เกาตีนา 41:16 - Prai Bible

¹⁶ โยเซบ ก็ ซวัล ฟาโร ฮุนเน “เอิญ ไอ มี จางรู แก มเพาะ อน มัห ดาย ‍ เอาซาง ฮัก จางรู แก มเพาะ อน ตัก แอ” โยเซบ อัง ‍

เกาตีนา 41:16 ပူးပေါင်းရင်းမြစ်များ

เกาตีนา 37:14

นำ ไล โยเซบ ฮุนเน วัล “มัห เริล ดอม อ็อญ ปึง นไจ ออ วาล ดาย ‍ มัห เริล ดอม ปึง แปะ ปึง แกะ ‍ ดอม อ็อญ เป็น จังนัก แด ‍ มัห ก็ ลบ วัล โตะ ไล เอิญ ดาย” เอา นำ อัง ‍ ยาโคบ ไล โยเซบ เริล เจ็น ลงลุก เฮโบรน พด เล็ห ตัก เมือง เซเคม ‍

เกาตีนา 40:8

ปาม ก็ ซวัล โยเซบ ฮุนเน “แจ็ล เคิน เยอะ ราย มเพาะ ‍ แต ไอ มี ซีเอ จางรู แก มเพาะ เยอะ ดาย ‍ เยอะ ก็ ไอ มี เลาะใจ เตาะ” ปาม อัง ‍ โยเซบ ก็ ไล ปาม ฮุนเน “ก็ เอาซาง จางรู แก มเพาะ ไอ แมน เออะ ‍ ปา ไล อน ตัก เอิญ ปัง กา ‍ เอาซาง แก อน ตัก แอ กุญ ดาย” โยเซบ อัง

เกาตีนา 41:17

ฟาโร ก็ เลามุน มเพาะ อน นำ ปัง ฮุนเน “เอิญ มเพาะ ญ็อง อุ ตัก เปล นอก นำไน ‍

เกาตีนา 41:25

โยเซบ ก็ แก มเพาะ อน ตัก ฟาโร ฮุนเน “มเพาะ มัห ตึง เปียะ ลบ นัน ก็ เป็น มี เลือง เดียว ดาย ‍ เอาซาง บัก และ แอง ซีวะ นำ ก็ เพีย ระ มัห เม็จ วาล ‍

เกาตีนา 41:28

โยเซบ ก็ ไล ฟาโร คือเน วัล “เอาซาง กิว ระ เลือง เน เกิด เล็ห นังเลาะ ดาย ‍ มอก เอิญ ไล มัห เน ‍ เอาซาง ก็ ระ มัห เม็จ แลว ‍

ลูกา 19:42

นำ เญ็ม จ็อก ออ คือเน “ฮี เอิห ‍ ครำ เยรูซาเล็ม เฮย ‍ งิ นะ เน เอิญ ตึ อัง แป ซีเละ ‍ เอิญ ซีรอก ระ แป เม็จจึด รวง อุ เลาะ อุ ซุก เคิบ เอาซาง ‍ แต แป ไอ มี ปัง ‍ เจ็นเน แป ก็ ไอ มี อุ เลาะ อุ ซุก วัล เตาะ ‍ ปน เวลา แลว ‍

ตัวแทน 3:12

เปโตร เม็จ อัห โตะ ‍นำ ก็ ไล อัห คือเน “ครำ อิซราเอล เฮย ‍ แป งึด อัง ล็อง เน อังวะ บ็อห ‍ ซีวะ แป เงอ ดอม เยอะ ‍ มอก เยอะ เป็น ครำ เลาะ มี ริด มี แร็ง แอง ระ นำ นจาง กุญ ‍ เยซู ฮัก แอง ระ นำ เลาะ เล็ห ดาย ‍

ตัวแทน 3:7

เปโตร ก็ ทาก ที เพียห เลาะ คอง นำ จวย นำ ร็อห ญ็อง ‍ เจ็ง เคิบ มัดเง็ล ก็ ลด เลาะ เล็ห มด ‍

1 โคริน 15:10

เอิญ ไอ มี ซมควน เป็น ตัวแทน คอง เยซู ดาย ‍ แต เอาซาง แอง เลาะ ซิห เอิญ ฮัก ‍ ตี นำ เลือก เอิด เอิญ เป็น ตัวแทน คอง ออ นัน ‍ ก็ เป็น เคิบ นำ แอง เลาะ ซิห เอิญ ฮัก ‍ ตี นำ เลือก เอิด เอิญ เน ‍ ก็ ไอ แมน ไอ มี ปะโยด ดาย ‍ เป็น ปะโยด ดก อน นำ ‍ เอิญ แองกาน อน นำ ดก กวา ตัวแทน เยซู ล็อง ซอ วัล ‍ แต ตี เอิญ กุญ แองกาน อน นำ เน ‍ ก็ ไอ แมน นัง เอิญ แอง ฮัก ดาย ‍ เป็น เอาซาง ฮัก แอง ระ เอิญ เป็น ปะโยด อน ตัก นำ ‍

2 โคริน 3:5

แอ จู ล็อง เน ก็ ไอ แมน ครำ เลาะ ตี เปิง นัง ออ กุญ นอ ‍ แอ แองกาน อน เอาซาง ‍ ก็ ไอ แมน ความ ซามาด คอง นัง ออ เตาะ ‍ แอ มี ความ ซามาด ซีวะ ‍ ก็ เป็น ความ ซามาด คอง เอาซาง ฮัก