ฮีบรู 11:1 - Prai Bible1 แอ เจือ เอาซาง ก็ ฮุนเน ดาย แอ แก็นใจ เค็ย เลือง ตี เอาซาง เค็ย เกิด เล็ห บัดนะ ก็ กิว เกิด เล็ห นังเลาะ แอ ก็ แก็นใจ เค็ย ซะ ตี แอ ไอ มี ตัน เม็จ เคิบ มัด ออ ก็ กิว มี นังเลาะ အခန်းကိုကြည့်ပါ။ |
ฮีบรู 11:1
24 ပူးပေါင်းရင်းမြစ်များ
เจ็นนัน อิห ก็ ลด เอิด ใจ ซิห ซะ ตี อิห ไอ มี เม็จ เคิบ มัด อิห ไอ มี เอิด ใจ ซิห ซะ ตัก โลก เน ตี อิห เม็จ เคิบ มัด ออ นัน เพาะวา ซะ ตี อิห เม็จ เคิบ มัด มานะ เน ไอ มี กุม อิง เตาะ แต ซะ ตี อิห ไอ มี เม็จ เคิบ มัด นัน เป็น ซะ ตี กุม อิง ตลอด จำ นเดย จำ กวา นโดน อิห ก็ เอิด ใจ ซิห อัน นัน
เอิญ เปาโล ดาย เอิญ เคียน จดมาย เน อน ตัก มัห ดาย ทีตัด เอาซาง ระ เอิญ เป็น ลูกนอง คอง ออ เยซู คริด ก็ ระ เอิญ เป็น ตัวแทน คอง ออ วัล เยซู เน นำ ระ เอิญ มี นาตี ไล แญง เอาซาง อน ตัก ครำ ตี นำ เลือก ระ อน นำ ก็ ระ เอิญ มี นาตี จวย ระ อัห เฮง เคาใจ เลือง นังเลาะ คอง เอาซาง เอิญ ต็อง ไล อัห ระ เคาใจ เลาะๆ เลือง นังเลาะ คอง เอาซาง นัน ก็ ซับรวง อัห แอง เลาะ มอก เอาซาง ฮัก
ครำ จูบ อับราฮัม อิซอัก ยาโคบ นัน อัห เปิล มด แลว นอ ญาม อัห เปิล นัน อัห ไอ มี ตัน กุญ ซะ ตี เอาซาง ซันญา อง อน ตัก อัห ตัน แต อัห เลาะใจ ตี เอาซาง กิว อน ตัก อัห งิ แทะ วัล มอก อัห เม็จ ควะ เยอะ ซะ นัน อัห เจือ เค็ย โลก เน ไอ แมน ตี อุ จำ นเดย จำ กวา อัห ไอ มี เจิง อุ เป็น ตี อัห ญอม ญาย เริล ญาย วัล แต อัห เม็จจึด แลว เค็ย บัดนะ เอาซาง อน เจิง เลาะ ตัก อัห อัห ก็ ปอใจ อุ
โนอา ก็ เจือ เอาซาง เอาซาง เพีย ไล นำ วาล เค็ย เอาซาง อง แอง ระ นอก ทวม โลก ตี เอาซาง อง แอง ระ นอก ทวม โลก นัน โนอา ไอ มี ตัน เม็จ เคิบ มัด ออ ตัน แต โนอา ก็ เจือ แญง เอาซาง นำ ก็ ลด แอง เฮือ จ็อง ระ ยัห เคิบ ควัน กุญ ปน แอ็ม เจ็น นอก ทวม นัน ตี โนอา เจือ เอาซาง ลด แอง เฮือ นัน นำ ก็ ไล ครำ ทัว โลก เค็ย อัห ลุห ซีเละ อัห ต็อง กุญ โทด ก็ ฮุนเน ดาย โนอา เจือ เอาซาง เอาซาง ก็ เค็ย นำ อุ เลาะ เคิบ ออ แลว ก็ ญอน นำ เจือ เอาซาง ฮัก เกาตีนา 6:13-22
ทาเน กึด เลาะๆ ดาย กัน ครำ เครม ตัก อิง กุญ โทด ดก มอก นัน แลว แอ ตัก ซะไม มานะ เน ก็ ซำ ฮาย แอ เม็จ เลือง เยซู จวย แอ ดก แลว นำ จวย ระ แอ ปน แอ็ม เจ็น ปันฮา จ็อง นัน แลว กัน แอ วัล ไอ มี เจือ เยซู นัน แอ ก็ กุญ โทด ดก กวา ครำ เครม วัล ไอ มี ปน เตาะ เลือง ปน แอ็ม เจ็น ลุห เน เยซู โตะ ไล อน ตัก ลูกนอง ออ วาล นอ ลูกนอง นำ เม็จ อัห ก็ นท็อล ไล อน ตัก แอ ตอ วัล ลูกนอง นัน ก็ รับรอง เค็ย เลือง เยซู นัน เป็น เลือง นังเลาะ
โมเซด ฮับพิดซอบ ครำ อิซราเอล เลาะ ซีเละ แต เยซู คริด เน นำ ฮับพิดซอบ ครำ เอาซาง มด จู ล็อง ทัว โลก แพนซิก เน นำ แกะ กวา โมเซด วัล นำ ไอ แมน ลูกนอง พาลือ นำ เป็น ควัน เอาซาง นำ เป็น งกี นำ ก็ ฮับพิดซอบ เลาะ ทาเน กัน แอ แก็นใจ เจือ เค็ย เอาซาง กิว แอง มอก นำ ไล อน กัน แอ อุนใจ กุญ เลาะ ตัก เอาซาง กัน แอ เลาะใจ ตี กุญ เลาะ ตัก นำ นัน แอ ก็ เป็น ครำ เอาซาง ซีเละ เยซู ก็ ฮับพิดซอบ แอ เลาะ
เอิญ ซีโมน เปโตร เอิญ เป็น ลูกนอง เยซู คริด เอิญ ก็ เป็น ตัวแทน เยซู นัน ฮัก จดมาย เน เอิญ เคียน อน ตัก แป ตี เจือ เยซู คริด เลิม มอก อิห เน เอิญ เคียน อน ตัก แป ตี เจือ เยซู คริด ตี เป็น เอาซาง ตี เป็น งกีจ็อง คอง แอ นัน แป เจือ เยซู ตี แอง เลาะ แอง ซือ ตลอด แป เจือ เยซู ตี จวย แอ ปน แอ็ม เจ็น ลุห นัน ตี แป เจือ เยซู นัน ตี อิห เจือ เยซู เน ก็ มี กา มี ญิม เตา นอย ความ เจือ แอ จู ล็อง มี กา มี ญิม เตา นอย มด
ကြော်ငြာတွေ