ฮีบรู 11:33 - Prai Bible33 ครำ ปึง เน อัห เจือ เอาซาง อัห ก็ ลด ซะนะ อัง ซะตรู กุญ อัห ซะนะ อัง ปึง พะเจายูฮัว ดก ล็อง ญอน อัห เจือ เอาซาง นัน อัห ก็ กุญ ปกคอง ปะเทด อิซราเอล อัห ปกคอง เลาะ อัห แอง เลาะ แอง ซือ ตลอด อัห ลด กุญ จู มบลึ ตี เอาซาง ซันญา อง อน ตัก อัห นัน ญอน อัห เจือ เอาซาง นัน เอาซาง ก็ นเดิบ งกาบ โปก ไอ มี ระ โปก พ็อก อัห အခန်းကိုကြည့်ပါ။ |
ฮีบรู 11:33
26 ပူးပေါင်းရင်းမြစ်များ
ก็ มอก เอาซาง ซันญา เคิบ อับราฮัม เคิบ ควัน งา นำ ตัก อิง เอาซาง ยก เลิก ไอ มี กุญ เตาะ แต ควัน งา ตี เอาซาง ซันญา ระ อน นัน เป็น ซีเอ บ็อห ก็ เป็น มี ล็อง เดียว ตัก เยซู คริด นัน ไอ แมน เอาซาง ซันญา เคิบ ควัน งา คอง อับราฮัม มด จู ล็อง ดาย ล็อง ตี เอาซาง ซันญา นัน ก็ เป็น เยซู มี ล็อง เดียว ฮัก
อัห พระ แอ็ม เอิญ มด ดาย แต ญาม เอิญ ก็อห ซาน นัน เอาซาง งกีจ็อง ก็ ญ็อง อุ เลิม เคิบ เอิญ นำ จวย ระ เอิญ มี แร็ง มี กำลัง ซีเละ นำ จวย เอิญ ก็ เพือ ระ เอิญ กุญ ไล คาว เลาะ คาว แลม นัน อน ตัก อัห ติกๆ ระ เอิญ กุญ ไล อน ตัก ครำ กรอก ซอ มด วัล กำนา นัน เอาซาง ก็ จวย เอิญ ซีเละ ดาย มเบิด ก็ มอก เอิญ ปน แอ็ม เจ็น งกาบ โปก นัน
อับราฮัม เจือ เอาซาง ซีเละ มี มี ลบ นัน เอาซาง ลอง ใจ นำ นอ เอาซาง ไล นำ มเบิล ควัน ออ ทวาย อน ตัก เอาซาง นำ ก็ ลด ญอม ทวาย ควัน ออ มี ล็อง เดียว นัน อน ตัก เอาซาง แต เอาซาง ซันญา เคิบ นำ วาล แลว เค็ย ควัน นจะ ควัน ลาน ดก ล็อง ตี เอาซาง ซันญา เคิบ อับราฮัม นัน ต็อง เป็น ควัน นจะ ควัน ลาน คอง อิซอัก ฮัก อิซอัก เน ต็อง เป็น กรอก จ็อง บัดนะ เอาซาง อัง คนาด เอาซาง ไล อับราฮัม จังนะ วาล แลว อับราฮัม ก็ ควะ ญอม ทวาย อิซอัก อน ตัก เอาซาง
ทาเน ก็ มี แกด ล็อง อัห เค็ย เจือ เอาซาง ก็ ปอ แลว แกด ล็อง อัห เค็ย แอง ฮุน เอาซาง ไล อน ก็ ปอ แลว อัห ก็ เทียง นอย จังเน แต กัน มัห เค็ย เจือ เอาซาง แต มัห ไอ มี แอง ฮุน เอาซาง ไล อน เอิญ เม็จจึด จังนัก เค็ย มัห กิว เจือ นังเลาะ เอิญ ไอ มี กิว เม็จ ดาย แต มัห ลอง ดอม อ็อญ ซะ ตี เอิญ แอง นัน กัน เอิญ แอง ฮุน เอาซาง ไล อน ซีเละ มัห ก็ เม็จจึด เค็ย เอิญ กิว เจือ เอาซาง นังเลาะ
ကြော်ငြာတွေ