Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ยอน 3:33 - Prai Bible

33 แต ซีเอ ตี เจือ ปัง แญง นำ ‍ อัห ก็ เป็น พญาน เค็ย เอาซาง จ็อก เลาะ จ็อก ซือ ‍ อัห ก็ เป็น พญาน เค็ย นำ เป็น ครำ ตี แอ เน เจือ กุญ ‍

အခန်းကိုကြည့်ပါ။ ကော်ပီ




ยอน 3:33
17 ပူးပေါင်းရင်းမြစ်များ  

เอิญ ไล แป นังเลาะ นะ ดาย ‍ อำ แป ปาย โละ และ ซะ ป็อง ตัก ไอ มี กุม อิง เตาะ ‍ แป ต็อง โละ และ ซะ ป็อง ตัก กุม อิงๆ ฮัก ซัง เลาะ ‍ ซะ ป็อง ตัก กุม อิง นัน ‍ ก็ ซีแล็ม เค็ย ซีวิด รีด อุ จำ นเดย จำ กวา ‍ เอิญ เน ตี เอาซาง ระ เกิด เป็น ครำ ‍ เอิญ มี ซิด มี อำนาด ระ แป รีด อุ จำ นเดย จำ กวา กุญ ‍ ตี เอิญ แอง ซะ ป็อง ระ แป กุญ ป็อง อิม งิ เซ็น ‍ ก็ เป็น เอาซาง รับรอง เค็ย ‍ เอิญ เน เป็น ครำ จวย ระ แป รีด อุ จำ นเดย จำ กวา นัน” เยซู อัง


เอิญ ก็ มี ดก เลือง ตี เอิญ โป แป กุญ ‍ มี ดก เลือง ตี เอิญ ตัดซิน ระ แป เปิล ก็ กุญ ‍ แต มานะ เน เอิญ ไอ มี งเคาะ โป แป ดก ‍ เอิญ ไอ มี งเคาะ ตัดซิน แป ‍ ล็อง นัน ตี ไล เอิญ โตะ และ แป เน ‍ นำ จ็อก เลาะ จ็อก ซือ ตลอด ‍ นำ ไอ มี ไล เอิญ ตัดซิน ลงโทด แป ตัน ‍ เอิญ ก็ ไอ มี งเคาะ ตัดซิน แป เตาะ ‍ แต เอิญ โตะ ไล ซะ ตี ล็อง นัน ไล อน ตัก เอิญ ฮัก” เยซู อัง


กัน แลว เอิญ ซับ เงิน นัน อน ตัก อัห แลว ‍ เอิญ ก็ เริล ปะเทด ซะเปน ‍ แต วาล ไอ ตัน เอิญ เริล ซะเปน ‍ เอิญ ซีรอก แวด แอว และ แป ตัก เมือง โรม วาล ‍


ตี เอาซาง ญอม ฮับ อับราฮัม เป็น ครำ เลาะ นัน ‍ ก็ ไอ มี จบ เกียว เคิบ พิที ซุนัด ซัง ‍ เป็น ตัก นำ เจือ เอาซาง ฮัก ‍ เอาซาง ไล นำ แอง พิที ซุนัด แทะ นัน วัล ‍ พิที ซุนัด นัน ก็ เป็น เคือง มาย เค็ย ‍ นำ แอง เลาะ เคิบ เอาซาง แลว เจ็นนัน อับราฮัม ก็ มอก เป็น เอาจ็อง คอง แอ ตี เจือ เอาซาง มด ‍ เพาะวา เอาซาง ดอม แอ เป็น ครำ เลาะ ครำ ซือ ญอน แอ เจือ เยซู มอก อับราฮัม นัน ‍ ครำ กรอก ซอ ตัก ไอ มี แอง ซุนัด นัน ‍ เอาซาง ก็ ดอม เค็ย เลาะ ‍ ครำ ยิว ตัก แอง ซุนัด ‍ แต เจือ เอาซาง มอก อับราฮัม นัน ‍ เอาซาง ก็ ดอม เค็ย เลาะ เมือนนอย ‍ ไอ มี จบ เกียว เคิบ แอง ซุนัด เตาะ ‍ แอ จูกรอกๆ ตี เจือ มอก อับราฮัม นัน ‍ เอาซาง ก็ ดอม เค็ย เลาะ เมือนนอย มด


ซำรับ อัหซอ แกด ล็อง นัน ‍ อัห ไอ มี ญอม ฮับ เค็ย เอิญ เป็น ตัวแทน เยซู ‍ แต ปึง แป เน ‍ แป ญอม ฮับ เค็ย เอิญ เป็น ตัวแทน คอง งกีจ็อง แลว ก้า ‍ เพาะวา เอิญ ไล แญง เอาซาง ตัก แป ‍ ระ แป เจือ เจ็น เกา แลว ดุห ‍ ตี แป เจือ เอาซาง นัน ก็ เป็น ลักทาน แลว เค็ย ‍ เอิญ กิว เป็น ตัวแทน เยซู นังเลาะ


