ยอน 15:15 - Prai Bible15 เอิญ ไอ มี เค็ย ลูกนอง ตัก แป วัล เตาะ เอิญ เค็ย แป เป็น เปือน เอิญ ฮัก ปึง ลูกนอง เน อัห ไอ มี เม็จจึด เค็ย เอาเลียง ออ แอง ซีวะ นังเลาะ แต เอิญ เค็ย แป เป็น เปือน เอิญ ฮัก ก็ เพาะวา เอิญ ไล จู มบลึ อน ตัก แป มด เอา ไล ซีวะ ตัก เอิญ เอิญ ก็ ไล อน ตัก แป มด แป ก็ ลด แก็นใจ เค็ย แป กิว เป็น เปือน เอิญ ซีเละ အခန်းကိုကြည့်ပါ။ |
ยอน 15:15
32 ပူးပေါင်းရင်းမြစ်များ
แป ตี เป็น ลูกนอง เอิญ ก็ อำ กึด เค็ย อัหซอ มัก แป ดาย ครำ ทัว โลก ไอ มี มัก แป เตาะ จำ เอิด ดาย กำนา เอิญ ไล แป แลว เค็ย ลูกนอง ไอ มี แกะ กวา เอาเลียง ออ นอ ต็อง เป็น เอาเลียง แกะ กวา ลูกนอง ฮัก กัน อัห คมเฮง เอิญ ตัก เป็น เอาเลียง แป แลว อัห ก็ ต็อง คมเฮง แป ตัก เป็น ลูกนอง เอิญ วัล กัน อัห ปัง แญง เอิญ แลว อัห ก็ ปัง แญง แป วัล
ทาเน มารี ก็ เกาะ ระ นัง เยซู เยซู ก็ มบราง นำ “อำ เกาะ ระ เอิญ ดาย มารี เอิญ ต็อง วัล และ เอา ออ ตัก ซะวัน นทึห วาล แต มัห ต็อง เริล และ ควน นไจ เอิญ ดาย มัห ไล อัห คือเน ‘เอิญ วัล และ เอา ออ ดาย นำ เป็น เอา เอิญ นำ ก็ เป็น เอา คอง แป วัล นำ เป็น งกีจ็อง คอง เอิญ นำ ก็ เป็น งกีจ็อง คอง แป วัล เอิญ ต็อง เริล และ นำ ฮัก’ มัห ต็อง ไล อัห มอก เอิญ ไล มัห เน ดาย” เยซู อัง
เอิญ ก็ มี ดก เลือง ตี เอิญ โป แป กุญ มี ดก เลือง ตี เอิญ ตัดซิน ระ แป เปิล ก็ กุญ แต มานะ เน เอิญ ไอ มี งเคาะ โป แป ดก เอิญ ไอ มี งเคาะ ตัดซิน แป ล็อง นัน ตี ไล เอิญ โตะ และ แป เน นำ จ็อก เลาะ จ็อก ซือ ตลอด นำ ไอ มี ไล เอิญ ตัดซิน ลงโทด แป ตัน เอิญ ก็ ไอ มี งเคาะ ตัดซิน แป เตาะ แต เอิญ โตะ ไล ซะ ตี ล็อง นัน ไล อน ตัก เอิญ ฮัก” เยซู อัง
ทาเน กัน นำ โตะ และ มัห แลว ก็ ไอ แมน นำ เป็น ทาด พาลือ นอ นำ เจือ เยซู แลว นำ ลด มี กา มี ญิม ดก กวา ทาด วัล นำ เป็น ควน นไจ ตี แอ รัก ดก ซีเละ ซำรับ เอิญ เน เอิญ ก็ เค็ย นำ มี กา มี ญิม ดก ซีเละ ซำรับ มัห เอิญ ก็ เค็ย นำ มี กา มี ญิม ดก กวา กำนา นัน ซีเละ ดาย นำ เป็น ตึง ทาด เป็น ตึง ควน มัห วัล นำ เป็น ควน มัห ก็ ญอน นำ เป็น ครำ เยซู คริด งกีจ็อง นัน
ทาเน ปึง ลาม นัน อัห ก็ มี ซีมาล เยซู อุ เคิบ ออ ญาม นัน นอ ซีมาล เยซู ก็ เพีย ไล อัห ดก มบลึ ซีมาล เยซู เพีย ไล อัห เค็ย เยซู คริด ต็อง อด โซะ ต็อง เปิล แต นำ ต็อง กุญ เกียด ดก วัล ทาเน ปึง ลาม เม็จ ซีมาล เยซู เพีย ไล อัห ฮุนนัน อัห ก็ เคียน จู มบลึ นัน ระ อน อัห ซีรอก เม็จจึด เลือง นัน เกิด เล็ห ญาม นเดย เป็น จังนัก วัล อัห ซีรอก เม็จ ซีเละ แต อัห วาง ซีรอก เม็จจึด ก็ ไอ มี กุญ เม็จ แอ็ม เตาะ
เอิญ ซีโมน เปโตร เอิญ เป็น ลูกนอง เยซู คริด เอิญ ก็ เป็น ตัวแทน เยซู นัน ฮัก จดมาย เน เอิญ เคียน อน ตัก แป ตี เจือ เยซู คริด เลิม มอก อิห เน เอิญ เคียน อน ตัก แป ตี เจือ เยซู คริด ตี เป็น เอาซาง ตี เป็น งกีจ็อง คอง แอ นัน แป เจือ เยซู ตี แอง เลาะ แอง ซือ ตลอด แป เจือ เยซู ตี จวย แอ ปน แอ็ม เจ็น ลุห นัน ตี แป เจือ เยซู นัน ตี อิห เจือ เยซู เน ก็ มี กา มี ญิม เตา นอย ความ เจือ แอ จู ล็อง มี กา มี ญิม เตา นอย มด
เอิญ ยอน ดาย เอิญ เป็น ครำ เคียน นังซือ เล็ม เน นังซือ เน เป็น เลือง ซะ ตี เกิด เล็ห วาล มัด บัดนะ ควะ ไอ มี อิง เตาะ เลือง เน เป็น เลือง ตี เอาซาง ไอ มี เกย ไล ซีเอ แต มานะ เน เอาซาง ระ เอิญ เม็จ แลว เลือง เน เอาซาง ไล อน ตัก เยซู คริด วาล เอาซาง ก็ ระ เยซู นท็อล ไล อน ตัก เทวาดา คอง ออ วัล เยซู ก็ ระ เทวาดา นัน นท็อล ไล อน ตัก เอิญ ตอ วัล ทาเน เอาซาง ก็ ระ เอิญ เน ไล อน ตัก ลูกนอง เยซู ตอ วัล ระ ลูกนอง เยซู เม็จจึด ซะ วาล มัด ตี บัก และ เกิด เล็ห บัดนะ
ကြော်ငြာတွေ