เกาตีนา 22:1 - Prai Bible1 ทาเน เอาซาง ก็ โตะ ลอง ใจ อับราฮัม ฮุนเน “อับราฮัม เฮย” นำ อัง “ซีวะ เออะ” อับราฮัม อัง အခန်းကိုကြည့်ပါ။ |
เกาตีนา 22:1
24 ပူးပေါင်းရင်းမြစ်များ
เลือง มี ซีวะ ลอง ใจ แอ นัน ไอ แมน เลือง แมะ เตาะ ครำ ทัว มด ก็ เกย มี ซะ ลอง ใจ อัห มอก แอ เน แลว แต จู ลบ กัน มี ซีวะ ลอง ใจ แอ เอาซาง ก็ จวย แอ กุญ ตลอด มอก นำ ไล อน แลว เอาซาง ก็ ไอ มี ระ ซีวะ ลอง ใจ แอ ดก เกิน ดาย นำ ก็ จวย ระ แอ มี รวง ปน กุญ ระ แอ มี แร็ง อด เอิด กุญ ก็ มอก นะ นอ
อับราฮัม เจือ เอาซาง ซีเละ มี มี ลบ นัน เอาซาง ลอง ใจ นำ นอ เอาซาง ไล นำ มเบิล ควัน ออ ทวาย อน ตัก เอาซาง นำ ก็ ลด ญอม ทวาย ควัน ออ มี ล็อง เดียว นัน อน ตัก เอาซาง แต เอาซาง ซันญา เคิบ นำ วาล แลว เค็ย ควัน นจะ ควัน ลาน ดก ล็อง ตี เอาซาง ซันญา เคิบ อับราฮัม นัน ต็อง เป็น ควัน นจะ ควัน ลาน คอง อิซอัก ฮัก อิซอัก เน ต็อง เป็น กรอก จ็อง บัดนะ เอาซาง อัง คนาด เอาซาง ไล อับราฮัม จังนะ วาล แลว อับราฮัม ก็ ควะ ญอม ทวาย อิซอัก อน ตัก เอาซาง
ตี มี ปันฮา เล็ห ตัก แอ มานะ เน ก็ เป็น เอาซาง ลอง ใจ แอ เพือ ระ แอ เม็จจึด เค็ย แอ กิว เจือ เอาซาง นังเลาะ อัน มอก ทองคำ นอ ทองคำ เป็น ซะ ตี แอ ทำลาย กุญ แต กัน แอ ซีรอก เม็จจึด เป็น ทองคำ เลาะ แอ ก็ ลอง เคิม อ็อญ ตัก โอด ซัง แอ เม็จจึด เค็ย กิว เป็น ทองคำ เลาะ นอ ใจ แอ ก็ มอก ทองคำ นัน แต ตี แอ เจือ เน มี กา มี ญิม กวา ทองคำ นัน วัล เอาซาง ก็ ลด ระ เล็ห ปันฮา ตัก แอ ก็ เพือ ระ แอ เม็จจึด เค็ย แอ กิว เจือ เยซู นังเลาะ อัน แอ ก็ เม็จจึด ตัก ใจ ออ ฮัก กัน แอ ซอดแซ็ง อด เอิด เคิบ ปันฮา นัน กุญ บัดนะ ญาม เยซู คริด โตะ นัน เอาซาง ก็ ซม แอ วัล แอ ก็ กุญ เกียด ดก ซีเละ ดาย
ကြော်ငြာတွေ