อิซราเอล ญาย 13:19 - Prai Bible

¹⁹ โมเซด ก็ ไล อัห เอิด ซีเยิง โยเซบ เริล เลิม ‍ เพาะวา ตัก อิง โยเซบ เพีย ไล ครำ อิซราเอล ซันญา เคิบ ออ แลว ฮุนเน “บัดนะ นโดน เอาซาง ต็อง จวย แป ทอก เจ็น ปะเทด อียิบ นังเลาะ ‍ ญาม แป เริล นัน ‍ แป ต็อง เอิด ซีเยิง เอิญ เริล เลิม” โยเซบ อัง ‍ โมเซด ก็ ลด ไล อัห เอิด ซีเยิง โยเซบ เริล เลิม

อิซราเอล ญาย 13:19 ပူးပေါင်းရင်းမြစ်များ

ตัวแทน 7:16

ปึง ควัน นจะ ควัน ลาน ก็ เอิด ซบ ซิบซอง ล็อง นัน ‍ ซับ เทิ๊บ ระ ตัก กรืบ เมือง เซเคม ‍ เป็น กรืบ ตี อับราฮัม ทน เอิด ตัก กรอก ฮาโม ตัก อิง นัน

ลูกา 7:16

จู ล็อง ตี เม็จ เยซู แอง ระ ล็อง นัน รีด เล็ห วัล ‍ อัห ก็ เลอะ นเจิก มด ‍ อัห ก็ ลด อวด ลือ เอาซาง คือเน ‍ “มี ลาม เอาซาง ตี แกะ ทีซุด เกิด ตัก กรอก อิซราเอล แอ เน แลว ‍ เอาซาง โตะ จวย ครำ คอง ออ แลว” อัห อัง ‍

ลูกา 1:58

ควน นไจ นำ เคิบ ครำ ใน งวัล เม็จ คาว เค็ย ‍ งกีจ็อง กิว จวย ระ เอลีซาเบด มี ควัน แลว ‍ อัห ก็ เลาะใจ เลิม เคิบ นำ

อิซราเอล ญาย 4:31

อัห ก็ ลด เจือ ปาม ‍ ญาม อัห เม็จ คาว เค็ย เยโฮวา เม็จ อัห ตุก ญาก ‍ เคิบ อัห เม็จ คาว เค็ย เยโฮวา โตะ จวย ออ ‍ อัห ก็ มพอล นอย กราบ ไว เยโฮวา

ตัวแทน 7:15

ปึง ยาโคบ ก็ ลด ญาย เริล อุ ตัก ปะเทด อียิบ มด ‍ ยาโคบ อุ ตัก อียิบ นัน จำปอ มแบร็ห ‍ ลด เปิล แอ็ม ตัก ปะเทด อียิบ นัน ‍ ควัน นำ ซิบซอง ล็อง ก็ เปิล แอ็ม เคิง นัน ‍

ฮีบรู 11:22

โยเซบ ก็ เจือ เอาซาง ‍ ญาม นำ บัก และ เปิล แลว ‍ นำ ก็ แก็นใจ เจือ เค็ย ‍ งิ แมะ เอาซาง ต็อง ซับรวง ครำ อิซราเอล วัล โตะ อุ ตัก ปะเทด คานาอัน ‍ นำ ก็ ไล ครำ อิซราเอล เค็ย ‍ ญาม อัห วัล โตะ อุ ตัก ปะเทด คานาอัน บัดนะ นัน ‍ นำ ไล อัห เอิด ซีเยิง ออ เริล เลิม