12 อับราฮัม ก็ ไว นำ เคิบ มัด อัห นัน มด
อับราฮัม ก็ คุล ร็อห ไว ครำ ฮิดไท นัน นำ ก็ ไล อัห คือเน
ทาเน เทวาดา เปียะ ล็อง นัน ก็ โตะ ตัก เมือง โซโดม ปาม โตะ ก็ บัก และ แจ็ล แลว ญาม นัน โลด คุด อุ เคิง ปะตู เมือง นำ เม็จ โตะ ปาม นำ ก็ ร็อห เริล ราบ ปาม นำ โมด นัง ออ ไว ปาม นำ ก็ มพอล ปาม อวย เจิง ออ
นำ ก็ ง็อห มัด ดอม ปัก เม็จ อัหคล็อง แพะ ล็อง ญ็อง อุ ลัห มัด ออ นำ ก็ เล็ง จัก กราบ ไว อัห จำ ซิก
นำ ไล อับราฮัม คือเน “ปัง ดาย จ็อง อำ มัห ทน เตาะ เอิญ อน ตึง แซ ตึง ทำ นัน ตัก มัห มด ซะ แกะ เมือง อิห เน ก็ เป็น พญาน มด ดาย เอิญ ครอ มอบ อน ตัก มัห ฮัก มัห เอิด แอง พาเฮ็ว นทึห เตาะ มัห เทิ๊บ ยัห ออ ตาม ซะบาย ดาย” เอโฟน อัง
อับราฮัม ก็ ไล เอโฟน คือเน “เอิญ ครอ ทน ตี ซิก นัน ดาย กัน มัห ญอม เท็จ อน ตัก เอิญ ซีเละ เอิญ ก็ ครอ เคิบ มัห ระ เอิญ ทน เป็น คอง ออ ฮัก เอิญ ครอ ทน เอิด มด ตึง ตี แซ นัน เอิญ ครอ ทน เอิด ฮัก ระ เป็น ตี เอิญ เทิ๊บ ยัห ออ กุญ ดาย” นำ อัง
