ฮีบรู 10:5 - Prai Bible5-6 ญอน เมียม แปะ เมียม งัว นัน แก ลุห ครำ ไอ มี กุญ เยซู คริด ก็ ต็อง โตะ ตัก โลก เน เจ็นนัน ญาม เยซู โตะ ตัก โลก แอ เน นำ ลด ไล เอาซาง ฮุนเน “มเบิล แปะ มเบิล แกะ ทวาย อน มัห มัห ก็ ไอ มี จบ เลาะใจ เอิด ซะ ทวาย จู มบลึ ตี อัห เคิม ทวาย อน มัห มัห ก็ ไอ มี จบ เลาะใจ เอิด เตาะ แต มัห ระ เอิญ โตะ เกิด เป็น นัง ครำ มัห ระ เอิญ ทวาย นัง ออ เน ฮัก เอิญ ก็ ทวาย นัง ออ เน อน ตัก มัห ซีเละ” เยซู อัง အခန်းကိုကြည့်ပါ။ |
ฮีบรู 10:5
26 ပူးပေါင်းရင်းမြစ်များ
เลือง นังเลาะ คอง เอาซาง ตี นำ ระ แอ เม็จ ตี นำ ระ แอ เจือ เน ก็ เป็น เลือง เลาะ เลือง แลม เป็น เลือง ซำคัน ซีเละ เป็น เลือง แปลก ซีเละ แอ กึด เลือง เน แอ ก็ งึด ซีเละ ไอ มี อีเอ จางรู เทียง เตาะ เลือง เอาซาง ก็ มอก เน ดาย เอาซาง เป็น เล็ห ครำ ระ แอ เม็จ นัง ซีมาล เอาซาง ระ แอ เม็จจึด เค็ย นำ กิว เป็น เอาซาง นังเลาะ อัห ก็ ไล เลือง นำ อน ตัก ครำ จู กรอก ปึง เทวาดา ก็ เม็จ นำ ครำ ใน โลก ก็ เจือใจ นำ เอาซาง เอิด นำ ก็อห เริล ฮับ เกียด ตัก ซะวัน นทึห เลือง เอาซาง ก็ มอก เน นอ
ตัก อิง ญาม เอาซาง ระ ควัน เกา ออ โตะ เกิด เป็น ครำ ตัก โลก แพนซิก เน เอาซาง ก็ ไล เทวาดา มด จู ล็อง กราบ ไว ควัน ออ เอาซาง ไล เทวาดา ฮุนเน “เอิญ ระ แป กราบ ไว ควัน เอิญ มด ดาย” เอาซาง อัง แอ เม็จ เอาซาง ไล เทวาดา กราบ ไว ควัน ออ มอก นัน แลว แอ ก็ เคาใจ เค็ย ควัน นำ มี เกียด ดก ทีซุด กด ลบ ซอง 32:43
เยซู ก็ ไล เอาซาง วาล แลว จังเน “ซะ จู มบลึ ตี อัห ทวาย อน มัห นัน แปะ แกะ ตี อัห เคิม ทวาย ตัก ตี เคิม ซะ นัน ซะ จู มบลึ ตี อัห มเบิล ระ มัห ไอ มี ทือ ลุห อัห นัน มัห ก็ ไอ มี ซีรอก เอิด มัห ไอ มี ปอใจ เคิบ ซะ นัน เตาะ ซะ จู มบลึ ตี อัห ทวาย นัน ก็ มอก กด โมเซด ไล อน นัน แต ซะ นัน มัห ก็ ไอ มี เลาะใจ เอิด เตาะ” เยซู อัง ตี เยซู ไล เอาซาง ฮุนนัน ก็ ระ แอ เม็จจึด เค็ย นำ ไอ มี เอิด แญง ซันญา เครม นัน เตาะ
เยซู คริด เน นำ เป็น ควัน เอาซาง ก็ แมน ซีเละ แต คนาด นำ เป็น ควัน เอาซาง นำ ก็ ต็อง อด ตุก อด ญาก อด โซะ ดก มบลึ ตี นำ อด โซะ ดก มอก นัน นำ ก็ ลด เคาใจ เค็ย ปัง แญง เอาซาง กิว เป็น จังนัก เป็น เลือง เนๆ ตี นำ ต็อง อด ตุก อด ญาก อด โซะ ดก มบลึ นัน เป็น เลือง เนๆ ตี นำ ครอ เคิบ เอาซาง ตี จวย ระ นำ ปน แอ็ม เจ็น เปิล กุญ นำ เญ็ม ครอ เคิบ เอาซาง ระ นัง ออ ไอ มี จำเป็น ต็อง เปิล เจ็นนัน เอาซาง ก็ ตึ อัง นำ ฮัก
ตี เอิญ ไล แป รัก นอย นัน ก็ เพาะวา มี ครำ คีอู คีลม ดก ล็อง อัห แปร เริล ตัก โลก เน แลว อัห ไล แญง เอาซาง ไอ มี แคระ เตาะ อัห ไอ มี ญอม ฮับ เค็ย เยซู คริด เป็น เอาซาง โตะ เกิด เล็ห เป็น ครำ มอก แอ เน อัห ไอ มี ญอม ฮับ นำ เตาะ ครำ ปึง เน อัห เป็น ซะตรู เยซู ซีเละ อัห เป็น ครำ คีจุ ฮัก
ကြော်ငြာတွေ