ยอน 21:17 - Prai Bible17 เจ็นนัน เยซู ก็ ลบ ซ็วน เปโตร วัล เป็น แพะ ลบ ตึง เน “ซีโมน ควัน ยอน เฮย มัห รัก เอิญ ซีเละ อัน” เยซู อัง เปโตร ก็ เซียใจ ซีเละ ตี เยซู มบก ซ็วน นำ มอก นัน ตึง แพะ ลบ นำ ก็ ไล เยซู ฮุนเน “งกีจ็อง เฮย มัห เม็จจึด จู มบลึ แลว เอิญ รัก มัห มัห ก็ เม็จ มด แลว” เปโตร อัง ทาเน เยซู ก็ ไล เปโตร คือเน วัล “ครอ ระ มัห เลียง ดอม แกะ เอิญ เลาะๆ ดาย အခန်းကိုကြည့်ပါ။ |
ยอน 21:17
40 ပူးပေါင်းရင်းမြစ်များ
ควน นไจ เฮย เอิญ เคียน จดมาย อน ตัก แป เปียะ ลบ ตึง เน นอ ตี เอิญ เคียน อน แป เปียะ ลบ เน เอิญ ซีรอก ระ แป ลุห นโทล อัง แญง ลาม เอาซาง ตี อัห เพีย ไล อน ตัก อิง นัน เอิญ ซีรอก ระ แป ลุห นโทล อัง แญง เยซู ตี นำ ไล อน ตัก แอ นัน เยซู เน นำ เป็น งกีจ็อง ตี จวย แอ ปน แอ็ม เจ็น ลุห นัน ทาเน เลือง ตี เยซู โตะ จวย แอ นัน ก็ มี ปึง ตัวแทน เยซู ไล อน ตัก แป แลว นอ เจ็นนัน ก็ ครอ ระ แป ลุห นโทล อัง แญง เยซู นัน เลาะๆ ดาย ครอ ระ แป กึด เลาะ กึด แคระ มอก เอาซาง ฮัก
อิห ไล แป นังเลาะ นะ เตา ตี อิห เคาใจ เน อิห ก็ แอง เลาะ แอง ซือ ซิห ครำ จู ล็อง ซำรับ แป ตัก เมือง โคริน ก็ ซำ ฮาย อิห แก็นใจ ซีเละ เค็ย อิห แอง เลาะ เคิบ แป ตลอด อิห แก็นใจ ซีเละ เค็ย เอาซาง จวย อิห แอง เลาะ แอง ซือ เคิบ แป จู ลบ ดาย ตี อิห แอง เลาะ เคิบ แป เน ก็ ไอ แมน อิห เปิง ปันญา ซังคม โลก เน เตาะ แต อิห เปิง แร็ง เอาซาง ตี แอง เลาะ ใจ ดัว ซิห แอ นัน นำ อน แร็ง ตัก แอ ฮัก
เยซู เม็จจึด แลว ปึง ยูดาด และ แอง ซีวะ ซิห นำ งวะ นำ ก็ เม็จ มด ทาเน โตะ ปึง ยูดาด แลว เยซู ก็ นจาง ทอก เจ็น ปึง ลูกนอง เริล และ ปึง ยูดาด นำ เริล เปียะ แพะ นจาง นำ ก็ ญ็อง อุ ยูดาด ตี ฮักลัง เยซู นำ ก็ ญ็อง อุ เลิม เคิบ ปึง นัน เยซู ก็ ซ็วน ปึง ยูดาด คือเน “แป โละ และ อีเอ บ็อห” นำ อัง อัห ก็ ซวัล เยซู คือเน “อิห โละ และ เยซู ครำ นาซาเร็ด” อัห อัง เยซู ก็ ไล อัห คือเน “ก็ เอิญ เน เต็ห” เยซู อัง
ကြော်ငြာတွေ