เกาตีนา 2:9 - Prai Bible9 ญาม เอาซาง แอง ระ มี เกาลำ ตัก ซวน นัน นำ ก็ แอง ดก มบลึ เลาะลัห ดอม แพละ ก็ เลาะ ป็อง มด จู มบลึ ทาเน ก็ มี เกาลำ วิเซด อุ เคิง ล็อง ซวน นัน เปียะ เกา มี เกา นัน กัน แอ ป็อง ก็ ระ แอ รีด อุ ติกๆ แต มี เกา นัน วัล กัน แอ ป็อง ก็ ระ แอ เคาใจ ซีวะ เลาะ ซีวะ ไอ มี เลาะ အခန်းကိုကြည့်ပါ။ |
แลว เอาซาง มบรึห แอ็ม ปาม แลว เอาซาง ก็ ไล ปึง เทวาดา เครูบ โตะ เพา ซวน เอเดน ลัห เพียห โตะ งิ งคม เอาซาง ก็ เอิด ดาบ ตัก กรึห อุ ฮุน โอด เพา อุ เคิง นัน วัล นำ ก็ ระ ดาบ นัน วาง โตน วาง แต็ห เพา รวง เริล และ เกา ลำ ตัก แอง ระ ครำ รีด อุ ติกๆ นัน เอาซาง ไอ มี ระ ปาม กุด ป็อง แพละ ลำ นัน วัล เตาะ
ซำรับ ซะ ป็อง ตี อัหซอ ทวาย อน ตัก ฮูบ ตัก พะ นัน แอ ป็อง คอง อัห นัน กุญ ไอ มี กุญ แป ก็ เกย ซ็วน เอิญ แลว นอ นังเลาะ แลว แอ จู ล็อง ก็ เคาใจ แด เลือง เน นอ แต ซำคัน ทีซุด แอ รัก นอย กัน แอ เฮง เคาใจ ดก มบลึ แต ไอ มี รัก นอย แอ ก็ อวด นัง ออ ฮัก แต กัน แอ รัก นอย แอ ก็ จวย ครำ ใน คริซจัก ระ อัห เฮง แก็นใจ เจือ เยซู วัล
ซีเอ มี นโทล ก็ ปัง เอิด เลาะๆ เนอ ครอ ระ แป เอิด ใจ ซิห แญง ตี ซีมาล เอาซาง ไล อน ตัก ปึง คริซจัก ฮัก ดาย กัน ซีเอ ซะนะ อัง เอิญ ก็ ระ อัห มี ซิด กุญ ป็อง แพละลำ ตัก แอง ระ ครำ รีด อุ ตลอด นัน อัห กุญ ป็อง แพละลำ เกา นัน ตัก อุ ซวน คอง เอาซาง นัน’” นำ อัง จดมาย ตี นำ ไล เคียน อน ตัก คริซจัก เอเฟซัด ก็ มี มอก นะ
จู ล็อง ตี เพีย ระ เอาซาง แก แอ็ม ลุห ออ ระ ซะอาด นัน เอิญ ก็ ระ อัห มี ซิด กุญ กุด ปะตู เมือง นัน ระ อัห มี ซิด กุญ ป็อง แพละลำ เกา นัน ตี แอง ระ แอ รีด อุ ตลอด นัน กัน อัห ระ นัง ออ เลาะ มอก คัว แอ พุห เลาะๆ ซะอาด แลว นัน เอิญ ก็ ระ อัห กุญ กุด เมือง นัน นังเลาะ ครำ ปึง เน อัห ก็ กุญ อุ เลาะ อุ ซุก ซีเละ อัห เลาะใจ อุ ซีเละ