ยากอบ 2:18 - Prai Bible18 ทาเน ก็ มี แกด ล็อง อัห เค็ย เจือ เอาซาง ก็ ปอ แลว แกด ล็อง อัห เค็ย แอง ฮุน เอาซาง ไล อน ก็ ปอ แลว อัห ก็ เทียง นอย จังเน แต กัน มัห เค็ย เจือ เอาซาง แต มัห ไอ มี แอง ฮุน เอาซาง ไล อน เอิญ เม็จจึด จังนัก เค็ย มัห กิว เจือ นังเลาะ เอิญ ไอ มี กิว เม็จ ดาย แต มัห ลอง ดอม อ็อญ ซะ ตี เอิญ แอง นัน กัน เอิญ แอง ฮุน เอาซาง ไล อน ซีเละ มัห ก็ เม็จจึด เค็ย เอิญ กิว เจือ เอาซาง นังเลาะ အခန်းကိုကြည့်ပါ။ |
ยากอบ 2:18
20 ပူးပေါင်းရင်းမြစ်များ
แกด ล็อง อัห ก็ เทียง เอิญ ฮุนเน “เอ กัน เอาซาง ตัดซิน เค็ย เลือก เอิด อีเอ ก็ กุญ ไอ มี เอิด อีเอ ก็ กุญ ก็ ซีวะ นำ วัล โป ซิห ครำ ตี ไอ มี เจือ วัล ตี อัห ไอ มี เจือ ก็ เป็น ตัก เอาซาง ไอ มี เลือก เอิด อัห ก้า” แกด ล็อง เทียง ฮุนเน นอ แต เอิญ ไล แป นังเลาะ นะ ไอ มี ซีเอ มี ซิด โป เอาซาง กุญ เตาะ
กัน เอิญ มี ความ ซามาด เป็น ลาม เอาซาง กัน เอิญ เม็จจึด มด จู มบลึ กัน เอิญ เม็จจึด ซะ ตี เอาซาง ไอ มี ตัน ไล นัน แต เอิญ ไอ มี รัก อัห ก็ ไอ มี คิ กัน เอิญ แก็นใจ เจือ เอาซาง เอิญ ไล ญวัง มี เซ็น นะ ญาย เริล อุ ตี ซอ กุญ อี ก็ เริล ซีเละ ญอน เอิญ แก็นใจ เจือ เอาซาง นัน แต เอิญ ไอ มี รัก อัห ก็ ไอ มี เป็น ปะโยด ซีวะ เตาะ
ครำ ปึง เน อัห เจือ เอาซาง อัห ก็ ลด ซะนะ อัง ซะตรู กุญ อัห ซะนะ อัง ปึง พะเจายูฮัว ดก ล็อง ญอน อัห เจือ เอาซาง นัน อัห ก็ กุญ ปกคอง ปะเทด อิซราเอล อัห ปกคอง เลาะ อัห แอง เลาะ แอง ซือ ตลอด อัห ลด กุญ จู มบลึ ตี เอาซาง ซันญา อง อน ตัก อัห นัน ญอน อัห เจือ เอาซาง นัน เอาซาง ก็ นเดิบ งกาบ โปก ไอ มี ระ โปก พ็อก อัห
ทาเน กัน แอ ไอ มี เจือ เอาซาง แอ แอง ระ เอาซาง ปอใจ เคิบ แอ ก็ ไอ มี จบ กุญ เตาะ ซีเอๆ ก็ ตึก ต็อง เจือ เมือนนอย มด กัน แอ ซีรอก แอง ระ เอาซาง ปอใจ เคิบ ออ แอ ต็อง เจือ เค็ย เอาซาง กิว มี นังเลาะ ต็อง เจือ เค็ย เอาซาง กิว อน รางวัน ตัก ครำ จู ล็อง ตี เอิด ใจ ซิห เม็จจึด เคิบ นำ เลาะๆ นัน
ကြော်ငြာတွေ