ฮีบรู 7:25 - Prai Bible25 นำ เป็น มอ เอาซาง อุ ตลอด ซำรับ แอ ตี เจือ เยซู นัน ตี โตะ และ เอาซาง ญอน แอ เจือ เยซู นัน เยซู จวย แอ กุญ ตลอด นำ จวย แอ กุญ ตลอด จำ นเดย จำ กวา นำ จวย แอ กุญ ก็ ญอน นำ รีด อุ ตลอด นำ รีด อุ ตลอด นำ ก็ กุญ ครอ วอน เอาซาง เพือ แอ ตลอด นัน အခန်းကိုကြည့်ပါ။ |
ฮีบรู 7:25
44 ပူးပေါင်းရင်းမြစ်များ
แต เอาซาง มี ปันญา ซีเละ เป็น กำกึด เอาซาง ฮัก ตี นำ ไอ มี ระ ครำ แอ เน เปิง ปันญา ออ โตะ และ นำ เปิง นัง ออ ไอ มี กุญ เอาซาง ระ แอ ปัง แญง นำ ฮัก ซัง ปน กัน แอ เจือ คาว เลาะ คาว แลม ตี อิห ไล เน เอาซาง ก็ ระ แอ ปน แอ็ม เจ็น ลุห ซีเละ อัหซอ กึด เค็ย เป็น เลือง งาว ก็ ตึก แต แอ กิว ปน นังเลาะ
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
ทาเน กัน แอ ไอ มี เจือ เอาซาง แอ แอง ระ เอาซาง ปอใจ เคิบ แอ ก็ ไอ มี จบ กุญ เตาะ ซีเอๆ ก็ ตึก ต็อง เจือ เมือนนอย มด กัน แอ ซีรอก แอง ระ เอาซาง ปอใจ เคิบ ออ แอ ต็อง เจือ เค็ย เอาซาง กิว มี นังเลาะ ต็อง เจือ เค็ย เอาซาง กิว อน รางวัน ตัก ครำ จู ล็อง ตี เอิด ใจ ซิห เม็จจึด เคิบ นำ เลาะๆ นัน
แต เลือง เยซู นัน ครำ แอ เน เม็จ เลือง นำ แลว ญาม เยซู เกิด เป็น ครำ นัน นำ มี เกียด แย็ด กวา ปึง เทวาดา แต ไอ มี ปอ อิง นำ กุญ เกียด ดก วัล ก็ ฮุนเน ดาย เอาซาง ระ นำ มี เกียด แย็ด ญาม นำ เป็น ครำ ระ นำ กุญ เปิล แตน แอ มด จู ล็อง ตี นำ เปิล แตน แอ นัน ก็ ญอน เอาซาง แอง เลาะ ซิห แอ ฮัก แต มานะ เน แอ เม็จ นำ มี เกียด ดก ซีเละ นำ มี เกียด ดก ก็ ญอน นำ ญอม เปิล แตน แอ นัน
เยซู คริด เน นำ เป็น ควัน เอาซาง ก็ แมน ซีเละ แต คนาด นำ เป็น ควัน เอาซาง นำ ก็ ต็อง อด ตุก อด ญาก อด โซะ ดก มบลึ ตี นำ อด โซะ ดก มอก นัน นำ ก็ ลด เคาใจ เค็ย ปัง แญง เอาซาง กิว เป็น จังนัก เป็น เลือง เนๆ ตี นำ ต็อง อด ตุก อด ญาก อด โซะ ดก มบลึ นัน เป็น เลือง เนๆ ตี นำ ครอ เคิบ เอาซาง ตี จวย ระ นำ ปน แอ็ม เจ็น เปิล กุญ นำ เญ็ม ครอ เคิบ เอาซาง ระ นัง ออ ไอ มี จำเป็น ต็อง เปิล เจ็นนัน เอาซาง ก็ ตึ อัง นำ ฮัก
มี มี เลือง วัล ตี ระ แอ เคาใจ เค็ย เมคีเซเด็ก แกะ กวา ปึง มอ เอาซาง ตัก กรอก เลวี นัน ปึง มอ เอาซาง ตัก เป็น กรอก เลวี นัน อัห ก็ เอิด ซะ ตัก ครำ อิซราเอล มี ซวน ทาเน ปึง กรอก เลวี ต็อง เปิล จู ล็อง นอ แต เมคีเซเด็ก ตี เอิด ซะ ตัก อับราฮัม นัน แญง เอาซาง เค็ย นำ ควะ รีด อุ ตี นำ ควะ รีด อุ นัน นำ ก็ ต็อง แกะ กวา กรอก เลวี มด นอ
ซุดทาย เน ก็ ครอ อวด ลือ เอาซาง ซีเละ มี เอาซาง มี ล็อง เดียว ตี จวย แอ ปน แอ็ม เจ็น ลุห กุญ นำ มี ล็อง เดียว ตี รักซา รักซม แอ กุญ บัดนะ นำ ก็ ซับ แอ โตะ ญ็อง อุ เคิบ มัด นำ ตัก ตี มี เกียด ดก นัน แอ ก็ ไอ มี ตี ติ ตี คอล เตาะ แอ ก็ เลาะใจ อุ ซีเละ ครอ ระ เยซู คริด งกีจ็อง คอง แอ จวย ระ ครำ แอ เน อน เกียด ตัก นำ อวด ลือ นำ ฮัก ครอ ระ ครำ แอ เน ญอม ฮับ เค็ย นำ มี เกียด อุ ตลอด มี แร็ง มี อำนาด อุ ตลอด ทุก ยุก ทุก ซะไม เจ็น ตัก อิง เตา มานะ เน จำ บัดนะ นโดน นำ ก็ มี แร็ง มี อำนาด อุ ตลอด จำ นเดย จำ กวา ซาทุ
ကြော်ငြာတွေ