กาลาเทีย 2:11 - Prai Bible11 ทาเน เปโตร เคิบ ปึง ซะ แกะ คริซจัก เยรูซาเล็ม นัน อัห ตกลง นอย แลว เค็ย ครำ กรอก ซอ ไอ มี จำเป็น ทือ กด โมเซด มอก ครำ ยิว เตาะ อัห เค็ย ครำ กรอก ซอ อิซระ แลว ทาเน เปโตร ก็ เริล แอว คริซจัก ตัก เมือง อันทิโอก นำ โตะ ตัก อันทิโอก แลว นำ ก็ ไอ มี แอง มอก ปึง ซะ แกะ ตกลง นอย แลว นัน เอิญ ก็ ลด โป นำ ซีเละ เน เอิญ โป นำ เคิบ มัด อัห มด นัน အခန်းကိုကြည့်ပါ။ |
กาลาเทีย 2:11
31 ပူးပေါင်းရင်းမြစ်များ
แลว อันดรู ไล ซีโมน แลว นำ ก็ ซับรวง ซีโมน วัล โตะ และ เยซู เยซู เม็จ ปาม อันดรู เคิบ ซีโมน โตะ เยซู เม็จ ซีโมน แลว นำ ก็ ที ดอม ซีโมน นำ ก็ ไล ซีโมน ฮุนเน “มัห ซือ ซีโมน ควัน ยอน แต เจ็นเน นโดน ซือ มัห ตัก เคฟัด ดาย” เยซู อัง (เคฟัด เป็น แญง ฮีบรู นอ พาซา กรีก อัห เค็ย เปโตร พาซา แอ ก็ เค็ย เกียง งุก)
กำนา ญาม ครำ ยิว มเบิล ซะเทเฟน นัน อัห ก็ คมเฮง ครำ ทือ เยซู ครำ ตี ทือ เยซู แกด ล็อง อัห ก็ ปัด เริล มี ติด มี ตี มบรัห ก็ ปัด เริล งคม ตัก จังวัด ฟีนีเซีย มบรัห ก็ ปัด เริล เกาะ ไซปรัด มบรัห ก็ ปัด เริล เมือง อันทิโอก อัห เริล พานเดย อัห ก็ ไล เลือง เยซู อน อัห ติกๆ แต อัห ไล อน จุม ครำ ยิว ฮัก
บา นอ เอิญ อวด นัง ออ ตัก แป มอก ครำ งาว นอ แต เป็น ตัก แป นัน ฮัก คนาบ เอิญ จ็อก มอก เน แป ซงไซ เอิญ มอก แป กึด เค็ย เอิญ ไอ แมน ตัวแทน เยซู นังเลาะ แลว แป อวด เอิญ ฮัก ซัง แคระ เอิญ ไอ มี ซำคัน ซีวะ ก็ แมน แต ปึง นัน ตี แป ทือ เป็น ตัวแทน เยซู นัน อัห ไอ มี จบ เป็น ซะ แกะ กวา เอิญ
มานะ เน แอ ไอ มี ตัดซิน นอย มอก ครำ ทัว โลก ตัดซิน นอย นอ เอาซาง เปียน กำกึด แอ แลว แอ เคาใจ นอย มอก เอาซาง เคาใจ แอ ฮัก แต กำนา แอ เกย กึด เลือง เยซู คริด มอก ครำ ทัว โลก กึด นัน แต มานะ เน แอ ก็ ไอ มี กึด มอก นัน เตาะ มานะ เน แอ กึด เลือง ครำ แอ ก็ ไอ มี กึด มอก อัห เตาะ กำนา แอ กึด เลือง เยซู แอ ก็ กึด เค็ย นำ เป็น ครำ พาลือ แต มานะ เน แอ เคาใจ เค็ย นำ ไอ แมน ครำ พาลือ เตาะ
ทาเน เอิญ เม็จ อัห แอง ไอ มี เลาะ ไอ มี ซือ มอก คาว เลาะ ไล อน นัน เอิญ ก็ โป เปโตร เคิบ มัด อัห มด นัน เอิญ โป นำ คือเน “มัห แอง จังเน ก็ ไอ มี แคระ ดาย คนาด มัห เน เป็น ครำ ยิว ซีเละ แต มัห ก็ ไอ มี แอง มอก ครำ ยิว มัห ไอ มี แอง มอก กด โมเซด ไล อน แลว นัน ก็ ซีวะ มัห วัล คนาบ ครำ กรอก ซอ ทือ กด โมเซด มอก ครำ ยิว วัล
ทาเน ตัก คริซจัก เยรูซาเล็ม นัน ก็ มี ยากอบ เปโตร เคิบ ยอน ตี อัห เค็ย เป็น ซะ แกะ ตี ซับรวง คริซจัก อัห นัน แต ปึง ซะ แกะ นัน อัห เคาใจ แลว เค็ย เอาซาง อน งาน พิเซด เน ตัก เอิญ ฮัก อัห เคาใจ คือนัน แลว อัห ก็ ตกลง เคิบ เอิญ ซีเละ เค็ย อัห ต็อง เริล ไล คาว เลาะ คาว แลม อน ตัก ครำ ยิว เอิญ เคิบ บานาบัด ต็อง เริล ไล ครำ กรอก ซอ ฮัก
ควน นไจ เฮย ตี นา นัน เอิญ กึด ซีรอก เคียน จดมาย ไล แป เลือง ตี แอ ปน แอ็ม เจ็น ลุห ตี แอ เจือ เลิม นัน เอิญ กึด ซีรอก เคียน เลือง นัน อน ตัก แป วาล แต เอิญ จำเป็น ต็อง เคียน จดมาย ดวน อน แป มี ยาง วัล เอิญ เคียน ไล แป เจิม นัง ออ ตัก ครำ ตี ซอน ไอ มี เลาะ ไอ มี แคระ นัน เอิญ เคียน จดมาย เน ก็ เพือ ระ แป ซู แป ต็อง ซู ระ คริซจัก แก็นใจ เจือ เยซู เลาะๆ แคระๆ ฮัก คาว เลาะ คาว แลม ตี เอาซาง มอบ อน ตัก ครำ คอง ออ นัน นำ อน อัห มี ลบ เดียว นัน ก็ กุม ตลอด ครอ ระ แป ซู ติกๆ ระ ครำ เยซู กิว เคาใจ เลาะๆ แคระๆ ฮัก
ကြော်ငြာတွေ