เกาตีนา 37:31 - Prai Bible

³¹ อัห เม็จ รูเบน จ็อก คือนะ ‍ อัห ก็ ลด มเบิล แปะ มี นัง ‍ อัห ก็ เอิด โกบ โยเซบ จุบ ซิห ตัก เมียม แปะ นัน ‍

เกาตีนา 37:31 ပူးပေါင်းရင်းမြစ်များ

เกาตีนา 37:23

ทาเน โตะ โยเซบ ตัก อัห แลว ‍ อัห ก็ เล็ว เญ็บ เอิด โยเซบ ‍ อัห ก็ เล็ว โปลก แอ็ม โกบ นซุบ นำ นัน ‍ อัห มพลิห ระ นำ ตัก งกุก ทังๆ ตัก ไอ มี ออก นัน ‍

เกาตีนา 37:3

อิซราเอล ก็ รัก โยเซบ ดก กวา ปึง นไจ นำ มด ‍ ตี นำ รัก โยเซบ ดก กวา ปึง นไจ นำ นัน ‍ ก็ เป็น ตัก โยเซบ เกิด ญาม นำ มแบร็ห แลว ‍ ทาเน นำ ก็ แอง โกบ นซุบ ดัว ลา อน ตัก โยเซบ ‍

เกาตีนา 37:32

อัห ก็ ซับ อน ตัก เอา ออ ดอม ‍ อัห จุ ซ็วน เอา ออ ฮุนเน “เอา ‍ อิห เม็จ โกบ เน ดาย ‍ เน แมน โกบ ควัน มัห อัน บ็อห” อัห อัง

เกาตีนา 44:28

มี ล็อง นัน ก็ ไอ มี ควะ แลว ‍ เอิญ กึด เค็ย ซะ พ็อก ป็อง แอ็ม นำ แลว ‍ เตา มานะ เน เอิญ ไอ มี กุญ เม็จ มัด ควัน ออ เตาะ ‍

เกาตีนา 45:26

โตะ อัห แลว ‍ อัห ก็ ไล เอา คือเน “โยเซบ ควะ รีด อุ ดาย เอา ‍ ไอ มี จบ เปิล นำ ซัง ‍ นำ เป็น เจานาย แกะ ‍ ปกคอง ปะเทด อียิบ มด” อัห อัง ‍ ยาโคบ เม็จ อัห ไล ออ คือนะ ‍ นำ ก็ ญ็อก นทัน ‍ แต ไอ มี เนา นำ เจือ ควัน ออ เตาะ ‍ อัห ก็ ไท เลามุน เลือง โยเซบ อน นำ ปัง ‍ ญาม นำ เม็จ แญง ตี โยเซบ ฟาก ไล นำ นัน ‍ เคิบ นำ เม็จ ลอ ตี โยเซบ ซง ฮับ ออ นัน ‍ ซัง นำ เจือ ‍ นำ ก็ เลาะใจ ‍ ลง เล็ห ใจ นำ วัล