เกาตีนา 6:5 - Prai Bible5-6 ตัก ซะไม นัน ครำ ทัว แพนซิก เน อัห แอง ไอ มี เลาะ ซัก มี ติด อัห มี กำกึด ไอ มี เลาะ ตลอด อัห กึด แต ซะ ลุห ซะ เพอะ ตลอด เยโฮวา เม็จ อัห แอง ไอ มี เลาะ มอก นัน นำ ก็ แร็ง เซียใจ ตี นำ แอง ครำ เกิด เล็ห นำ เซียดาย อัง ครำ ซีเละ အခန်းကိုကြည့်ပါ။ |
ครอ ระ แอ แอง เลาะ ซิห อัห จู ล็อง ดาย เพาะวา เอาซาง แอง เลาะ ซิห แอ จู ล็อง ตัก อิง วาล ไอ ตัน แอ เจือ เยซู นัน แอ ก็ งาว เมือนนอย แอ ก็ ไอ มี เจือ ปัง แญง เอาซาง เตาะ แอ ก็ เลอ รวง ลด แอง ลุห ติกๆ แอ ก็ ซีลิด มอก อัห แอ เป็น คีคา ซะ เจอะ ซะ เพอะ ไอ มี เลาะ จู มบลึ แอ ก็ มอก อัห นะ แอ มี ดก มอก นเดย แอ ก็ ไอ มี เม็จจึด ปอ เตาะ แอ ซอบ คอย อัห เซ็ห อัง อัห แอ ก็ ลบ เซ็ห อัง นอย วัล แอ เน ไอ มี เลาะ ซัก มี ติด เตาะ
ซีมาล ปึง นัน ก็ เป็น ซีมาล ครำ ตัก อิง ตี ไอ มี ปัง แญง เอาซาง ตัก ซะไม โนอา นัน ซะไม โนอา กำลัง แอง เฮือ นัน เอาซาง ก็ ใจ ดัว เพา ระ อัห เอิด ใจ แมะ อัห ก็ ไอ มี ปัง เอาซาง เตาะ ซุดทาย ก็ ต็อง เปิล มด มี แต แปด ล็อง เตานะ ตี กุด เฮือ นัน เอาซาง ก็ ระ อัห แปด ล็อง นัน ปน แอ็ม เจ็น นอก ทวม จ็อง นัน