นำ เจือ เอาซาง ซีเละ ญาม นำ เล็ห ตัก ตี ซิก นัน แลว นำ ก็ พัก อุ ตัก ตุบ ตี เป็น พาเต็น ตลอด อับราฮัม ไอ มี แอง เจิง เพาะวา นำ ไอ มี ตัน กุญ ตี ซิก นัน เป็น คอง ออ ตัน แต นำ เจือ เค็ย เอาซาง กิว อน ตัก นำ อับราฮัม เน นำ เจือ เค็ย ต็อง มี มี งิ วัล ตี เอาซาง ซับ นำ เริล เมือง แมะ เมือง นัน เอาซาง กึด แบบ ออ ฮัก เอาซาง แอง ออ ฮัก เมือง นัน อุ ตลอด จำ นเดย จำ กวา อับราฮัม แก็นใจ กุญ อุ เมือง เลาะ นัน บัดนะ นำ ก็ ลด ปอใจ พัก อุ ตัก ตุบ พาเต็น มอก ครำ ไอ มี เจิง นำ เจือ เอาซาง ซีเละ อิซอัก เคิบ ยาโคบ ก็ เมือนนอย เอาซาง ซันญา อน เมือง แมะ ตัก ปาม ปาม ก็ เจือ เอาซาง ซีเละ ปาม ก็ ปอใจ อุ ตัก พาเต็น เมือนนอย เกาตีนา 12:1-5
ฮีบรู 6:17 - Prai Bible17-18 ทาเน เอาซาง ซันญา เคิบ แอ แลว นำ ก็ ลบ ซาบาน เคิบ แอ วัล นำ ซีรอก ระ แอ เฮง แก็นใจ เค็ย นำ ไอ มี เปียน ใจ วัล ตี นำ ซันญา ก็ เปียน ไอ มี กุญ อุ แลว ตี นำ ซาบาน ก็ เปียน ไอ มี กุญ เมือนนอย เปียะ แญง นัน นำ จุ ไอ มี กุญ นำ ไล เปียะ ลบ นัน ก็ เพือ ระ แอ ตี เปิง นำ ตี ซีรอก ปอดไพ อุ เคิบ นำ กุญ แก็นใจ เจือ เค็ย เอาซาง กิว อน จู มบลึ ตี นำ ซันญา อน ตัก แอ นัน အခန်းကိုကြည့်ပါ။ |
ฮีบรู 6:17
31 ပူးပေါင်းရင်းမြစ်များ
แป ตี เป็น คล็อง ก็ ต็อง แอง เลาะ ซิห ตัก ยัห เมือนนอย ต็อง เคาใจ ยัห ออ เลาะ เพาะวา ยัห แมด กวา คล็อง แป ตี เป็น คล็อง ก็ ต็อง อน เกียด ตัก ยัห ออ ต็อง ทือ ยัห ออ เลาะ เพาะวา เอาซาง อน ซีวิด ตัก ปาม เมือนนอย มด เจ็นนัน แป ต็อง แอง เลาะ เคิบ ยัห ออ ซัง ไอ มี ซีวะ เกิ๊ด รวง แป ญาม แป ครอ วอน เอาซาง นัน
ครอ ระ แอ อวด ลือ เอาซาง ดาย นำ เป็น งกีจ็อง คอง เยซู คริด นำ ก็ เป็น เอา คอง เยซู คริด งกีจ็อง คอง แอ นัน เอาซาง นำ ตึ อัง แอ แอง เลาะ ซิห แอ ดก ซีเละ นำ ระ แอ เกิด แมะ แลว ตี นำ ระ แอ เกิด แมะ ก็ ญอน นำ ระ เยซู คริด รีด เล็ห แลว นัน ญอน เยซู รีด เล็ห นัน แอ ก็ ลด อุนใจ กุญ เลาะ ตัก นำ ตลอด บัดนะ
โนอา ก็ เจือ เอาซาง เอาซาง เพีย ไล นำ วาล เค็ย เอาซาง อง แอง ระ นอก ทวม โลก ตี เอาซาง อง แอง ระ นอก ทวม โลก นัน โนอา ไอ มี ตัน เม็จ เคิบ มัด ออ ตัน แต โนอา ก็ เจือ แญง เอาซาง นำ ก็ ลด แอง เฮือ จ็อง ระ ยัห เคิบ ควัน กุญ ปน แอ็ม เจ็น นอก ทวม นัน ตี โนอา เจือ เอาซาง ลด แอง เฮือ นัน นำ ก็ ไล ครำ ทัว โลก เค็ย อัห ลุห ซีเละ อัห ต็อง กุญ โทด ก็ ฮุนเน ดาย โนอา เจือ เอาซาง เอาซาง ก็ เค็ย นำ อุ เลาะ เคิบ ออ แลว ก็ ญอน นำ เจือ เอาซาง ฮัก เกาตีนา 6:13-22
ควน นไจ เฮย กึด เลาะๆ ดาย เอาซาง นำ ไอ มี เลือก มัด ซีเอ เตาะ ครำ ตุก ครำ ญาก ตัก โลก แพนซิก เน นำ ก็ เอิด มด นำ เลือก เอิด ครำ ตุก ระ อัห แก็นใจ เจือ นำ นำ ก็ ระ อัห กุญ ซืบ เอิด กากุน ตัก นำ ญาม นำ ปกคอง โลก เน เอาซาง ซันญา แลว เค็ย นำ อง อน จู มบลึ ตัก ครำ ตี รัก นำ ฮัก ครำ ตี รัก เอาซาง นัน อัห ตุก ญาก จังนัก นำ ก็ เอิด มด
ကြော်ငြာတွေ