เกาตีนา 18:2 - Prai Bible

² นำ ก็ ง็อห มัด ดอม ‍ ปัก เม็จ อัหคล็อง แพะ ล็อง ญ็อง อุ ลัห มัด ออ ‍ นำ ก็ เล็ง จัก กราบ ไว อัห จำ ซิก ‍

เกาตีนา 18:2 ပူးပေါင်းရင်းမြစ်များ

เกาตีนา 17:3

อับราม เม็จ เอาซาง ไล ออ ฮุนนะ แลว ‍ นำ ก็ ลด กราบ ไว เอาซาง จำ ซิก ‍ เอาซาง ก็ ไล นำ คือเน วัล ‍

เกาตีนา 18:16

เจ็นนัน ปึง อัหคล็อง แพะ ล็อง นัน ก็ เริล ออ ‍ อัห และ เริล เมือง โซโดม ‍ อับราฮัม ก็ ซับ ซง อัห มี คัล รวง ‍

เกาตีนา 18:22

ทาเน ปาม เปียะ ล็อง นัน ก็ จูล เริล ตัก เมือง โซโดม นเซ็บ ‍ แต เยโฮวา ควะ ญ็อง อุ เคิบ อับราฮัม นัน ‍

เกาตีนา 18:3

นำ ก็ ไล อัห ฮุนเน “กัน แป ใจ ดัว ซิห เอิญ ‍ ก็ อำ แป งเคาะ เริล เตาะ ‍ แวด แอว เอิญ วาล กา ‍ เอิญ ก็ เป็น ลูกนอง แป ‍

เกาตีนา 19:1

ทาเน เทวาดา เปียะ ล็อง นัน ก็ โตะ ตัก เมือง โซโดม ‍ ปาม โตะ ก็ บัก และ แจ็ล แลว ‍ ญาม นัน โลด คุด อุ เคิง ปะตู เมือง ‍ นำ เม็จ โตะ ปาม ‍ นำ ก็ ร็อห เริล ราบ ปาม ‍ นำ โมด นัง ออ ไว ปาม ‍ นำ ก็ มพอล ปาม อวย เจิง ออ ‍

เกาตีนา 23:12

อับราฮัม ก็ ไว นำ เคิบ มัด อัห นัน มด ‍

เกาตีนา 23:7

อับราฮัม ก็ คุล ร็อห ไว ครำ ฮิดไท นัน ‍ นำ ก็ ไล อัห คือเน ‍

เกาตีนา 24:63

ตัก งิ ตี อัห โตะ นัน ก็ บัก และ แจ็ล แลว ‍ อิซอัก ก็ นจาง เริล กึด เริล ตาม ลงลุก นัน ‍ ทาเน นำ ก็ ปัก เม็จ ปึง อูด กำลัง โตะ ‍

เกาตีนา 42:6

ทาเน ตัก ปะเทด อียิบ นัน โยเซบ เป็น นายก ‍ นำ เป็น ครำ เท็จ ซา อน ตัก อัห จู ล็อง ตี โตะ ทน ซา นัน ‍ ทาเน ปึง นไจ นำ ก็ โตะ ทน ซา ‍ อัห ก็ กราบ ไว โยเซบ จำ ซิก เซ็บ ‍

เกาตีนา 43:26

ทาเน โยเซบ ก็ วัล โตะ ตัก เจิง ออ ‍ อัห ก็ เอิด คอง ควัน ซับ ควังใน เจิง อน ตัก นำ ‍ อัห ก็ กราบ ไว นำ จำ ซิก ‍

เกาตีนา 43:28

“เอา อิห ควะ รีด อุ ‍ ไอ มี ซีวะ อัง นำ ซัง” อัห อัง ‍ อัห ก็ โมด นัง ออ กราบ ไว นำ วัล ‍

เกาตีนา 44:14

ยูดา เคิบ ปึง ควน ปึง นไจ ก็ เริล โตะ ตัก เจิง โยเซบ ‍ โยเซบ ก็ ควะ อุ นัน ‍ อัห ก็ กราบ ไว นำ จำ ซิก

โรม 12:13

กัน ควน นไจ ตัก เจือ เยซู เลิม แร็ง ตุก ‍ แอ จวย นอย ก็ เลาะ ‍ กัน มี แคก โตะ แอว ‍ แอ ก็ ต็อง ตอนฮับ อัห เลาะๆ

ฮีบรู 13:2

กัน มี ครำ ตี แอ ไอ มี เม็จจึด โตะ แอว และ แอ ‍ ก็ ครอ ระ แอ ตอนฮับ อัห เลาะๆ ‍ แกด ล็อง อัห เกย ตอนฮับ เทวาดา ก็ มี ‍ อัห ไอ มี เม็จจึด เค็ย แคก นัน เป็น เทวาดา ซัง ‍ เจ็นนัน ก็ ครอ ระ แอ ตอนฮับ อัห ติกๆ ดาย

1 เปโตร 4:9

เจ็นนัน ก็ ครอ ระ แอ ตอนฮับ นอย ดอม นอย เลาะๆ ดาย ‍ กัน มี ครำ โตะ แอว และ แอ ‍ ก็ ครอ ระ แอ จวย เลียง อัห เลาะๆ ‍ ครอ ระ แอ เต็มใจ จวย อัห ซีเละ นัน ‍ อำ จ็อก ดก ‍ อำ บน ซีวะ เตาะ

รูด 2:10

เจ็นนัน รูด ก็ กราบ ไว นำ จำ ซิก นเซ็บ ‍ รูด ซวัล นำ คือเน “เอิญ เป็น ครำ กรอก ซอ ‍ ซีวะ มัห แอง เลาะ เคิบ เอิญ มอก เน ‍ ซีวะ มัห ใจ ดัว ซีตึ อัง เอิญ มอก เน” รูด อัง