กาลาเทีย 2:7 - Prai Bible7 นังเลาะ แลว อัห เคาใจ เค็ย เอาซาง เลือก เอิญ ระ อน แลว เอาซาง ระ เอิญ เน ไล คาว เลาะ คาว แลม อน ตัก ครำ กรอก ซอ ก็ มอก เปโตร นอ เอาซาง เลือก เอิด นำ ระ นำ มี นาตี ไล คาว เลาะ คาว แลม อน ตัก ครำ ยิว นัน အခန်းကိုကြည့်ပါ။ |
กาลาเทีย 2:7
20 ပူးပေါင်းရင်းမြစ်များ
แต ปึง ครำ ยิว อัห ก็ ตอตาน เปาโล ติกๆ อัห เซาะ อัห โป เปาโล เค็ย นำ ไอ มี เลาะ วัล เปาโล ก็ ลด ไล อัห คือเน “แป เปิล แป ก็ ฮับพิดซอบ ออ ฮัก ดาย เอิญ ไอ มี ฮับพิดซอบ แป วัล เตาะ เจ็นเน นโดน เอิญ ก็ เริล ไล ครำ กรอก ซอ ฮัก” นำ อัง นำ ก็ ลด นโจ็หๆ แอ็ม พุน เจ็น โกบ ออ ระ อัห เคาใจ เค็ย นำ ไอ มี ฮับพิดซอบ อัห วัล เตาะ
ทาเน เอิญ ก็ งึด อัง แป ซีเละ ดาย เอิญ งึด ตี แป เวิด พระ แอ็ม เอาซาง ลด เจือ เลือง แมะ ตี อัห เค็ย เป็น คาว เลาะ นัน คนาด เป็น เอาซาง เน ฮัก ตี มพอล แป เจือ ออ ตี ระ แป เม็จ คาว เลาะ คาว แลม ตี เยซู คริด แอง เลาะ ซิห แป ลือๆ นัน แต มานะ เน แป วัล พระ แอ็ม เยซู ลด เจือ เลือง แมะ ตี อัห โตะ ไล อน ตัก แป นัน เอิญ เม็จ คาว แป เจือ จังเน เอิญ ก็ ญ็อก งึด อัง แป มด
ทาเน เปโตร เคิบ ปึง ซะ แกะ คริซจัก เยรูซาเล็ม นัน อัห ตกลง นอย แลว เค็ย ครำ กรอก ซอ ไอ มี จำเป็น ทือ กด โมเซด มอก ครำ ยิว เตาะ อัห เค็ย ครำ กรอก ซอ อิซระ แลว ทาเน เปโตร ก็ เริล แอว คริซจัก ตัก เมือง อันทิโอก นำ โตะ ตัก อันทิโอก แลว นำ ก็ ไอ มี แอง มอก ปึง ซะ แกะ ตกลง นอย แลว นัน เอิญ ก็ ลด โป นำ ซีเละ เน เอิญ โป นำ เคิบ มัด อัห มด นัน
ทาเน เอิญ เม็จ อัห แอง ไอ มี เลาะ ไอ มี ซือ มอก คาว เลาะ ไล อน นัน เอิญ ก็ โป เปโตร เคิบ มัด อัห มด นัน เอิญ โป นำ คือเน “มัห แอง จังเน ก็ ไอ มี แคระ ดาย คนาด มัห เน เป็น ครำ ยิว ซีเละ แต มัห ก็ ไอ มี แอง มอก ครำ ยิว มัห ไอ มี แอง มอก กด โมเซด ไล อน แลว นัน ก็ ซีวะ มัห วัล คนาบ ครำ กรอก ซอ ทือ กด โมเซด มอก ครำ ยิว วัล
ทาเน ตัก คริซจัก เยรูซาเล็ม นัน ก็ มี ยากอบ เปโตร เคิบ ยอน ตี อัห เค็ย เป็น ซะ แกะ ตี ซับรวง คริซจัก อัห นัน แต ปึง ซะ แกะ นัน อัห เคาใจ แลว เค็ย เอาซาง อน งาน พิเซด เน ตัก เอิญ ฮัก อัห เคาใจ คือนัน แลว อัห ก็ ตกลง เคิบ เอิญ ซีเละ เค็ย อัห ต็อง เริล ไล คาว เลาะ คาว แลม อน ตัก ครำ ยิว เอิญ เคิบ บานาบัด ต็อง เริล ไล ครำ กรอก ซอ ฮัก
เจ็นนัน ก็ ครอ ระ แอ เฮง แอง เลาะ ติกๆ ดาย ครอ ระ แอ เคาใจ เค็ย ตี เอาซาง ใจ ดัว ซอดแซ็ง ซิห แอ นัน ก็ เพาะวา นำ ซีรอก ระ แอ จู ล็อง มี รวง กุญ ปน แอ็ม เจ็น ลุห นัน ดาย ทาเน เลือง ตี เอาซาง ใจ ดัว ซอดแซ็ง ซิห แอ นัน เปือน แอ ตัก เปาโล ตี แอ รัก ดก นัน นำ ก็ เคียน ไล แอ มอก เน เมือนนอย นำ ก็ มี ปันญา ตี เอาซาง อน ตัก นำ ฮัก
ကြော်ငြာတွေ