ฮีบรู 2:18 - Prai Bible18 นำ เป็น มอ เอาซาง เลาะ ซีเละ นอ เพาะวา เกย มี ซะ ลอง ใจ นำ วาล แลว นำ เกย อด เอิด กุญ แลว มานะ เน กัน มี ซะ ลอง ใจ แอ นำ ก็ จวย แอ กุญ အခန်းကိုကြည့်ပါ။ |
ฮีบรู 2:18
16 ပူးပေါင်းရင်းမြစ်များ
เลือง มี ซีวะ ลอง ใจ แอ นัน ไอ แมน เลือง แมะ เตาะ ครำ ทัว มด ก็ เกย มี ซะ ลอง ใจ อัห มอก แอ เน แลว แต จู ลบ กัน มี ซีวะ ลอง ใจ แอ เอาซาง ก็ จวย แอ กุญ ตลอด มอก นำ ไล อน แลว เอาซาง ก็ ไอ มี ระ ซีวะ ลอง ใจ แอ ดก เกิน ดาย นำ ก็ จวย ระ แอ มี รวง ปน กุญ ระ แอ มี แร็ง อด เอิด กุญ ก็ มอก นะ นอ
เอาซาง ระ เอิญ ไล คาว เลาะ คาว แลม เน แลว เอิญ ก็ ลด ญอม อด ตุก อด ญาก เพือ ไล อัห ติก เอิญ ต็อง อด โซะ ดก ซีเละ แต เอิญ ไอ มี กราญ เตาะ เอิญ ควะ แก็นใจ เค็ย เอาซาง ซือซัด อุ ตลอด เพาะวา เอิญ เม็จจึด เคิบ เอาซาง เลาะ เอิญ แก็นใจ เจือ เค็ย จู มบลึ ตี เอิญ ฟาก ระ อน ตัก เอาซาง นัน นำ ก็ รักซา ระ ปอดไพ จำปอ เล็ห งิ ตี นำ ตัดซิน นัน
ครำ ตี เอาซาง เลือก เอิด เป็น มอ เอาซาง จ็อง นัน อัห ก็ เป็น ครำ แมด มอก พซาซน นัน ญอน อัห เป็น ครำ แมด เลิม นัน อัห ก็ ตึ อัง พซาซน อัห แอง แมด ซี ซิห พซาซน กุญ พซาซน แอง ลืน แอง งาว จังนัก ปึง มอ เอาซาง จ็อง นัน ก็ กอย จ็อก กอย ไล พซาซน ตี มอ เอาซาง จ็อง กอย ไล พซาซน กุญ ก็ ญอน อัห เป็น ครำ เลิม นัน
แอ เม็จจึด เอาซาง จวย โลด มอก นัน แอ ก็ ลด เคาใจ เค็ย เอาซาง แอง เลาะ ซิห ครำ ตี แอง มอก นำ ไล อน ฮัก นอ เอาซาง จวย อัห ระ ปน แอ็ม เจ็น ตุก เจ็น ญาก กุญ มด แต ครำ ตี แอง ไอ มี เลาะ นัน เอาซาง ก็ ลงโทด อัห ซีเละ กัน เล็ห งิ ตี เอาซาง ตัดซิน บัดนะ นัน นำ ก็ เอิด อัห ลงโทด มด จู ล็อง ไอ มี ปน เตาะ
ซุดทาย เน ก็ ครอ อวด ลือ เอาซาง ซีเละ มี เอาซาง มี ล็อง เดียว ตี จวย แอ ปน แอ็ม เจ็น ลุห กุญ นำ มี ล็อง เดียว ตี รักซา รักซม แอ กุญ บัดนะ นำ ก็ ซับ แอ โตะ ญ็อง อุ เคิบ มัด นำ ตัก ตี มี เกียด ดก นัน แอ ก็ ไอ มี ตี ติ ตี คอล เตาะ แอ ก็ เลาะใจ อุ ซีเละ ครอ ระ เยซู คริด งกีจ็อง คอง แอ จวย ระ ครำ แอ เน อน เกียด ตัก นำ อวด ลือ นำ ฮัก ครอ ระ ครำ แอ เน ญอม ฮับ เค็ย นำ มี เกียด อุ ตลอด มี แร็ง มี อำนาด อุ ตลอด ทุก ยุก ทุก ซะไม เจ็น ตัก อิง เตา มานะ เน จำ บัดนะ นโดน นำ ก็ มี แร็ง มี อำนาด อุ ตลอด จำ นเดย จำ กวา ซาทุ
ကြော်ငြာတွေ