ยอน 5:20 - Prai Bible20 เอาซาง ตัก เป็น เอา เอิญ นำ รัก เอิญ ซีเละ นำ ระ เอิญ เม็จ จู มบลึ ตี นำ แอง มานะ เน แป เม็จ เอิญ รักซา ครำ โซะ ล็อง เน บัดนะ เอา เอิญ ก็ ระ เอิญ เม็จ แร็ง ออ ดก กวา เน วัล แป ก็ เม็จ แป เม็จ แป ก็ งึด จ็อง วัล အခန်းကိုကြည့်ပါ။ |
ยอน 5:20
17 ပူးပေါင်းရင်းမြစ်များ
ตัก อิง นัน เอาซาง ตัก เป็น เอา คอง เยซู คริด นัน นำ อน เกียด ตัก เยซู ยาง ดก ซีเละ อิห ก็ เม็จ เคิบ มัด ออ ฮัก ดาย เอาซาง ก็ ระ นำ ทาง อุ เซ็ล อุ รับๆ อิห ก็ อุ ตัก นัน เลิม ญาม นัน นอ ญาม นัน ก็ มี แญง จ็อก เล็ห เจ็น เอาซาง ตัก มี เกียด มี แร็ง ดก ทีซุด นัน นำ จ็อก คือเน “ล็อง เนๆ เป็น ควัน เอิญ ฮัก นำ เป็น ควัน เอิญ ตี เอิญ รัก ดก ซีเละ” เอาซาง อัง
เอิญ ไอ มี เค็ย ลูกนอง ตัก แป วัล เตาะ เอิญ เค็ย แป เป็น เปือน เอิญ ฮัก ปึง ลูกนอง เน อัห ไอ มี เม็จจึด เค็ย เอาเลียง ออ แอง ซีวะ นังเลาะ แต เอิญ เค็ย แป เป็น เปือน เอิญ ฮัก ก็ เพาะวา เอิญ ไล จู มบลึ อน ตัก แป มด เอา ไล ซีวะ ตัก เอิญ เอิญ ก็ ไล อน ตัก แป มด แป ก็ ลด แก็นใจ เค็ย แป กิว เป็น เปือน เอิญ ซีเละ
เอิญ ไล แป นังเลาะ นะ อีเอ ตี เจือ เอิญ เน อัห แอง มอก เอิญ ก็ กุญ เอิญ บัก เริล และ เอา ออ แลว ญาม เอิญ เริล อุ เคิบ เอา ออ แลว เอิญ ก็ ลด ระ ครำ ตี เจือ เอิญ นัน แองกาน แตน เอิญ วัล อัห แอง ดก มบลึ กุญ มอก เอิญ อัห ก็ แอง ดก กวา เอิญ วัล ตี อัห แอง ดก กุญ ก็ ญอน เอิญ เริล อุ เคิบ เอา ออ นัน
อัห ก็ เลอะ รีด เล็ห มด อัห ก็ ทอก เจ็น งกุก ตี อัห เทิ๊บ นัน มด จู ล็อง แต แลว อัห รีด เล็ห แลว อัห กุญ มี ยาง มี ล็อง ครำ ตี แอง เลาะ อัห ก็ กุญ รีด อุ เลาะ เคิบ เอาซาง แต ครำ ตี แอง ไอ มี เลาะ นัน อัห ก็ รีด เล็ห เมือนนอย อัห รีด เล็ห แลว ควัน เอาซาง ก็ ลบ ตัดซิน ลงโทด อัห” ดาเนียน 12:2
เยซู ก็ ลบ จ็อก ฮุนเน วัล “ซะ จู มบลึ เน เอา เอิญ มอบ อน ตัก เอิญ มด แลว เอิญ ก็ ลด มี แร็ง มี อำนาด มี ปันญา มด เอิญ เม็จจึด มด จู มบลึ แต ไอ มี ซีเอ เม็จจึด เคิบ เอิญ เตาะ มี แต เอา เอิญ มี ล็อง เดียว ตี กิว เม็จจึด เคิบ เอิญ เลือง เอา เอิญ ก็ เมือนนอย อัหซอ ไอ มี จบ เม็จจึด นำ มี แต เอิญ เคิบ ครำ ตี เอิญ เลือก เอิด ระ เม็จ เตานะ ปึง เนๆ ตี เม็จจึด เคิบ เอา เอิญ เลาะ” เยซู อัง
เจ็นนัน เยซู ก็ ลด ไล ครำ ตี อุ เลิม เคิบ ออ นัน คือเน “เอา เอิญ นำ มอบ ซิด อำนาด จู มบลึ ตัก เอิญ แลว แต ครำ ไอ มี กิว เคาใจ ไอ มี ซีเอ กิว เม็จจึด เอิญ ตี เป็น ควัน นำ มี แต เอา เอิญ มี ล็อง เดียว นัน เม็จจึด เอิญ ครำ ซอ ไอ มี กิว เม็จจึด เอิญ เตาะ เอา เอิญ ก็ เมือนนอย ไอ มี ซีเอ กิว เม็จจึด เอา เอิญ มี แต เอิญ เคิบ ปึง นัน ตี เอิญ ซีรอก ระ เม็จจึด เคิบ เอา เอิญ ฮัก ปึง นัน อัห เม็จจึด เคิบ เอา เอิญ ครำ ซอ ไอ มี เม็จจึด เอา เอิญ เตาะ” เยซู อัง
ကြော်ငြာတွေ