ซำรับ เอิญ เน ก็ ไอ แมน มอก นัน เตาะ ‍ เอิญ ไล แป ซือๆ มอก เอาซาง จ็อก ซือ เคิบ แอ นัน ‍ เอิญ ไอ มี จ็อก มอก อัห เตาะ ‍ กัน เอิญ เค็ย “เออะ” ก็ “เออะ” ซีเละ ‍ กัน เอิญ เค็ย “ไอ” ก็ “ไอ” ซีเละ


เอาซาง ก็ มาย แอ ระ อน เป็น ครำ คอง นำ ฮัก ‍ เจ็นนัน นำ ก็ อน ซีมาล ออ ตัก แอ ‍ ซีมาล เอาซาง นัน ก็ รับรอง แอ เค็ย ‍ บัดนะ นำ กิว อน จู มบลึ ตัก แอ ‍ มอก นำ ซันญา แลว นัน


อิห เจือ วาล ‍ แป ก็ เจือ แทะ นอ ‍ แป เจือ แลว นำ ก็ แอง เลาะ เคิบ แป ‍ มอก นำ แอง เลาะ เคิบ อิห ตี เจือ วาล ‍ ญาม มี ครำ โตะ ไล เลือง นังเลาะ ตัก แป กำนา นัน ‍ แป ก็ เจือ ลด เป็น ครำ เยซู คริด เมือน เคิบ อิห นังเลาะ ‍ คาว เลาะ ตี แป ปัง นัน ก็ ซับรวง แป ปน แอ็ม เจ็น ลุห ซีเละ ‍ นำ ก็ อน ซีมาล ออ ตัก แป มอก นำ ซันญา ระ อน แลว ‍ นำ อน ซีมาล ออ ตัก แป ‍ มาย ระ แป เป็น คอง ออ แลว


อำ แอง ระ ซีมาล เอาซาง เซียใจ ดาย ‍ เพาะวา เอาซาง อน ซีมาล ออ ตัก แอ ‍ มาย ระ แอ เป็น ครำ คอง ออ แลว ‍ นำ ก็ ระ ซีมาล ออ อุ เคิบ แอ จำปอ เล็ห งิ นำ แก แอ็ม นัง แอ ‍ ระ ปน แอ็ม เจ็น ซะพาบ ลุห เน


อัห คีจุ นอ ‍ แต แญง เอาซาง แคระ ตลอด ‍ ไอ มี เปียน เตาะ ‍ ซีเอ กิว เป็น ครำ คอง นำ ซีเละ นำ ก็ เม็จ มด ‍ เลือง ซำคัน ตี อัห จด ระ อน ตัก แอ ก็ มี เปียะ มบลึ ฮุนเน “ซีเอ กิว เป็น ครำ คอง เอิญ นังเลาะ ‍ เอิญ ก็ เม็จจึด อัห มด” มี ตี นัน วัล ก็ ไล จังเน “ครำ ตี กิว เป็น ครำ คอง เอิญ นัน ‍ อัห จำเป็น ต็อง พระ แอ็ม ซะ ไอ มี เลาะ มด จู มบลึ ‍ อัห จำเป็น ต็อง ไอ มี แอง เพอะ แอง เจอะ วัล เตาะ” อัห จด ระ อน เปียะ มบลึ ฮุนนัน ‍ ซีเอ กิว เป็น ครำ คอง นำ ‍ อัห ก็ แอง มอก นัน ดาย


ทาเน เอาซาง ซันญา เคิบ แอ แลว ‍ นำ ก็ ลบ ซาบาน เคิบ แอ วัล ‍ นำ ซีรอก ระ แอ เฮง แก็นใจ เค็ย ‍ นำ ไอ มี เปียน ใจ วัล ‍ ตี นำ ซันญา ก็ เปียน ไอ มี กุญ อุ แลว ‍ ตี นำ ซาบาน ก็ เปียน ไอ มี กุญ เมือนนอย ‍ เปียะ แญง นัน ‍ นำ จุ ไอ มี กุญ ‍ นำ ไล เปียะ ลบ นัน ก็ เพือ ระ แอ ตี เปิง นำ ‍ ตี ซีรอก ปอดไพ อุ เคิบ นำ ‍ กุญ แก็นใจ เจือ เค็ย ‍ เอาซาง กิว อน จู มบลึ ตี นำ ซันญา อน ตัก แอ นัน


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