“ญาม เอิญ ตัดซิน ครำ นัน เอิญ แอง ซีวะ ตาม ใจ ออ ไอ มี กุญ เตาะ เอิญ แอง ตาม เอา ไล เอิญ ฮัก นำ ไล เอิญ ตัดซิน จังนัก เอิญ ก็ ตัดซิน จังนัน เอิญ ไอ มี ตัดซิน ตาม ใจ ออ เอิญ ตัดซิน ตาม ใจ เอา ออ ตี ไล เอิญ โตะ ตัก โลก เน เอิญ ก็ ลด ตัดซิน แคระ ตลอด ญอน เอิญ ตาม ใจ เอา ออ ฮัก” เยซู อัง
ยอน 6:38 - Prai Bible38 เอิญ จูล เล็ห เจ็น ซะวัน ตัก ทึห ก็ เอิญ โตะ แอง จู มบลึ มอก เอา เอิญ ไล เอิญ ไอ มี โตะ แอง ตาม กำกึด ออ เตาะ เอิญ โตะ แอง ตาม แพนกาน ตี เอา เอิญ กึด ไล เอิญ แอง ฮัก အခန်းကိုကြည့်ပါ။ |
ยอน 6:38
19 ပူးပေါင်းရင်းမြစ်များ
ทาเน เยซู ก็ ไล อัห คือเน “ซะ ป็อง คอง เอิญ ก็ ฮุนเน ดาย เอิญ แอง มอก เอาซาง ไล อน นัน เอิญ ก็ อิม แลว เอิญ โตะ ตัก โลก เน เอิญ โตะ แอง ตาม ใจ เอาซาง ฮัก เป็น เอาซาง นัน ฮัก ระ เอิญ โตะ ตัก โลก เน เอิญ ก็ ต็อง แอง มอก นำ กึด ระ อน ฮัก กัน เอิญ แองกาน ตาม แพนกาน เอาซาง แลว มด เอิญ ก็ อิม เน เป็น ซะ ป็อง คอง เอิญ
เพาะวา แป ไอ มี ตัน ก็อห เริล และ เอาซาง ไอ มี ซีเอ เกย ก็อห เริล และ เอาซาง ตัก วาง นทึห เตาะ ไอ มี ซีเอ เกย ลบ โตะ ไล เลือง นัน ตัก แป วัล แต เอิญ ตี เอาซาง ระ เกิด เป็น ครำ เน เอิญ มี ล็อง เดียว เน ตี เกย อุ ตัก วาง ทึห เอิญ ก็ จูล โตะ เจ็น วาง ทึห โตะ และ แป ตัก เน แลว แป เจือ เอิญ ก็ เลาะ
เลือง เน แอ ต็อง ดอม เอิด จาง ตัก เยซู คริด ดาย นำ ไอ มี แอง ตาม ใจ ออ นำ ซอดแซ็ง แอง เพือ แอ ตลอด นำ แอง มอก แญง เอาซาง ไล อน คือเน “อัห โป ดูทูก ดูแควน มัห นัน ก็ คลิห ตัก กึ เอิญ ฮัก” แญง เอาซาง อัง เพลง เอาซาง 69:9 เยซู ซอดแซ็ง ตี อัห แอง ไอ มี เลาะ ซิห นำ มอก นัน แลว แอ ดอม เอิด จาง ตัก นำ ก็ เลาะ
ကြော်ငြာတွေ