ฮีบรู 12:27 - Prai Bible27 ตี นำ ไล แอ เค็ย “ซิก นโจ็ห มี ลบ วัล” ก็ คือเน ดาย จู มบลึ ตี เอาซาง แอง ระ มี ตัก โลก แพนซิก เน บัดนะ นำ ก็ นโจ็ห ระ งาล แอ็ม มด ควะ เลือ แต ซะ ตี นโจ็ห ไอ มี กุญ เตานะ ฮักกาย 2:6 အခန်းကိုကြည့်ပါ။ |
แต ทุก ยาง ก็ อุนใจ เค็ย ต็อง มี งิ เลาะ เล็ห วัล บัดนะ กัน เล็ห งิ นัน แลว ทุก ยาง ก็ ปน เลาะ ปน แลม ไอ มี จำเป็น เปิล ไอ มี จำเป็น คุจ เตาะ ตัก งิ นัน บัดนะ จู มบลึ ก็ ต็อง เลาะ เล็ห มด เลิม เคิบ ปึง ควัน เอาซาง มานะ เน งิ นัน ไอ ตัน เล็ห นอ แต แอ ก็ อุนใจ กุญ เลาะ เกาตีนา 3:17-19
เอาซาง ระ เยซู โตะ เป็น มอ เอาซาง จ็อง ตี แกะ ทีซุด แลว นำ เป็น มอ จ็อง คอง แอ ฮัก นำ ก็ กุด พาเต็น ตัก วาง นทึห ลด ทวาย เมียม ออ ระ แอ กุญ ปน แอ็ม เจ็น ลุห จำ นเดย จำ กวา นัน พาเต็น นัน ก็ เป็น ตี เลาะ ทีซุด คอง เอาซาง ฮัก ไอ แมน คอง โลก เน เตาะ ไอ แมน ครำ แอง เตาะ นำ ก็ ไอ มี เอิด เมียม แปะ เมียม งัว ลัง เตาะ นำ ทวาย เมียม ออ ฮัก นำ ทวาย เมียม ออ มี ลบ เดียว นัน ก็ ปอ แอ ก็ กุญ ปน แอ็ม เจ็น ลุห จำ นเดย จำ กวา นโดน
เจ็นนัน วัล เทวาดา ล็อง ที เจ็ด นัน ก็ พุง แตร ออ แลว เทวาดา ล็อง ที เจ็ด พุง ออ แลว ก็ มี แญง อัห งกรอ อุ ตัก ซะวัน ทึห มอก แญง ครำ ดก ล็อง งกรอ อุ เลิม นัน แร็ง นเซิง ซีเละ อัห งกรอ คือเน “โลก แพนซิก เน ก็ เป็น เล็ห คอง งกีจ็อง คอง แอ แลว เป็น คอง เมซียา คอง นำ แลว เจ็นเน นโดน นำ ก็ ปกคอง อุ ตลอด จำ นเดย จำ กวา” แญง นัน อัง
ตัก โลก แพนซิก แมะ นัน บัดนะ เอาซาง ก็ ปีด แอ็ม พุย มัด แอ มด จู ล็อง จู นัง เจ็นนัน ก็ ไอ มี ซีเอ เปิล ไอ มี ซีเอ เญ็ม ไอ มี ซีเอ ตุกใจ เซียใจ วัล เตาะ ไอ มี ซีเอ โซะ ซีวะ วัล เตาะ เพาะวา ซะ เครม จู มบลึ ซะ ไอ มี เลาะ จู มบลึ นัน ก็ งาล แอ็ม มด แลว ไอ มี ควะ ซีวะ ลุห เตาะ” แญง นะ อัง