ยอน 19:28 - Prai Bible28 ทาเน เยซู เม็จจึด เค็ย นัง ออ แอง จู มบลึ แลวๆ เจ็นนัน นำ ก็ จ็อก จังเน “เอิญ โซะ ออก” นำ อัง ตี นำ เค็ย โซะ ออก นัน ก็ เพือ ระ เป็น เล็ห มอก นังซือ เอาซาง เพีย ไล อน အခန်းကိုကြည့်ပါ။ |
ยอน 19:28
14 ပူးပေါင်းရင်းမြစ်များ
เอิญ ไล แป นังเลาะ นะ อัห ต็อง มเบิล เอิญ มอก แญง ลาม เอาซาง เพีย ไล อน เจ็น ตัก อิง แลว ลาม นัน เค็ย ‘อัห จบ แอง ซิห ตัก เอิญ มอก อัห แอง ซิห ตัก ครำ ลุห นัน’ ลาม อัง ซะ จู มบลึ ตี ลาม เคียน ไล อน เลือง เอิญ เน ก็ บัก และ เกิด เล็ห แลว แป ต็อง เพีย ปัง นึง ปัง นาง อุ เลาะๆ ดาย” เยซู อัง อิซยา 53:12
เยซู เม็จจึด แลว ปึง ยูดาด และ แอง ซีวะ ซิห นำ งวะ นำ ก็ เม็จ มด ทาเน โตะ ปึง ยูดาด แลว เยซู ก็ นจาง ทอก เจ็น ปึง ลูกนอง เริล และ ปึง ยูดาด นำ เริล เปียะ แพะ นจาง นำ ก็ ญ็อง อุ ยูดาด ตี ฮักลัง เยซู นำ ก็ ญ็อง อุ เลิม เคิบ ปึง นัน เยซู ก็ ซ็วน ปึง ยูดาด คือเน “แป โละ และ อีเอ บ็อห” นำ อัง อัห ก็ ซวัล เยซู คือเน “อิห โละ และ เยซู ครำ นาซาเร็ด” อัห อัง เยซู ก็ ไล อัห คือเน “ก็ เอิญ เน เต็ห” เยซู อัง
อัห ก็ ไอ มี ซีรอก แร็ห อัห เซียดาย อัง อัห ก็ ไล นอย ฮุนเน “พลัห เน อำ แบง เตาะ แอ เญ็บ ซะลาก อีเอ กุญ ก็ กุญ มด ตึง พลัห นัน” อัห อัง ตี อัห แอง ฮุนเน ก็ ระ เป็น เล็ห มอก นังซือ เอาซาง เพีย ไล อน นังซือ เอาซาง เพีย ไล อน จังเน “คัว เอิญ อัห ก็ แบง นอย เอิด โกบ นซุบ เอิญ อัห ก็ เญ็บ ซะลาก เอิด” นังซือ เอาซาง เพีย ไล จังนะ เพลง เอาซาง 22:18
ทาเน เยซู ก็ ไล อัห คือเน “ซะ ป็อง คอง เอิญ ก็ ฮุนเน ดาย เอิญ แอง มอก เอาซาง ไล อน นัน เอิญ ก็ อิม แลว เอิญ โตะ ตัก โลก เน เอิญ โตะ แอง ตาม ใจ เอาซาง ฮัก เป็น เอาซาง นัน ฮัก ระ เอิญ โตะ ตัก โลก เน เอิญ ก็ ต็อง แอง มอก นำ กึด ระ อน ฮัก กัน เอิญ แองกาน ตาม แพนกาน เอาซาง แลว มด เอิญ ก็ อิม เน เป็น ซะ ป็อง คอง เอิญ
ကြော်ငြာတွေ