ฮีบรู 12:25 - Prai Bible25 แป ต็อง เจิม นัง ออ เลาะๆ ดาย แป ต็อง กึด ซะไม โมเซด ตัก อิง นัน อัห เซ็ห อัง โมเซด อัห ไอ มี ญอม ปัง แญง โมเซด ทาเน โมเซด เป็น ครำ โลก แพนซิก มาลือ แต อัห ตี ไอ มี ปัง แญง โมเซด ญาม นำ เตือน อัห นัน อัห ก็ กุญ โทด จ็อง แอ ซะไม มานะ เน ก็ ซำ ฮาย มานะ เน เอาซาง ตัก วาง นทึห ก็ ไล แอ โตะ และ ออ แลว กัน แอ ไอ มี ญอม ปัง ก็ เฮง กุญ โทด จ็อง กวา อัห วัล ไอ มี ปน เตาะ အခန်းကိုကြည့်ပါ။ |
ฮีบรู 12:25
36 ပူးပေါင်းရင်းမြစ်များ
แลว เยซู รักซา นำ แลว เยซู ก็ มบราง นำ ไอ มี ระ นำ ไล อัหซอ เค็ย เยซู จวย นำ “อำ ไล ซีเอ เด็ดคาด เค็ย เอิญ แอง ระ มัห งาล โซะ เน ดาย อำ ไล อัห เตาะ แต มัห ต็อง เริล มแบละ นัง ออ อน ตัก มอ เอาซาง ระ มอ เอาซาง ตวด ดอม นัง มัห วาล แลว มอ เอาซาง ตวด ดอม นัง มัห แลว มัห ก็ ต็อง ทวาย ซะ อน ตัก เอาซาง มอก กด โมเซด ไล อน เลือง ครำ ตี งาล คีเฮือน นัน โมเซด ไล ครำ งาล คีเฮือน ทวาย ซีวะ มัห ก็ ต็อง ทวาย ซะ นัน นเซอะ อัหซอ จู ล็อง เม็จจึด เค็ย มัห กิว งาล คีเฮือน แลว” เยซู ไล นำ จังนะ กด เอาซาง 14:1-32
ทาเน ครำ อิซราเอล ก็ ไอ มี ปัง โมเซด อัห ลบ วัล โป ซิห โมเซด ‘มัห ซีแอง แกะ อังวะ อีเอ ไล มัห โตะ ตัดซิน อิห เน เออะ’ อัห อัง อัห ไอ มี ปัง โมเซด เตาะ แต เป็น โมเซด ล็อง เนๆ ตี เอาซาง จ็อก เคิบ นำ ตัก เกา ซีเยอะ นัน เอาซาง ตัง ระ นำ เป็น ฮัวนา ปกคอง ครำ อิซราเอล เป็น โมเซด ล็อง เนๆ ตี เอาซาง ระ โตะ จวย ครำ อิซราเอล ปน แอ็ม เจ็น ตุก นัน
ซะไม ตัก อิง ญาม เอาซาง จ็อก เคิบ เอา เม แอ นำ จ็อก เคิบ อัห ดก ลบ วิที เอาซาง จ็อก เคิบ อัห ก็ มี ดก มบลึ ตัก อิง นัน นำ จ็อก เคิบ ปึง ลาม เอาซาง มี จูบ มี ล็อง ฮัก นำ จ็อก เคิบ อัห ดก ล็อง ซะไม ตัก อิง นัน นำ จ็อก เคิบ ล็อง เน ล็อง นัน ฮัก เจ็นนัน ลาม เอาซาง นัน ก็ ไล อน ตัก เอา เม แอ ตอ วัล อัห ไล อน ตัก เอา เม แอ มอก เอาซาง จ็อก เคิบ อัห นัน
โนอา ก็ เจือ เอาซาง เอาซาง เพีย ไล นำ วาล เค็ย เอาซาง อง แอง ระ นอก ทวม โลก ตี เอาซาง อง แอง ระ นอก ทวม โลก นัน โนอา ไอ มี ตัน เม็จ เคิบ มัด ออ ตัน แต โนอา ก็ เจือ แญง เอาซาง นำ ก็ ลด แอง เฮือ จ็อง ระ ยัห เคิบ ควัน กุญ ปน แอ็ม เจ็น นอก ทวม นัน ตี โนอา เจือ เอาซาง ลด แอง เฮือ นัน นำ ก็ ไล ครำ ทัว โลก เค็ย อัห ลุห ซีเละ อัห ต็อง กุญ โทด ก็ ฮุนเน ดาย โนอา เจือ เอาซาง เอาซาง ก็ เค็ย นำ อุ เลาะ เคิบ ออ แลว ก็ ญอน นำ เจือ เอาซาง ฮัก เกาตีนา 6:13-22
แต ครอ ระ แป กึด เลาะๆ ดาย ตัก อิง ซะไม โมเซด แอง พาเต็น ตัก ตี แลง นัน เอาซาง ก็ เพีย ไล นำ เลาะๆ คือเน “จู มบลึ ตี เอิญ ไล มัห ตัก ญวัง ทึห นัน มัห ต็อง แอง จู มบลึ มอก เอิญ ไล มัห นัน ดาย” เอาซาง ไล โมเซด ฮุนนัน นอ อิซราเอล ญาย 25:40 โมเซด ต็อง แอง พาเต็น ตัก โลก เน มอก เอาซาง ไล อน มด เพาะวา เอาซาง ซีรอก ระ พาเต็น ตัก โลก เน เป็น พาบ วิฮาน เอาซาง ตัก วาง ทึห พาเต็น ตี โมเซด แอง ตัก โลก เน ก็ จวย ระ แอ เม็จจึด ซะ ตี เยซู แอง ตัก วิฮาน ตัก วาง นทึห
เอิญ เม็จ เทวาดา ไล ออ คือนะ แลว เอิญ ก็ บัก และ กราบ ไว นำ แต นำ ก็ มบราง เอิญ ไว ออ “อำ จบ ไว เอิญ เตาะ แอ ก็ เป็น ครำ ฮับไจ เอาซาง เลิม นอย นัน เอิญ เคิบ มัห ก็ เป็น ครำ ฮับไจ เอาซาง เลิม ควน นไจ มัห จู ล็อง ตี แก็นใจ เจือ แญง เยซู นัน อัห ก็ เป็น ลูกนอง เอาซาง เมือนนอย มด ครอ ระ แอ ไว เอาซาง ฮัก ซัง เลาะ เพาะวา เลือง ซำคัน ทีซุด ตี ลาม เอาซาง ไล อน นัน ก็ เป็น เลือง เยซู มด ฮัก แอ ไว เอาซาง ฮัก ซัง เลาะ” เทวาดา อัง
เอิญ บัก และ กราบ ไว เทวาดา ล็อง นัน แต นำ ก็ ไล เอิญ คือเน “มัห อำ จบ ไว เอิญ เตาะ ดาย มัห ไว เอาซาง ฮัก ซัง แคระ เอิญ ก็ เป็น ลูกนอง เอาซาง มอก มัห เน เอิญ เป็น ลูกนอง เอาซาง มอก ควน นไจ มัห ตี เป็น ลาม เอาซาง นัน เอิญ ก็ มอก อัห จู ล็อง ตี แอง ฮุน นังซือ เน ไล อน แอ จู ล็อง ก็ เป็น ลูกนอง เอาซาง เลิม นอย มด อำ จบ ไว เอิญ เตาะ มัห ไว เอาซาง ฮัก ซัง แคระ” เทวาดา ล็อง นะ อัง เค็ย เอิญ
ကြော်ငြာတွေ