21 เอา นัน ก็ ดอม นำ อุ เค็ดๆ นำ กึด ใน ใจ ออ คือเน “บัห เยโฮวา จวย ซับรวง เอิญ นังเลาะ” นำ อัง
นำ เม็จ ควัน มอน โตะ นำ ก็ ครอ วอน เอาซาง จวย ออ นำ ครอ ฮุนเน “ซาทุ เตาะ เยโฮวา งกีจ็อง เฮย มัห เป็น งกีจ็อง ตัก อับราฮัม ทือ นัน งิ นะ เน ก็ ครอ ระ มัห ตึ อัง เอาเลียง เอิญ ดาย ครอ ระ มัห จวย เอิญ เม็จจึด ควัน มอน ล็อง นเดย เป็น ยัห อิซอัก ดาย
นำ ก็ ทุก ออก ออ นัน ซิห ตัก มพ็อห นำ ลบ วัล เล็ง ปัด ออก ตัก นำบอ ซิห ตัก มพ็อห อน อูด ออก ระ อิม มด ไท จู นัง
“ซาทุ เตาะ เยโฮวา เฮย มัห เป็น งกีจ็อง คอง เอาเลียง มัห ควะ รัก นำ ซีเละ มัห ก็ แอง เลาะ แอง ซือ เคิบ นำ มัห กิว ซับรวง เอิญ โตะ เคิด เจิง ควน นไจ นำ นังเลาะ มัห จวย นำ ดก ซีเละ” นำ อัง
ลูกนอง อับราฮัม ก็ ไล ปาม ฮุนเน “อิห ต็อง วัล งิ นะ เน ดาย อำ มบราง อิห เตาะ เอาซาง ซับรวง เอิญ เลาะ แลว ครอ ระ อิห วัล และ เอาเลียง ออ วาล ดาย” นำ อัง
แต มารี นำ กึด เลือง เน อุ ฮัก นำ บม ระ ใน ใจ ออ ฮัก
ทาเน เยซู ก็ ลด วัล เจิง ตัก งวัล นาซาเร็ด เลิม เคิบ ปาม นำ ก็ เจือ ปัง แญง เอา เม ออ เลาะ ซีเละ แต เม นำ ก็ บม ระ เลือง เน ใน ใจ ออ นำ กึด เลือง เน ระ ใน ใจ ออ ฮัก