ฮีบรู 5:1 - Prai Bible1 ทาเน มอ เอาซาง จ็อง จู ล็อง อัห ก็ เป็น ครำ พาลือ มอก แอ เน แต เอาซาง เลือก เอิด อัห ระ เป็น ตัวแทน ครำ แอ เน จับ อีเอ ซีรอก ทวาย ซะ อน ตัก เอาซาง พาลือ กัห จับ พซาซน ซีรอก ทวาย ซะ ทม ลุห ออ กัห ปึง มอ เอาซาง เน ก็ แอง แตน พซาซน อัห มี นาตี เอิด ซะ เจ็น พซาซน นัน ทวาย อน ตัก เอาซาง เคิม อน ตัก เอาซาง အခန်းကိုကြည့်ပါ။ |
ฮีบรู 5:1
17 ပူးပေါင်းရင်းမြစ်များ
ตัก อิง อาเบล นำ เจือ เอาซาง ญอน นำ เจือ นัน ซะ ตี นำ ทวาย นัน ก็ เลาะ กวา คอง คาอิน อาเบล ทวาย ซะ มอก เอาซาง ไล เอาซาง ก็ อวด ลือ นำ ซีเละ แอ ก็ ลด เคาใจ เค็ย นำ เป็น ครำ ตี เลาะ อุ เคิบ เอาซาง เอาซาง ก็ ระ อาเบล เม็จ เค็ย เอาซาง เลาะใจ เคิบ ซะ ตี อาเบล ทวาย นัน อาเบล เน นำ เปิล เจ็น อิง นอ แต ญอน นำ เจือ นัน ก็ มอก นำ ควะ จ็อก อุ เคิบ แอ เตา มานะ เน เกาตีนา 4:3-10
ตี นำ ซีรอก จวย ครำ แอ เน นำ ก็ จำเป็น ต็อง เป็น ครำ มอก แอ ตี เป็น ควน นไจ นำ นำ ต็อง มี นัง มอก แอ มด จู มบลึ ซัง นำ กุญ เป็น มอ เอาซาง จ็อง คอง แอ นำ เป็น มอ เอาซาง เลาะ ตี ตึ อัง แอ ซีเละ ตี ฮับไจ เอาซาง ตาม นาตี ออ เลาะ นำ แอง เลาะ จู มบลึ นัน ก็ เพือ นำ กุญ ทวาย ซะ อน เอาซาง ลด แก แอ็ม ตี ลุห แอ กุญ
เยซู เน นำ ไอ มี เมือน มอ เอาซาง จ็อง ล็อง ซอ เตาะ มอ เอาซาง ล็อง ซอ อัห ต็อง ทวาย ซะ ทม ตี ลุห ออ จูงิๆ อัห แอง ซำรับ นัง ออ วาล เจ็นนัน อัห ก็ แอง ซำรับ อัหซอ วัล แต เยซู เน นำ ทวาย นัง ออ มี ลบ เดียว ก็ ปอ นำ ทวาย มี ลบ เดียว ก็ กุม อัง ตี ลุห แอ มด จู ล็อง จู นัง กุม จำ นเดย จำ กวา
ကြော်ငြာတွေ