โยนา แร็ง อ็อด ซีเละ นำ ก็ ไล เอาซาง คือเน “เอาซาง เฮย เอิญ ไล มัห แลว วาล ไอ ตัน เอิญ ทอก เจ็น เจิง ออ เอิญ ก็ ไล มัห แลว เค็ย มัห ไอ มี กิว ลงโทด อัห ตี เอิญ ซีรอก ปัด เริล เมือง ทาซิด เวิดๆ นัน ก็ ญอน เอิญ เม็จจึด มัห เป็น เอาซาง ตี เลาะ ตี ซอดแซ็ง มัห ตึ อัง ครำ มัห รัก ครำ มด จู ล็อง จู นัง ญอน มัห แอง เลาะ นัน มัห ก็ เปียน ใจ ออ มัห ก็ ไอ มี กิว มเบิล อัห เตาะ เอิญ กึด จังเน แลว เอิญ ก็ ลด ไอ มี ซีรอก เริล ไล อัห เตาะ
ยากอบ 5:11 - Prai Bible11 แอ เม็จ อัห ซอดแซ็ง อด เอิด ซะ ญาก ดก มบลึ มอก นัน แลว แอ ก็ เค็ย เอาซาง แอง เลาะ ซิห อัห วัล แป ก็ เม็จจึด เลือง โยบ แลว นอ นำ ซอดแซ็ง อด เอิด ซะ ญาก ดก มบลึ ตัก อิง นัน ซุดทาย เอาซาง ก็ ใจ ดัว ซิห นำ แอง เลาะ ซิห นำ นำ ก็ กุญ เลาะ ตัก เอาซาง วัล အခန်းကိုကြည့်ပါ။ |
ยากอบ 5:11
53 ပူးပေါင်းရင်းမြစ်များ
กำนา แอ ก็ มอก ครำ เปิล แลว ญอน ลุห นัน แต เอาซาง ใจ ดัว ซิห แอ ซีเละ แอ เป็น ครำ ลุห ครำ บาบ ปานเดย ก็ ตึก นำ ก็ ควะ แอง เลาะ ซิห แอ นำ ตึ อัง แอ นำ รัก แอ ระ แอ รีด อุ เลิม เคิบ เยซู คริด นำ จวย แอ ปน เจ็น ลุห ก็ ญอน เยซู คริด ฮัก เอาซาง แอง เลาะ เคิบ แอ มอก เน ก็ เป็น เคิบ นำ รัก แอ ซีเละ
โมเซด ฮับพิดซอบ ครำ อิซราเอล เลาะ ซีเละ แต เยซู คริด เน นำ ฮับพิดซอบ ครำ เอาซาง มด จู ล็อง ทัว โลก แพนซิก เน นำ แกะ กวา โมเซด วัล นำ ไอ แมน ลูกนอง พาลือ นำ เป็น ควัน เอาซาง นำ เป็น งกี นำ ก็ ฮับพิดซอบ เลาะ ทาเน กัน แอ แก็นใจ เจือ เค็ย เอาซาง กิว แอง มอก นำ ไล อน กัน แอ อุนใจ กุญ เลาะ ตัก เอาซาง กัน แอ เลาะใจ ตี กุญ เลาะ ตัก นำ นัน แอ ก็ เป็น ครำ เอาซาง ซีเละ เยซู ก็ ฮับพิดซอบ แอ เลาะ
แอ เม็จจึด เอาซาง จวย โลด มอก นัน แอ ก็ ลด เคาใจ เค็ย เอาซาง แอง เลาะ ซิห ครำ ตี แอง มอก นำ ไล อน ฮัก นอ เอาซาง จวย อัห ระ ปน แอ็ม เจ็น ตุก เจ็น ญาก กุญ มด แต ครำ ตี แอง ไอ มี เลาะ นัน เอาซาง ก็ ลงโทด อัห ซีเละ กัน เล็ห งิ ตี เอาซาง ตัดซิน บัดนะ นัน นำ ก็ เอิด อัห ลงโทด มด จู ล็อง ไอ มี ปน เตาะ
ကြော်ငြာတွေ