ทาเน เยซู ก็ งแก็ล ดอม อัหเม ล็อง นัน นำ ก็ ไล ซีโมน คือเน “เอิญ โตะ เจิง มัห มัห ก็ ไอ มี กุญ พุจ เจ็ง เอิญ มัห ไอ มี ไว เอิญ มัห ไอ มี กุญ เอิด นำมัน ตา ซิห ตัก กึ เอิญ นอ แต อัหเม ล็อง เน นำ เอิด พุย มัด ออ พุจ เจ็ง เอิญ นำ เอิด นโซก กึ ออ เจ็ด เจ็ง เอิญ ระ ทัง วัล นำ ก็ เอิด นำฮอม ทู เจ็ง เอิญ วัล เจ็น เอิญ กุด เจิง มัห เน อัหเม ล็อง เน นำ ไว เจ็ง เอิญ ไอ มี ญัง เตาะ” เยซู อัง
ยอน 13:5 - Prai Bible5 เจ็นนัน นำ ก็ เอิด ออก เงด ซิห ตัก ซาม นำ ก็ เอิด พุจ เจ็ง ปึง ลูกนอง นำ ก็ อีด เอิด ซีไบ ตี นำ เครด แง็นแซ็ง นัน เจ็ด เจ็ง ลูกนอง ออ ระ ทัง အခန်းကိုကြည့်ပါ။ |
ยอน 13:5
30 ပူးပေါင်းရင်းမြစ်များ
นังเลาะ แลว ตัก อิง แป แกด ล็อง ก็ แอง มอก อัห นัน แต เอาซาง ระ เยซู เปิล แก แอ็ม ลุห แป มด แลว เยซู คริด งกีจ็อง คอง แอ นัน นำ ระ แป เป็น ครำ เลาะ ครำ ซือ แลว เอาซาง ญอม ฮับ แป เป็น ครำ เลาะ นัน ก็ ญอน เยซู คริด เคิบ ญอน ซีมาล เอาซาง ฮัก แอ เม็จ นำ แอง เลาะ ซิห แอ ดก มอก เน แลว ก็ ฮอน จบ เลาะ แอ แอง ลุห มอก อัห เตาะ
ญาม เยซู คริด โตะ ตัก อิง นัน เอาซาง ก็ ระ แอ เม็จจึด เค็ย เยซู กิว เป็น ควัน นำ ซีเละ ตัก อิง นัน นำ จุบ ตัก นอก นำ เซีย เมียม ออ วัล นำ ไอ มี โตะ จุบ ตัก นอก มี มบลึ เดียว แต นำ โตะ เซีย เมียม ออ เพือ แอ วัล ทาเน ซีมาล เอาซาง ก็ รับรอง นำ เค็ย นำ เป็น ควัน เอาซาง ซีเละ เพาะวา ซีมาล เอาซาง จ็อก เลาะ จ็อก ซือ ตลอด
เจ็นนัน ก็ ครอ ระ เยซู คริด จวย ระ แป อุ เลาะ อุ ซุก วัล นำ จ็อก เลาะ จ็อก ซือ เลือง เอาซาง นำ จ็อก แคระ ตลอด นำ เป็น ล็อง แรก ตี เปิล ลบ วัล รีด เล็ห วัล บัดนะ นำ ก็ เป็น พะเจายูฮัว แกะ ทีซุด ใน โลก เน นำ ก็ ปกคอง พะเจายูฮัว จู ล็อง ทัว โลก วัล ครอ ระ เยซู เน แอง เลาะๆ ซิห แป ระ แป อุ เลาะ อุ ซุก ดาย ครอ ลือ เยซู คริด ดาย นำ รัก แอ นำ เซีย เมียม ออ แก ลุห แอ ระ แอ เน ปน แอ็ม เจ็น ลุห
ကြော်ငြာတွေ