20 โมเซด ก็ ไล อัห คือเน “อำ แป นเจิก เตาะ ดาย งกีจ็อง จูล โตะ ลอง ใจ แป ระ แป เกงใจ อัง นำ ระ แป ไอ มี ฮาน แอง ลุห ซีวะ วัล” โมเซด อัง
ทาเน เอาซาง ก็ โตะ ลอง ใจ อับราฮัม ฮุนเน “อับราฮัม เฮย” นำ อัง “ซีวะ เออะ” อับราฮัม อัง
เทวาดา ก็ ลด ไล นำ คือเน “อำ มัห มเบิล ควัน ออ เตาะ ดาย เอิญ เม็จจึด ใจ มัห แลว มัห กิว ทือ เอาซาง ซีเละ มัห ญอม ทวาย ควัน ออ อน ตัก เอาซาง” เทวาดา อัง
อับราฮัม ก็ ซวัล นำ ฮุนเน “ซีมา เตาะ ดาย เอิญ นเจิก อัง แป เอิญ เยา งวัล แป เน ไอ มี ซีเอ ทือ เอาซาง เอิญ นเจิก แป โซะ กุญ ยัห เอิญ แป ลด มเบิล แอ็ม เอิญ จับ เอิญ ก็ ลด เค็ย ซารา เป็น ควน ออ
โมเซด ก็ ซวัล อัห คือเน “อำ นเจิก เตาะ ดาย แป เอิด ใจ จ็อง แอง ใจ เลาะๆ งิ นะ เน งวะ แป ก็ เม็จ เยโฮวา จวย แป ปน แอ็ม เจ็น ครำ อียิบ ตี จวาด แอ เน เจ็นเน นโดน แป ก็ ไอ มี เม็จ มัด อัห วัล เตาะ