เกาตีนา 29:32 - Prai Bible

³² ทาเน เลอา ก็ มพุ ควัน ‍ เกิด โตะ เป็น ควัน อัหคล็อง ‍ นำ ก็ จ็อก ฮุนเน “เอาซาง เม็จ เอิญ ตุกใจ ตี คล็อง เอิญ ไอ มี รัก เอิญ ‍ ลบ เน นำ ก็ รัก เอิญ แด ฮุ” นำ อัง ‍ นำ ก็ ลด มพึ ซือ ควัน ออ ตัก รูเบน

เกาตีนา 29:32 ပူးပေါင်းရင်းမြစ်များ

อิซราเอล ญาย 4:31

อัห ก็ ลด เจือ ปาม ‍ ญาม อัห เม็จ คาว เค็ย เยโฮวา เม็จ อัห ตุก ญาก ‍ เคิบ อัห เม็จ คาว เค็ย เยโฮวา โตะ จวย ออ ‍ อัห ก็ มพอล นอย กราบ ไว เยโฮวา

อิซราเอล ญาย 3:7

เยโฮวา ก็ ไล โมเซด ฮุนเน วัล “เอิญ เม็จ ครำ คอง ออ ลำบาก อุ ตัก ปะเทด อียิบ นัน ‍ เอิญ ก็ เม็จ แญง อัห นซาก อัห ครอ ระ เอิญ จวย ออ ‍ อัห ซีรอก ปน แอ็ม เจ็น ครำ อียิบ นัน ‍ แร็ง ดุ ครำ คุม งาน คนาบ อัห แองกาน ดก เกิน ‍ อัห แร็ง ตุก ญาก ลำบาก ดก มบลึ เอิญ ก็ เม็จ แลว ‍

ลูกา 1:25

“งกีจ็อง แอง เลาะ เคิบ เอิญ ซีเละ ‍ นำ ระ เอิญ มี ควัน นังเลาะ ‍ เจ็นเน เอิญ ก็ ไอ มี กราญ วัล เตาะ ‍ ตี เอิญ กราญ ญอน เอิญ เป็น มัน เน ‍ งกีจ็อง ก็ แอง ระ เอิญ งาล กราญ แลว” เอลีซาเบด อัง

เกาตีนา 42:27

ทาเน อัห ก็ เล็ห ตัก ตี อัห อวย พัก มี คัล รวง ‍ อัห บัก และ อีด เอิด ซา ตัก กะซอบ อน ลา ป็อง แด ‍ พอดี มี ล็อง นัน อีด กะซอบ ออ ‍ นำ ก็ ลบ เม็จ เงิน ควะ อุ ตัก งอก กะซอบ ออ ‍

เกาตีนา 42:22

แต รูเบน ไล อัห คือเน “กำนา ไอ แมน เอิญ มบราง แป แลว เค็ย 'อำ แอง ควน จังนัน ‍ แอง จังนัน ก็ ลุห ดาย' เอิญ ไล แป คือนะ แลว ‍ แป ก็ ไอ มี ปัง แญง เอิญ ‍ มานะ เน เล็ห ตัก แอ แลว ‍ แอ ก็ ต็อง กุญ โทด ‍ เป็น ตัก แอ มเบิล ควน ออ นัน” รูเบน อัง

เกาตีนา 16:11

ควัน มัห ตัก มัห มพุ อุ นัน เป็น ควัน อัหคล็อง ‍ มัห ต็อง มพึ ซือ นำ ตัก อิซมาเอล ดาย ‍ เป็น ตัก เยโฮวา ปัง แญง มัห ครอ เคิบ ออ แลว ‍ อิซมาเอล ซีแล็ม เค็ย 'เอาซาง ปัง แญง แอ' ‍

เกาตีนา 37:29

ทาเน รูเบน ก็ วัล โตะ ดอม และ โยเซบ ตัก งกุก ‍ ก็ ไอ มี เม็จ ควะ โยเซบ เตาะ ‍ นำ ก็ เซียใจ ซีเละ ‍ นำ ก็ ซาก แร็ห โกบ ออ ‍

เกาตีนา 29:31

เอาซาง เม็จ ยาโคบ ไอ มี ปอ รัก เลอา ‍ เอาซาง ก็ แอง เลาะ ซิห เลอา ‍ ระ นำ มี ควัน ‍ แต ราเซล นัน นำ เป็น มัน ‍