิบ อัห ‍ อัห ก็ โละ และ นำ ‍ อัห ก็ ซ็วน และ นำ ตัก พซาซน ติกๆ ‍ “แป เม็จ เยซู อัน” อัห อัง

ยอน 7:13

แต อัห ไอ มี ฮาน ไล ตัก มัด ครำ ดก ‍ อัห นเจิก มี ปันฮา เคิบ ซะ แกะ ครำ ยิว

ยอน 7:46

ปึง ตำรวด นัน อัห ก็ ซวัล ซะ แกะ คือเน ‍ “ก็ อิห ไอ มี เกย เม็จ อีเอ จ็อก เลาะ จ็อก แคระ มอก ล็อง นัน ‍ นำ จ็อก เลาะ ซีเละ” อัห อัง

ตัวแทน 26:24

ญาม เปาโล ควะ จ็อก อุ นัน ‍ เฟทัด ก็ โป นำ คือเน “เปาโล ‍ พีบา มัห แลว เน เต็ห ‍ แร็ง ดก มัห นเจ็น นังซือ เกิน ‍ ลด บา อี อัง มัห” นำ อัง ‍

ตัวแทน 4:13

ทาเน ปึง ซะพา เม็จ เปโตร จ็อก จังนัน ‍ อัห ก็ เคาใจ เปโตร เคิบ ยอน ฮาน ซีเละ ‍ อัห เม็จจึด ปาม เป็น ครำ ทำมาดา ไอ มี กุญ นเจ็น นังซือ ดก ‍ อัห ก็ งึด อัง ปาม ‍ อัห เม็จจึด เค็ย ‍ กำนา ปาม ก็ กุญ อุ เลิม เคิบ เยซู ‍