ยอน 12:9 - Prai Bible

⁹ ทาเน ครำ ยิว ดก ล็อง เม็จ คาว เค็ย เยซู อุ ตัก งวัล เบทานี ‍ อัห ก็ เริล และ เยซู ตัก งวัล นัน ‍ ไอ แมน อัห ซีรอก เม็จ เยซู มี ล็อง เดียว ‍ อัห ซีรอก เม็จ ลาซารัด วัล ‍ อัห เม็จ คาว เค็ย ลาซารัด เปิล ‍ แต เยซู แอง ระ นำ รีด เล็ห วัล ‍ อัห ก็ ซีรอก เม็จ เคิบ มัด ออ ‍

ยอน 12:9 ပူးပေါင်းရင်းမြစ်များ

ตัวแทน 4:14

อัห ก็ ซำ เม็จ ล็อง นัน ตี เลาะ เล็ห แลว ญ็อง อุ เลิม เคิบ ปาม นัน ‍ อัห ก็ ไอ มี จางรู โป ปาม เตาะ ‍ ไอ มี จางรู อัห อัง จังนัก เตาะ ‍

มาระโก 12:37

พะเจายูฮัว ดาวิด ก็ มพึ กซัด ตี ตัง ระ อน นัน เป็น นาย คอง ออ ‍ กซัด นัน เป็น ควัน งา นำ กุญ จังนัก บ็อห” เยซู อัง ‍ ปึง พซาซน ดก ล็อง เม็จ เยซู ไล คือนัน ‍ อัห ก็ เลาะใจ ปัง เพลง เอาซาง 110:1

ยอน 12:1

ทาเน ก็ ควะ ฮก งิ วัล ‍ ซัง เล็ห งิ อัห ซะลอง เทซกาน เปซา นัน ‍ เจ็นนัน ก็ โตะ เยซู ตัก งวัล เบทานี ‍ เป็น งวัล ลาซารัด ตี เยซู แอง ระ รีด เล็ห วัล นัน ‍

ยอน 12:10

ดก ครำ ซนใจ เริล และ เยซู เคิบ ลาซารัด ‍ ก็ ญอน อัห เม็จ คาว ลาซารัด นัน ‍ อัห ก็ ลด พระ แอ็ม ปึง มอ เอาซาง แกะ ‍ อัห ลด เจือ เยซู ‍ ทาเน ปึง มอ เอาซาง แกะ นัน เม็จ ดก ครำ พระ ออ ‍ อัห ก็ ไอ มี ปอใจ ‍ อัห ก็ ซีรอก มเบิล แอ็ม ลาซารัด วัล

ยอน 12:12

คือ งิ กรัก วัล ‍ ก็ มี ครำ ดก ล็อง ตี โตะ ซะลอง เทซกาน เปซา ตัก เมือง เยรูซาเล็ม นัน ‍ อัห เม็จ คาว เค็ย เยซู บัก และ โตะ เมือง เยรูซาเล็ม

ยอน 12:17

ทาเน ก็ ดก ครำ โตะ และ เยซู ตัก รวง นัน ‍ ตี ดก โตะ ครำ ‍ ก็ ญอน อัห เม็จ คาว เยซู จวย ลาซารัด งิ นาน ‍ ก็ ฮุนเน ดาย ‍ ญาม เยซู จวย ลาซารัด รีด เล็ห นัน ‍ ก็ มี ดก ล็อง อุ เคิบ เยซู ญาม นัน ‍ ปึง นัน ตี เม็จ เยซู จวย ลาซารัด เคิบ มัด ออ นัน ‍ อัห ก็ เริล ไล คาว เยซู นัน ตัก เมือง เยรูซาเล็ม ‍ ครำ เยรูซาเล็ม เม็จ คาว แลว ‍ อัห ก็ โตะ และ เยซู ทึดๆ