อิซราเอล ญาย 17:9 - Prai Bible

⁹ ทาเน ก็ มี ครำ อิซราเอล มี ล็อง ซือ ตัก โยซูวา ‍ โมเซด ก็ ไล นำ คือเน “มัห เลือก เอิด อัหคล็อง ตี แร็งๆ เริล ฮบ เคิบ ครำ อามาเลก งิ กรัก ดาย ‍ เอิญ ก็ ญ็อง ก็อง งเกราะ ตี งกีจ็อง อน เน อุ ตัก ญวัง ทึห นัน ดาย” โมเซด อัง

อิซราเอล ญาย 17:9 ပူးပေါင်းရင်းမြစ်များ

อิซราเอล ญาย 24:13

โมเซด ก็ ไล ปึง อัหแกะ คือเน “แป เพา อุ ตัก เน จำปอ เอิญ วัล โตะ และ แป วัล ดาย ‍ อาโรน เคิบ เฮอ ก็ ควะ อุ เคิบ แป เซ็บ เน ‍ กัน แป มี ปันฮา ซีวะ ‍ แป ก็ โตะ และ ปาม ดาย” โมเซด อัง เจ็นนัน โมเซด ก็ ก็อห เริล ญวัง งกีจ็อง นทึห ‍ โยซูวา ตัก เป็น ลูกนอง โมเซด นัน ก็ เริล เลิม ‍

อิซราเอล ญาย 4:20

โมเซด ก็ ระ ยัห เคิบ ควัน ออ ต็อก ลา เริล ปะเทด อียิบ ‍ นำ ก็ เอิด งเกราะ นัน เริล ฮุน งกีจ็อง ไล อน

อิซราเอล ญาย 4:2

เยโฮวา ก็ ซ็วน นำ คือเน “ซัง มัห ก็อง ซีวะ อุ นัน” ‍ โมเซด ก็ ซวัล เค็ย “งเกราะ” นำ อัง ‍

ตัวแทน 7:45

อัห มี พาเต็น แลว ‍ โยซูวา ก็ ซับรวง อัห กุด ปะเทด คานาอัน ‍ อัห ก็ เอิด พาเต็น นัน เริล เลิม เคิบ ออ ‍ อัห เอิด ตี ซิก ครำ คานาอัน ‍ เอาซาง ก็ มบรึห ครำ คานาอัน ปัด แอ็ม ทาเน พาเต็น นัน ก็ ควะ อุ จำปอ โตะ ซะไม ดาวิด ‍

อุ ตี แลง 11:28

ทาเน โยซูวา ควัน นูน ตี เป็น ครำ จวย โมเซด เจ็น นำ ควะ นุม อุ นัน ‍ นำ ก็ ไล โมเซด คือเน ‍ “โมเซด มัห มบราง ปาม จ็อก ดาย” นำ อัง ‍

อิซราเอล ญาย 17:13

โยซูวา ก็ ฮบ เคิบ ครำ อามาเลก จำปอ อัห กาน อัง นำ มด

อุ ตี แลง 13:16

โมเซด ก็ ไล ปึง ซิบซอง ล็อง นัน เริล เลียบ ดอม ตี ซิก นัน ‍ (โมเซด ก็ เปียน ซือ โฮเซยา ควัน นูน เป็น โยซูวา) ‍

อิซราเอล ญาย 4:17

เจ็นเน มัห ก็ ต็อง ก็อง งเกราะ เน เริล ‍ ต็อง เอิด งเกราะ เนๆ แอง ซะ แปลก ‍ ระ อัห เคาใจ เค็ย ‍ เป็น เอิญ เน ฮัก ‍ ไล ปา เริล” เยโฮวา อัง

อุ ตี แลง 13:8

โฮเซยา ควัน นูน ‍ กรอก เอฟาอิม

อุ ตี แลง 27:18

แทะ นัน วัล เยโฮวา ก็ ไล โมเซด คือเน “มัห เอิด ที ออ พระ ซิห ตัก กึ โยซูวา ควัน นูน นัน ดาย ‍ นำ เป็น ครำ ตี มี ความ ซามาด ดก ‍