กาลาเทีย 2:20 - Prai Bible20 โป แญง มเบิด ก็ มอก เอิญ เปิล ตัก ลำ ซีโรด เลิม เคิบ เยซู แลว มานะ เน เอิญ รีด อุ ก็ ไอ แมน แร็ง คอง เอิญ เตาะ เป็น แร็ง คอง เยซู คริด อุ ใน นัง เอิญ ฮัก ทาเน จู มบลึ ตี เอิญ แอง ตัก โลก แพนซิก เน เอิญ ก็ แอง ญอน เอิญ เจือ เยซู ควัน เอาซาง นัน นำ รัก เอิญ นำ เปิล แตน เอิญ ระ เอิญ ปน แอ็ม เจ็น ลุห แลว นัง คอง เอิญ เน ก็ เป็น นัง คอง เยซู ฮัก အခန်းကိုကြည့်ပါ။ |
กาลาเทีย 2:20
65 ပူးပေါင်းရင်းမြစ်များ
คาว เลาะ เน ก็ เลาะ ซีเละ กัน แอ เจือ เอาซาง นำ ก็ ระ แอ เป็น ครำ เลาะ ครำ ซือ ลด ระ แอ อุ เลาะ เคิบ ออ เจ็น ตัก อิง เตา มานะ เน ไอ มี รวง ซอ ระ แอ กุญ อุ เลาะ เคิบ เอาซาง มี มี รวง เดียว เน แอ ต็อง เจือ นำ ฮัก ลาม เอาซาง ก็ เคียน ไล อน มอก เอิญ ไล แป นะ อัห เคียน คือเน “ครำ ตี เจือ เอาซาง อัห ก็ กิว อุ เลาะ เคิบ เอาซาง อัห รีด ก็ ญอน อัห เจือ เอาซาง ฮัก” แญง เอาซาง อัง ฮาบากุก 2:4
แต อา เน ก็ เม็จจึด เลาะ แลว เค็ย แอ กุญ อุ เลาะ เคิบ เอาซาง ก็ ญอน แอ เจือ เยซู คริด ฮัก ไอ แมน ญอน แอง เลาะ ตาม กด เตาะ ตึง ครำ ยิว ตึง ครำ กรอก ซอ ก็ เมือนนอย มด แอ จู ล็อง อุ เลาะ เคิบ เอาซาง กุญ ก็ ญอน เยซู คริด ฮัก เจ็นนัน แอ เน ก็ เจือ เยซู เพือ กุญ เลาะ อุ เคิบ เอาซาง นัน ไอ มี ซีเอ ซัก มี ล็อง ตี เลาะ อุ เคิบ เอาซาง ญอน แอง ตาม กด นัน ไอ มี เตาะ เลือง เน อา ก็ เม็จ เลาะ แลว นอ”
ปึง นัน อัห อวด เลือง แอง พิที ซุนัด นอ แต เอิญ เน อวด เยซู คริด ตี เป็น งกีจ็อง คอง แอ นัน ฮัก นำ เปิล แตน แอ ตัก ลำ ซีโรด นัน ฮัก เอิญ ไอ มี อวด ซะ ซอ ซัก มี ยาง แต เอิญ อวด เยซู คริด นัน ฮัก ก็ ญอน เยซู เปิล นัน เอิญ ก็ มอก เปิล เลิม เคิบ นำ แลว เจ็นนัน เอิญ ก็ ไอ มี กึด มอก ครำ ซังคม โลก เน เตาะ เอิญ ไอ มี กึด มอก อัห อัห ก็ ไอ มี เคาใจ เอิญ เตาะ
แป แก็นใจ เจือ เยซู คริด นัน ก็ เพือ ระ นำ อุ ซะบายๆ ใน ใจ แป เอิญ ก็ ครอ เคิบ เอาซาง ระ แป เคาใจ เยซู รัก แป ดก แลว กัน แป เคาใจ เยซู รัก ออ ดก แป ก็ แก็นใจ อุ มอก เกาลำ ตัก จุ เกรด ไอ มี งคืด นัน กัน แป เคาใจ นำ รัก ออ แป ก็ แก็นใจ อุ มอก เจิง ตัก จ็อง เซ็น งกรัง ไอ มี เกลิน แอ็ม เตาะ
เอาซาง วาง แพน แลว นำ ซีรอก ระ ครำ คอง ออ เม็จจึด แพนกาน คอง ออ เลาะ แพนกาน คอง นำ เลาะ ทีซุด มี เกียด ดก ทีซุด นำ ก็ ซีรอก ระ แอ เคาใจ เค็ย แพนกาน ตี เอาซาง งเกริม ระ อน นัน นำ ก็ ระ แอ เม็จ ไอ แมน นำ ระ ครำ ยิว มี กรอก เดียว กุญ เลาะ ดาย นำ ระ ตึง ครำ กรอก ซอ กุญ เลาะ เลิม มด แญง นังเลาะ ตี นำ ไล แอ เม็จ แมะ เน ก็ คือเน เป็น เยซู นัน ฮัก นำ อุ ใน นัง แอ ฮัก แอ ก็ ลด แก็นใจ กุญ เลาะ ตัก นำ กุญ ฮับ เกียด เลิม เคิบ นำ บัดนะ ตี แอ กุญ เลาะ ตี แอ กุญ เกียด นัน แอ กุญ ญอน เยซู คริด ฮัก
ทาเน แอ ก็ เม็จ แลว เค็ย ควัน เอาซาง โตะ ตัก แอ แลว นำ ก็ จวย ระ แอ เคาใจ เคิบ เอาซาง เลาะ นำ จวย ระ แอ เม็จจึด เคิบ เอาซาง ตี เป็น งกีจ็อง นังเลาะ นัน เจ็นนัน แอ ก็ กุญ อุ เลิม เคิบ เอาซาง ตัก เป็น งกี แตๆ คอง แอ นัน แอ อุ เลิม เคิบ เอาซาง กุญ ก็ ญอน ควัน นำ ตัก เยซู คริด นัน เป็น ควัน เอาซาง เน ฮัก ตี เป็น งกี แตๆ คอง แอ ตี ระ แอ รีด อุ จำ นเดย จำ กวา นัน
เจ็นนัน ก็ ครอ ระ เยซู คริด จวย ระ แป อุ เลาะ อุ ซุก วัล นำ จ็อก เลาะ จ็อก ซือ เลือง เอาซาง นำ จ็อก แคระ ตลอด นำ เป็น ล็อง แรก ตี เปิล ลบ วัล รีด เล็ห วัล บัดนะ นำ ก็ เป็น พะเจายูฮัว แกะ ทีซุด ใน โลก เน นำ ก็ ปกคอง พะเจายูฮัว จู ล็อง ทัว โลก วัล ครอ ระ เยซู เน แอง เลาะๆ ซิห แป ระ แป อุ เลาะ อุ ซุก ดาย ครอ ลือ เยซู คริด ดาย นำ รัก แอ นำ เซีย เมียม ออ แก ลุห แอ ระ แอ เน ปน แอ็ม เจ็น ลุห
ကြော်ငြာတွေ