กาลาเทีย 6:3 - Prai Bible3 แอ จวย อัห ก็ เลาะ แต อำ กึด เค็ย นัง ออ แกะ แลว ดาย กัน ซีเอ กึด เค็ย นัง ออ เลาะ นัง ออ ซมบูน แลว แต ไอ มี กิว ซมบูน เลาะ นัน ก็ มอก นำ จุ นัง ออ ฮัก အခန်းကိုကြည့်ပါ။ |
กาลาเทีย 6:3
17 ပူးပေါင်းရင်းမြစ်များ
กัน เอิญ มี ความ ซามาด เป็น ลาม เอาซาง กัน เอิญ เม็จจึด มด จู มบลึ กัน เอิญ เม็จจึด ซะ ตี เอาซาง ไอ มี ตัน ไล นัน แต เอิญ ไอ มี รัก อัห ก็ ไอ มี คิ กัน เอิญ แก็นใจ เจือ เอาซาง เอิญ ไล ญวัง มี เซ็น นะ ญาย เริล อุ ตี ซอ กุญ อี ก็ เริล ซีเละ ญอน เอิญ แก็นใจ เจือ เอาซาง นัน แต เอิญ ไอ มี รัก อัห ก็ ไอ มี เป็น ปะโยด ซีวะ เตาะ
แป อำ จุ นัง ออ เตาะ ดาย แป กึด เค็ย นัง ออ ลวัก แต แป วัล ทำลาย งาน คอง เอาซาง แป กึด จังนัน เอาซาง เค็ย ไอ มี ลวัก เตาะ ครอ ระ แป พระ แอ็ม กำกึด เครม นัน ซัง เลาะ กัน แป แอง ซะ ตี ครำ ใน โลก กึด เค็ย งาว นัน อัห กึด เค็ย งาว ก็ ตาม แต เตาะ ครอ ระ แป กิว แอง ลวัก มอก เอาซาง ฮัก ซัง เลาะ
บา นอ เอิญ อวด นัง ออ ตัก แป มอก ครำ งาว นอ แต เป็น ตัก แป นัน ฮัก คนาบ เอิญ จ็อก มอก เน แป ซงไซ เอิญ มอก แป กึด เค็ย เอิญ ไอ แมน ตัวแทน เยซู นังเลาะ แลว แป อวด เอิญ ฮัก ซัง แคระ เอิญ ไอ มี ซำคัน ซีวะ ก็ แมน แต ปึง นัน ตี แป ทือ เป็น ตัวแทน เยซู นัน อัห ไอ มี จบ เป็น ซะ แกะ กวา เอิญ
เอิญ จ็อก เคิบ ปึง นัน ตี อัห เค็ย อัหแกะ ซับรวง คริซจัก เอิญ ไล คาว เลาะ อน ตัก อัห ระ อัห เคาใจ เค็ย เอิญ เจือ จังนัก ทาเน อัห ปัง เอิญ แลว อัห ก็ ไอ มี ไล ซีวะ เพิม อน ตัก เอิญ เตาะ เอิญ ไอ มี นเจ็น เม็จ ซีวะ ตัก อัห เตาะ นังเลาะ แลว อัห เป็น ซะ แกะ ตี ซับรวง คริซจัก ก็ ตึก เอิญ ไอ มี ซนใจ อัหซอ ทือ อัห อน เกียด ตัก อัห จังนัก เอาซาง ก็ ไอ มี ซนใจ เมือนนอย จังนัก ก็ ตึก อัห ไอ มี ไล ซีวะ แมะ อน ตัก เอิญ เตาะ เป็น เอาซาง ฮัก ตี ระ เอิญ เคาใจ คาว เลาะ คาว แลม คอง ออ นัน
ทาเน ตัก คริซจัก เยรูซาเล็ม นัน ก็ มี ยากอบ เปโตร เคิบ ยอน ตี อัห เค็ย เป็น ซะ แกะ ตี ซับรวง คริซจัก อัห นัน แต ปึง ซะ แกะ นัน อัห เคาใจ แลว เค็ย เอาซาง อน งาน พิเซด เน ตัก เอิญ ฮัก อัห เคาใจ คือนัน แลว อัห ก็ ตกลง เคิบ เอิญ ซีเละ เค็ย อัห ต็อง เริล ไล คาว เลาะ คาว แลม อน ตัก ครำ ยิว เอิญ เคิบ บานาบัด ต็อง เริล ไล ครำ กรอก ซอ ฮัก
ကြော်ငြာတွေ