เกาตีนา 42:24 - Prai Bible

²⁴ แต โยเซบ นำ เคาใจ แญง อัห เลาะ ‍ นำ เคาใจ แญง ตี อัห จ็อก เคิบ นอย แลว ‍ นำ ก็ โซะ เญ็ม ซีเละ ‍ นำ ก็ ฮุด เค็ห เคา ทอก เริล เญ็ม ‍ นำ ตัง ซะติ แลว ‍ นำ ก็ ลบ วัล โตะ เลามุน เคิบ อัห วัล ‍ เจ็นนัน นำ ก็ เญ็บ ซิเมโอน ท็อก ระ อน เคิบ มัด เคิบ มุห อัห นัน ‍

เกาตีนา 42:24 ပူးပေါင်းရင်းမြစ်များ

เกาตีนา 42:23

ทาเน โยเซบ ไอ มี จ็อก แญง ฮีบรู ซิห อัห เตาะ ‍ จู ลบ กัน อัห จ็อก เคิบ โยเซบ ‍ ก็ ต็อง มี ครำ แปล แญง อน ตัก นำ ‍ ปึง นไจ นำ จ็อก เคิบ นอย ‍ อัห ก็ เยา โยเซบ ไอ มี เม็จจึด แญง ออ ‍

เกาตีนา 43:14

เอิญ ครอ เคิบ งกีจ็อง ตัก มี ริด มี แร็ง ดก ทีซุด ‍ จวย ระ เจานาย ล็อง นัน ตึ อัง แป ดาย ‍ ครอ ระ นำ พระ ซิเมโอน เคิบ เบนยามิน วัล เจิง ดาย ‍ กัน เอิญ ตุกใจ ญอน งาล ควัน ก็ เป็น แลว แอ็ม” ยาโคบ อัง

เกาตีนา 43:23

ลูกนอง นัน ก็ ซวัล อัห คือเน “อำ นเจิก อำ ทืล เตาะ ‍ งกีจ็อง ฮัก แอง ดาย ‍ งกีจ็อง ตี แป เคิบ เอา คอง แป ทือ นัน ‍ นำ ซิห ระ เงิน ตัก กะซอบ แป ฮัก ดาย ‍ เงิน แป ทน ซา งิ นาน เอิญ เอิด แลว” นำ อัง เจ็นนัน ลูกนอง โยเซบ ก็ ซับ ซิเมโอน ทอก โตะ และ อัห ‍

เกาตีนา 43:30

โยเซบ รัก ควน ออ ซีเละ ‍ นำ ก็ ญ็อก แก็น งก็อห มด ‍ นำ อด เล็ห พุย มัด ไอ มี กุญ ‍ นำ ก็ ลด ปัด กุด ฮ็อง ‍ นำ บม เญ็ม อุ ตัก ฮ็อง ‍

เกาตีนา 45:1

โยเซบ เม็จ ยูดา จ็อก คือนะ แลว ‍ นำ ก็ แร็ง โซะ เญ็ม ‍ นำ อด เล็ห พุย มัด ไอ มี กุญ เตาะ ‍ แต มี ปึง ครำ อียิบ ญ็อง อุ นัน เลิม ‍ นำ ก็ แร็ด ไล อัห “แป ปัด มด จู ล็อง” ‍ อัห ก็ เลอะ ปัด มด ‍ แลว ปน อัห มด แลว ‍ นำ ก็ ไล นัง ออ จุม ควน จุม นไจ ‍ เค็ย นัง ออ เป็น โยเซบ ‍

เกาตีนา 45:2

โยเซบ ก็ นซาก เญ็ม ‍ แร็ง นเซิง ซีเละ ‍ ครำ อียิบ ก็ เม็จ นเซิง ‍ ครำ ตัก เจิง ฟาโร ก็ เลอะ เม็จ นเซิง มด ‍

ลูกา 19:41

เจ็นนัน เยซู ก็ เริล ติกๆ ‍ บัก และ เล็ห ตัก เมือง เยรูซาเล็ม แลว ‍ นำ ก็ เม็จ เมือง ติ อุ พาโนน ‍ นำ แร็ง ตึ อัง ครำ เยรูซาเล็ม นัน ‍ นำ ก็ เญ็ม ‍

โรม 12:15

กัน มี ครำ เลาะใจ เลาะคอ ก็ ครอ ระ แอ เลาะใจ เลาะคอ เลิม เคิบ อัห ดาย ‍ กัน อัห ตุกใจ เซียใจ ‍ ก็ ครอ ระ แอ ตุกใจ เซียใจ เลิม ‍

1 โคริน 12:26

กัน มี มบลึ นเดย โซะ ‍ ก็ เลอะ โซะ มด ตึง นัง ‍ กัน มบลึ นเดย กุญ เกียด ‍ ก็ เลอะ เลาะใจ มด ตึง นัง ‍ เอาซาง ระ นัง แอ เป็น มอก เน

ฮีบรู 4:15

เยซู เป็น มอ เอาซาง จ็อง คอง แอ เน นอ ‍ นำ เคาใจ แอ เลาะ ‍ นำ ตึ อัง แอ ‍ แอ แมด ตัก นเดย ‍ นำ ก็ เม็จจึด ใจ แอ มด ทาเน กัน มี ซะ ลอง ใจ แอ ก็ ครอ ระ แอ กึด เลือง เยซู ดาย ‍ เพาะวา เกย มี ซะ ลอง ใจ นำ มด จู มบลึ มอก แอ เน แลว ‍ แต นำ ไอ มี แอง ลุห ‍