อิซราเอล ญาย 34:1 - Prai Bible

¹ เจ็นนัน เยโฮวา ก็ โตะ ไล โมเซด คือเน “มัห ต็อง ทาก เอิด เกียง เปียะ แพ็น ซับ ตัก เอิญ ‍ มัห ต็อง แอง เมือน อัน เครม ตี มัห แอง แตก นัน ‍ เอิญ ก็ เคียน ซิห แญง ออ ตัก เกียง มอก อัน เครม นัน ‍

อิซราเอล ญาย 34:1 ပူးပေါင်းရင်းမြစ်များ

อิซราเอล ญาย 32:19

ญาม โมเซด เคิบ โยซูวา จูล โตะ บัก และ ติ เล็ห ตัก คาย แลว ‍ โมเซด ก็ ดอม อัห ‍ นำ เม็จ ฮูบ งัว ตี อัห ไว นัน ‍ นำ เม็จ อัห พอน ลอง เพลง แอง มวน อุ นัน ‍ นำ ก็ แร็ง อ็อด ซีเละ ‍ นำ ก็ เอิด เกียง เปียะ แพ็น นัน มบัล กวาง แอ็ม พุก แตก ตัก เจ็ง ญวัง นัน ‍

อิซราเอล ญาย 34:28

โมเซด ก็ อุ เลิม เคิบ เยโฮวา ตัก ญวัง นัน ซีซิบ งิ ซีซิบ แจ็ล ‍ นำ ไอ มี กุญ ป็อง จะ ไอ มี กุญ ออก ซีวะ เตาะ ‍ เอาซาง ก็ เคียน แญง ซันญา คอง ออ ซิห ตัก เกียง เปียะ แพ็น นัน ‍ แญง ซันญา นัน ก็ เป็น กด ซิบ คอ คอง เอาซาง นัน

อิซราเอล ญาย 24:12

เจ็นนัน วัล เยโฮวา ก็ ไล โมเซด คือเน “มัห ก็อห โตะ และ เอิญ ตัก ญวัง ทึห เน ดาย ‍ มัห เพา เอิญ อุ ตัก เน ‍ เอิญ ก็ เคียน กด ซิห ตัก แพ็น เกียง อน ตัก มัห ‍ มัห ต็อง เก็บ ระ อน ‍ เพือ นเจ็น อัห ดาย” นำ อัง

อิซราเอล ญาย 34:4

โมเซด ก็ ทาก เอิด เกียง เปียะ แพ็น ฮุน อัน เครม นัน ‍ ปัห ซะ นำ ก็ ก็อง เกียง นัน ก็อห เริล ตัก ญวัง ซีนาย นทึห วัล ‍ นำ แอง จู มบลึ ฮุน เยโฮวา ไล นัน