เกาตีนา 41:25 - Prai Bible

²⁵ โยเซบ ก็ แก มเพาะ อน ตัก ฟาโร ฮุนเน “มเพาะ มัห ตึง เปียะ ลบ นัน ก็ เป็น มี เลือง เดียว ดาย ‍ เอาซาง บัก และ แอง ซีวะ นำ ก็ เพีย ระ มัห เม็จ วาล ‍

เกาตีนา 41:25 ပူးပေါင်းရင်းမြစ်များ

เยซู โตะ 4:1

เจ็นนัน วัล ‍ เอิญ ก็ เม็จ ปะตู อุ ตัก ซะวัน ทึห ‍ ปะตู นัน อี พลาง อุ ‍ เอิญ ก็ เม็จ นเซิง นะ ‍ เป็น นเซิง ล็อง เครม ตี จ็อก มอก นเซิง แตร นัน ‍ ตี จ็อก ไล เคา เอิญ มี ลบ แลว นัน  ‍ นำ ก็ ไล เอิญ คือเน “มัห ก็อห โตะ ทึห เน ดาย ‍ มัห โตะ ทึห เน ‍ เอิญ ระ มัห เม็จ ซะ ตี เกิด เล็ห วาล มัด บัดนะ นโดน” นำ อัง

เอเฟซัด 1:17

เอิญ ครอ เคิบ นำ จวย ระ แป มี ปันญา ‍ ระ แป เคาใจ ดก มบลึ ตี แป ไอ มี ตัน เกย เม็จ ‍ ระ แป เฮง เม็จจึด เคิบ เอาซาง เลาะๆ วัล ‍ จู มบลึ เน เอิญ ครอ ตัก เอาซาง ตี เป็น เอา เยซู คริด งกีจ็อง คอง แอ ‍ ตัก มี เกียด ดก ทีซุด นัน

มาระโก 13:23

กัน จังนะ ดาย ‍ อำ จบ เจือ แญง อัห เตาะ ‍ เอิญ เพีย ไล แป แลว นอ” เยซู ไล ลูกนอง ออ คือนะ

มัดทิว 24:40

ญาม นัน บัดนะ ‍ จับ มี ครำ เปียะ ล็อง แอง แซ อุ เลิม นัน ‍ เอาซาง เอิด แอ็ม มี ล็อง ‍ ระ อน มี ล็อง ‍

เกาตีนา 41:16

โยเซบ ก็ ซวัล ฟาโร ฮุนเน “เอิญ ไอ มี จางรู แก มเพาะ อน มัห ดาย ‍ เอาซาง ฮัก จางรู แก มเพาะ อน ตัก แอ” โยเซบ อัง ‍

อิซราเอล ญาย 9:14

กัน มัห ไอ มี ระ อัห เริล ลบ เน ‍ งกีจ็อง ก็ วาง แป มด ตึง ปึง ลูกนอง ปึง พซาซน คอง มัห ซีเละ ดาย ‍ งกีจ็อง ซีรอก ระ มัห เม็จจึด เค็ย ‍ ตัก โลก แพนซิก เน ไอ มี ซีเอ มี แร็ง เตา นำ ดาย ‍

เกาตีนา 41:26

มัห มเพาะ เม็จ งัว เคิญ เจ็ด นัง นัน ‍ ก็ ซีแล็ม เค็ย เจ็ด วาง ‍ นซ็อก ซา กัด เจน เจ็ด นซ็อก นัน ‍ ก็ ซีแล็ม เค็ย เจ็ด วาง เมือนนอย ‍ มัห มเพาะ เปียะ ลบ เน ‍ ก็ เป็น มี เลือง เดียว นัน ดาย ‍

เกาตีนา 41:28

โยเซบ ก็ ไล ฟาโร คือเน วัล “เอาซาง กิว ระ เลือง เน เกิด เล็ห นังเลาะ ดาย ‍ มอก เอิญ ไล มัห เน ‍ เอาซาง ก็ ระ มัห เม็จ แลว ‍

เกาตีนา 41:32

ตี เอาซาง ระ มัห ราย มเพาะ ตวด ตึง เปียะ ลบ ฮุนเน ‍ ก็ ซีแล็ม เค็ย เอาซาง ตัดซิน แลว ‍ นำ กิว แอง ซีเละ ‍ ไอ ปอ อิง เอาซาง ก็ ระ เลือง เน เกิด เล็ห ซีเละ ดาย

เกาตีนา 40:8

ปาม ก็ ซวัล โยเซบ ฮุนเน “แจ็ล เคิน เยอะ ราย มเพาะ ‍ แต ไอ มี ซีเอ จางรู แก มเพาะ เยอะ ดาย ‍ เยอะ ก็ ไอ มี เลาะใจ เตาะ” ปาม อัง ‍ โยเซบ ก็ ไล ปาม ฮุนเน “ก็ เอาซาง จางรู แก มเพาะ ไอ แมน เออะ ‍ ปา ไล อน ตัก เอิญ ปัง กา ‍ เอาซาง แก อน ตัก แอ กุญ ดาย” โยเซบ อัง