ฮีบรู 8:5 - Prai Bible5 แต ครอ ระ แป กึด เลาะๆ ดาย ตัก อิง ซะไม โมเซด แอง พาเต็น ตัก ตี แลง นัน เอาซาง ก็ เพีย ไล นำ เลาะๆ คือเน “จู มบลึ ตี เอิญ ไล มัห ตัก ญวัง ทึห นัน มัห ต็อง แอง จู มบลึ มอก เอิญ ไล มัห นัน ดาย” เอาซาง ไล โมเซด ฮุนนัน นอ อิซราเอล ญาย 25:40 โมเซด ต็อง แอง พาเต็น ตัก โลก เน มอก เอาซาง ไล อน มด เพาะวา เอาซาง ซีรอก ระ พาเต็น ตัก โลก เน เป็น พาบ วิฮาน เอาซาง ตัก วาง ทึห พาเต็น ตี โมเซด แอง ตัก โลก เน ก็ จวย ระ แอ เม็จจึด ซะ ตี เยซู แอง ตัก วิฮาน ตัก วาง นทึห အခန်းကိုကြည့်ပါ။ |
ฮีบรู 8:5
18 ပူးပေါင်းရင်းမြစ်များ
แบบ เครม นัน อัห แอง พิที ฮุน กด โมเซด ไล อน นอ แต พิที นัน เป็น พิที พาลือ พิที นัน จวย ระ แอ เคาใจ ซะ ตี เอาซาง แอง แทะ นัน วัล แต แอ เคาใจ นจอๆ ตีดต็อง พิที เครม นัน อัห ก็ ต็อง ทวาย ซะ จูวางๆ แต พิที นัน ไอ มี กิว แก แอ็ม ตี ลุห คอง อัห ตี โตะ และ เอาซาง นัน อัห แอง แลว ก็ ควะ เป็น ครำ ลุห อุ นัน
โนอา ก็ เจือ เอาซาง เอาซาง เพีย ไล นำ วาล เค็ย เอาซาง อง แอง ระ นอก ทวม โลก ตี เอาซาง อง แอง ระ นอก ทวม โลก นัน โนอา ไอ มี ตัน เม็จ เคิบ มัด ออ ตัน แต โนอา ก็ เจือ แญง เอาซาง นำ ก็ ลด แอง เฮือ จ็อง ระ ยัห เคิบ ควัน กุญ ปน แอ็ม เจ็น นอก ทวม นัน ตี โนอา เจือ เอาซาง ลด แอง เฮือ นัน นำ ก็ ไล ครำ ทัว โลก เค็ย อัห ลุห ซีเละ อัห ต็อง กุญ โทด ก็ ฮุนเน ดาย โนอา เจือ เอาซาง เอาซาง ก็ เค็ย นำ อุ เลาะ เคิบ ออ แลว ก็ ญอน นำ เจือ เอาซาง ฮัก เกาตีนา 6:13-22
แป ต็อง เจิม นัง ออ เลาะๆ ดาย แป ต็อง กึด ซะไม โมเซด ตัก อิง นัน อัห เซ็ห อัง โมเซด อัห ไอ มี ญอม ปัง แญง โมเซด ทาเน โมเซด เป็น ครำ โลก แพนซิก มาลือ แต อัห ตี ไอ มี ปัง แญง โมเซด ญาม นำ เตือน อัห นัน อัห ก็ กุญ โทด จ็อง แอ ซะไม มานะ เน ก็ ซำ ฮาย มานะ เน เอาซาง ตัก วาง นทึห ก็ ไล แอ โตะ และ ออ แลว กัน แอ ไอ มี ญอม ปัง ก็ เฮง กุญ โทด จ็อง กวา อัห วัล ไอ มี ปน เตาะ
ကြော်ငြာတွေ