กาลาเทีย 3:20 - Prai Bible20 แต ตัก ซะไม โมเซด นัน กัน มี ครำ เปียะ เพียห ตกลง นอย ก็ ต็อง มี ตัวแทน จวย อัห ตกลง นอย นอ แต ซะไม เอาซาง จ็อก เคิบ อับราฮัม นัน เอาซาง ก็ ไอ มี ไล ตัวแทน จ็อก แตน ออ เพาะวา เอาซาง มี ล็อง เดียว ซันญา เคิบ อับราฮัม ฮัก ไอ มี ซีเอ เป็น ตัวแทน เอาซาง เตาะ အခန်းကိုကြည့်ပါ။ |
กาลาเทีย 3:20
11 ပူးပေါင်းရင်းမြစ်များ
แญง ซันญา เครม นัน กัน อัห แอง ลุห แลว อัห ก็ กุญ โทด แต แญง ซันญา แมะ อัห ก็ ปน แอ็ม เจ็น โทด นัน กุญ ญอน เยซู เปิล ญอน นำ ทวาย นัง ออ นัน เยซู ก็ แอง ฮุน แญง ซันญา แมะ ตี เอาซาง ซันญา เคิบ ครำ แอ แลว จู ล็อง ตี เอาซาง มพอล เอิด แลว นัน เยซู ก็ ระ อัห กุญ ซืบ เอิด กากุน ตี เอาซาง ซันญา อง อน นัน เป็น กากุน เลาะ จำ นเดย จำ กวา
แป ก็ โตะ และ เยซู แลว แป และ เยซู ตี เป็น เอา มอ ตี รักซา แญง ซันญา แมะ คอง เอาซาง นัน แป ก็ โตะ เอิด เมียม เยซู นัน เป็น ตี เปิง คอง ออ เมียม เยซู นัน ไล แอ เค็ย เอาซาง ญ็อก แอ็ม ตี ลุห แอ มด เมียม เยซู นัน เลาะ กวา เมียม อาเบล เมียม อาเบล นัน ไล แอ เค็ย เอาซาง ต็อง ตอบติก ฮัก แอ โตะ และ เยซู ก็ เลาะ อุ แลว เกาตีนา 4:10
ทาเน เฮโรด ก็ อ็อด อัง ครำ เมือง ไทระ เคิบ เมือง ไซดอน แต ครำ เมือง นัน ก็ เลอะ มพอล นอย โตะ กอย จ็อก เคิบ เฮโรด อัห ครอ อุ เลาะๆ เคิบ นำ อัห ต็องกาน อุ เลาะ เคิบ เฮโรด ก็ ญอน อัห กุญ ซา เคิบ ซะ ป็อง ตัก ปะเทด คอง เฮโรด นัน แต วาล ไอ ตัน อัห จ็อก เคิบ เฮโรด นัน อัห ก็ โตะ จ็อก เคิบ ลูกนอง นำ มี ล็อง วาล ลูกนอง เฮโรด นัน ซือ ตัก บาลาทัด นำ เป็น ลูกนอง ตี ควบคุม เจิง เฮโรด นัน อัห ครอ ระ บาลาทัด จวย ออ จ็อก เคิบ เฮโรด บาลาทัด ก็ ญอม จวย อัห เจ็นนัน อัห ก็ กุด โตะ จ็อก เคิบ พะเจายูฮัว เฮโรด
ကြော်ငြာတွေ